أسطوانة الغاز ٨٠ تعادل ٢٢متر غاز و أسطوانة ال ٧٠ تعادل ١٧متر غاز.
فين أروح اضبط فرش الشنطه بعد تركيب الغاز لأني مش عايز الأسطوانة تكون ظاهره و قالولي في كارجاس أنهم ما بيعملهاش و لازم أروح لسروجي.
بعد اذنك ياباشا بالنسبه لمايسمى (ستاب) وده مخصوص للعربيه الميتسوبيشى ده عباره عن ايه وايه الفايده منه
جزاك الله كل خير
الصور في الرابط التالي:ــــ
AHMED1981: تحويل السيارات للعمل بالغاز الطبيعي خطوة خطوة (تقرير مصور) ==convert cars to NG step by step
ـ
انا هركب الصبح ان شاء الله فى غازتك المنصوره
ربنا ييسرلك الأمر
ـ
http://www.nilemotors.net/Nile/393436-a.html
الحمد لله بعد بحث مستفيض وتجارب ميدانيه ركبت الغاز الطبيعى فى سيارتى الواجا
طبعا الفضل لله ثم لاعضاء المنتدى الى وضعوا الصوره كامله امام عينى حتى لا افاجىء باى شىء فكان واضح من الاول المزايا و العيوب
وانا اريد ان اشرح من خلال تجربتى المزايا و العيوب
الاول العيوب
فقدان جزء كبير من الشنطه
قله عدد محطات الغاز وبالاخص على الطرق السريعه
زياده عدد المرات التى تتردد فيها على المحطات
سعه الاسطوانه فى السفر لا تسعف يعنى الاسطوانه تكفى من 170 الى 200 كيلو فتضطر انك تحول بنزين
المزايا
اولا توفير كبير جدا فى مصاريف البنزين يعنى انا سافرت الى الاسكندريه 190 كيلو تقريبا وفولت -ضغطت-ب7 جنيه يعنى 7 جنيه دى انا ممكن ادفعهم فى ركنه ساعتين فى جراج فى وسط البلد
ثانيا :معدل السحب ممتاز فارق ضعيف جدا يكاد يكون غير ملحوظ ومحمل ومشغل التكييف عادى وماشى 140 فى الطبيعى
ثالثا :مده الانتظار فى محطات الغاز تكاد تكون معدومه يعنى بالكتير 5 دقائق
البعض بيقول ان الغاز بيدمر الماتور طبعا هذا الكلام مغلوط تمام والدليل على ذلك انى ركبت مع سواقين تاكسى وسيارتهم حديثه يعنى فيرنا ولانسر وتيوتا byd وسيارتهم ماشيه فوق 200الف فى عامين او ثلاثه اعوام ومركبين غاز بعد ال10 او 15 الف الاولى من الزيرو ومحدش عمل عمره او نص عمره التزامك بالصيانه الدوريه والمحافظه العامه على السياره هو الى بيخلى العربيه تعيش معاك والموضوع مش متعلق بالغاز الموضوع عام يعنى كمان الاجهزه الجديده للغاز بتشتغل بنزين و بعد كده بتحول لغاز بعد التسخين ده بيحافظ على عمر الموتور فلذلك لما تلاقى سيارات مشغله غاز ومشيت بالغاز الاف الكيلوات ولسه الماتور بكفائته وتلاقى سياره اخرى عايزه عمره يبقى العيب مش فى العربيه العيب فى طريقه و اسلوب التعامل مع السياره
لما تقارن العيوب بالمميزات اعتقد انه قرار صائب جدا و تاخر كثير
تكلفه التحويل كانت 6500 ج وحولت فى شركه غاز تك -ناس محترمه-قسطت المبلغ على سنه بدون فوائد 541 ج فى الشهر وتعاقدت و حولت فى نفس اليوم واتسغرق موضوع التحويل 4 ساعات علما بان الاسطوانه المركبه هى 70 والاجهزه ايطاليه تعتمد على فكره حقن الغاز مباشره وهى بتتركب على السيارات الانجكشن
حبيت اشكر كل الزملاء فى المنتدى الى ساعدونى فى هذا القرار واخص بالشكر
الاستاذ مصطفى حسن...zarif -
http://www.nilemotors.net/Nile/337432-a.html (شباب حد معا لانوس فيها غاز !!)
الاستاذ
ahmed1981
http://www.nilemotors.net/Nile/47732...step-step.html (تحويل السيارات للغاز الطبيعي خطوة خطوة (تقرير مصور)=Convert cars to N.G. step by step)
والشكر موصول لجميع الاعضاء
مبروك وقرار موفق ان شاء الله
بس فيه حاجه مهمه ان لازم تكون بطاريه السياره وطم البوجيهات بحاله جيده دائما ......... وشكرا للمجهود الرائع وعامه ان معابا عربيه بيجو بها غاز طبيعي من خمس سنةات والحمد لله 100100 وبروح اسكندريه من القاهره ب5 جنيه بس وزيهم راجع