الموضوع: تعبت وزهقت من نقص القربة خالص ومش عارف العﻻج والحل اية..ادخل بسرعة

الطاسة متكلفة مش اي كلام

المشاركة الأصلية كتبت بواسطة Nfs Rivals

السﻻم عليكم
الحوار هنا باختصار شديد لمنع نقص قربة المية لمستوى تحت المينMIN
بيتلخص فى 4 اشياء مالهمش خامس
اول حاجة واخر حاجة وجود خرم رفيع جدا او كبير جدا في
القربة او الريداتير نفسه او الغطاء اﻻصفر الكورى بتاع القربة بينفس خصوصا لما العربية تسخن وانت ماشي بيها او واقف
والحل بتاع غطا القربة الكورى ال رابيش الفاشل
تشتري وتدور على غطا قربة صناعة ألمانى هتﻻقي شكلة قصير جدا بس الصﻻة عالنبي بيجيب ماﻻخر
وترمى الغطا الكورى ﻻاووووو نافيس معاك وطلع بخار من الضغط والكبس الى بيحصل جوة
برضو لسة القربة بتنقص خالص وﻻ وجود نقطة مية ودى موجودة في النوبيرا وان و تو
الحل تمسك الريداتير الى عندك وعلى اجمل زبالة وترمية بالسربانتينة بتاعتو
وتجيب ريدا صناعة مصري بسربنتينة نحاس وﻻن النحاس مش بيصدى خاصة ﻻى سيارة اوتو
مش زى ال Sarapant
اﻻلومنيوم لما بيصدى من حاطك لمياة حنفية بها امﻻح
لو السربانت اﻻﻻمونية صدت مش بتبرد الفتيس اﻻوتو وبتطير لك الفتيس اﻻوتو ﻻن قربة المية دخلت في الفتيس فاشياعت الفتيس بالسﻻمة بدﻻ من تبريدة
والحل ياتركبلها سربانت اﻻمونية وتحوطلها مية تكييف
فترة الصيف كلها هتقولى انا مش عارف احطلها مية تكيف سواء من عندى او من جارى او من محل جاري
هقولك من شهر 11 لشهر مايو بس
محدش بيشغل المكيف فبالتالى مش هتحط مية تكيف مكثفة ﻻنها 0% من اﻻمﻻح عشان مش بتصدى وش السلندر وﻻ ط.المية وﻻ الريداتير وﻻ سربانت الريداتير
من شهر11 لشهر مايو دى فترة الشتا عليك بشراء هذا النوع المحترم والمعفو من الضرب والغش وقلة الجودة
عليك بنوعين العب عليهم الشتا كلة
الABRO
ابو علبة صفيح شبة ع.الكانز
والى مكتوب علية كدة
made in USA
ابو15ج او بعشرين ياسيدى
او عليك بالنوع الجامد او المحترم فوق الوصف
وهو بيزول .. BIZOL
ألمانى الصنع ودة مادورش وراه ﻻنه حاز على نجاح كل سيارات مصر من اﻻنتهاء من عناء تكون الصدا في المحرك من ط.مية وريداتير بيصدى فابيعمل ثقب فابيجنن صاحبة من عدم وجود حل لنقص قربة المية لمستوى المينMin .. او ممكن القربة تبقي فاضية خالص..ونا جبت اﻻبرو ابو علبة صفيح 1لتر وجبت الجركن البيزول ابو علبة سوداء 4لتر او كيلو
وقمت حاطتهم في الديب فريزر بتاعى وتم تبيبة شهر من
واحد اغسطس لواحد سبتمبر..اقسم بالله ومن غير حلفان
كل يوم على الله أشايك على العلبتين..ميييية متحركة ماتجمدتش نهائى وجربها بنفسك..فكرتنى بالريحة ام10جرام لما بعتقها مش بتتجمد وباروجج علبة الصفيح ال ابرو اﻻمريكى بيدى واسمع المية وهى بتتحرك جوة
كدة دى مية كوﻻنت غير ملعوب فيها ﻻنى اشتريت
جراكن وعلبة مياة خضراء انواع غبر معروفة المصدر يامعلم..ابيت الجركن من هنا اشايك علية قبل ما انام يروح متجمد اكنها مية سائعة..ودة تعرف انه مضروب 10000% .. مفيش كﻻم.. وهاياكل لك وش السلندر والجوان وهايجيب لك صدا وتآكل في مجارى المية في وش السلندر وبسببة هيدخلك مية عالزيت وهتحتاج لتغير وش سلندر بالشئ الفوﻻنى وانت فى غنى عن القرف دة..معلش طولت عليكم عشان الى بيسال هيﻻقي اﻻجابة هنا..المهم كدة اول حاجة يا الريداتير مخروم وعاوز يتغير ﻻيجوز لحام هايضرب من ناحيةتانية وتالتة هو راكبو عفريت ماتحاولش معاه بيخون صاحبة والله.. اسمع منى تكسب
يا اما القربة نفسها مخرومةوبكدة برضك عاوزة تتغير بواحد استيراد او استعمال اوعاك مالجديد اى كﻻم وﻻيسوى بيصلةوبيتخرم لوحدة مالركنة او ماﻻستهﻻك..يا اما من غطا القربة ويتغير بغطا صناعة ألمانى هتﻻقية صغير ومضغوط عن الغطا
هتﻻقية صغير ومضغوط عن الغطا الكورى المعفن الفاشل الرابيش.. والغطا اﻻلمانى معمر جدا ماشاء الله وعن تجربة داخل في اﻻربع سنين اهو ماشاء الله تبارك الله
حمار شغل..يا اما ياريس تنزل زى الزكى تحت عربيتك بعد مشوار بتاع ساعة مشي او اكتر والعربية سخنة ومصهدة من كبوت ورفرفين مش سخنة بارتفاع مقاس الحرارة لH
وتماور وتنزل تحت العربية ليل او نهار..تخلى وشك للوحة والكبوت وتنزل وتبص هنا وهنا ويمين وشمال
اكيدددددد هتﻻقي تسريب مية متقوليش ﻻء مالقيتش
واحيانا هتبقى من كسر او شرخ جزء بسيط جدا لشجرة المية..ودى مايورة فايبر بﻻستيك او اﻻمونية حسب نوع عربيتك المهم هتﻻقية بينفس من تحت وهتحس انها ورا طبة زيت المكنة بالظبط مالهاش مكان تانى
وممكن تﻻقي شرخ او كسر في شجرة المية قم بحلها وتغيرها فورا ﻻن كدة العربية بتاخد هواء ودة غلط ع جواة وش السلندر..المهم مالقتش تسريب من تحت المكنة وتركز وانت بتبص بتاع 3دقايق وانت تحت عربيتك
من غير رفع كوريك..وياسﻻم لو ﻻقيت التسريب من تحت
على طول تطلع موبايلك الزكى السامسونج ابو كاميرا نقية وتصورها للمكانيكى بتاعك وتقولة انا صورتلك التسريب اهو..عالجهولى لو سمحت عشان لو اتكاهن عليك وقالك ﻻﻻمفيش تسريبات من تحت..الكاميرا هنا تكدب الغطاس..طب هتقولى انا اشتريت ريداتير امريكانى جامد وشجرة مية المانى ملهاش حل وقربة استيراد اسرائيلي غالية وغطا قربة روسي وعملت الى ماتعملش وبرضو فيةنقصان مرعب في القربة..لو كل ماسبق تم فعله..كدة العربية جابت ج وش سلندر وفية تسريب داخلى ودى اخر اﻻحتماﻻت ودى حاجة حصلتلى شخصيا في النوبيرا..بعد تغير كل شئ وفكرت والله في تغير المكنة عشان اريح نفسى..يومها دورت العربية الصبح بدرى في الحر كمان مش فالشتا..وﻻقيتلك الشكمان الحبيب بيطلع دخنة بيضاء او رمادى او رصاصي اللون
واريتها للمكانيكى قالى لو غير ج وش السلندر والقربة نقصت
المهم ياجماعة علينا بالمياة ابرو اﻻمريكى ال4لتر
في15ج ب60
نفس تمن البيزول فالمية ب65 بس
Germany
ياريس ماتدورش وراه وﻻ تقلق منه
وفي الصيف من اول مايو ل اول شهر نوفمبر حط مية تكيف مكثفة مفلترة
وبالمناسبة استخدام زيت بيزول من الزيوت المحترمة جدا من
125ج ال5.000كم
او 145ج ال7000كم
ﻻ تقولى مويل وﻻ اوبل وﻻ شيل وﻻ شيل وحط وﻻ زيت التعاون وﻻ مصر للبترول وكالتكتس و اويل ليبيا وﻻ شيلد الكويتى .. كلللللل دة في الهجايص يامان
هاتقولى ماخالى شاري زيرو و بيغير زيت موبيل .. اقولك عشان دة المكنة بتاعته زيرو بيبقي عاوز زيت تخليقي مش معدنى مش ماشي بيها فوق الخمسين الف كم
وانصحكم باستخدام زيت بيزول اﻻلمانى ﻻى سيارة
و بمياة التبريد وبزيت الفرامل المحترم ومنظف الرشاشات ومنظف التانك من تذويب الرواسب وتنظيف الرواسب في خراطيم البنزين من بنزين80 او 92
وزيت تنظيف دورة الزيت قبل تغير الزيت وزيت الباور بتاعهم زى الفل والله زيوت في منتهى الروعة والنظافة والجودة العالية وزيت الفتيس العادة واﻻوتوماتك
انا جربت كل الزيوت بجميع مياة التبريد الى بتتجمد
في الفريزر وبارمية في وش البايع وباخد تمنة وقتى
وبنصحهم والله بعد تجار اﻻنواع الغير معلومة المصدر
والى بتساعد على صدأ وتآكل مجارى مياة وش السلندر وبيساهم في ضرب وسرعة تلف ج وش السلندر

*ونا بعتذر جدا عن اﻻطالة .. اسف اسف جدا والله
وبحبكم في الله يا افخم واقيم شباب منتدى نايل موتورز في الوجود
اخوكم المتواضع لربه .. Hesham

Nfs Rivals