MA3KOOOOOOOOOOR YA BASHA
MA3KOOOOOOOOOOR YA BASHA
:dontudear::dontudear:لن أحول سيارتي للعمل بالغاز الطبيعي
شكرا على الموضوع الرائع
الإيضاح الجميل
بس انا عم نفسي احول سيارتي مش مقتنع
احنا نفسنا السيارة تنزل على طول من المصنع جاهز بنزين و غاز
المفروض يبقى عندنا موديلات جاهزة عشان تكون مطمئن ان السيارة مجهزة للغاز
المسألة لا تدعوا للقلق
فحتى الموديلات التي تنزل من المصنع تعمل بالغاز الطبيعي تكون محولة بنفس الطريقة في مصر
ولكن هناك سيارات يتم تصميمها خصيصاً من البداية لتعمل بالغاز الطبيعي مثل الهوندا سيفيك ولاكنها لم تنزل مصر
وكذلك أوبل زافيراً وهي أول سيارة تعمل بالغاز الطبيعي يوضع بها شاحن تربيني في العالم
لذلك فأنا أحب أن أطمئنك بخصوص التحويل في مصر فهو على أعلى مستوى
ولكن المشكلة الحقيقية التي يجب أن تقلقك قبل التحويل للغاز الطبيعي هي مدى جدواه الإقتصادية مقابل تكلفة التحويل ومدة إسترداد قيمة التحويل
وهذا ما يجب دراسته جيداً قبل التحويل وأنا تحدثت في الموضوع عن مثال لذلك بالأرقام
باشمهندس احمد شكرا جزيلا للموضوع المتميز,
و لكن عندي استفسار,,
انا كثير السفر بواقع ظروف معينه و ظروف عمل في مناطق وعره و احتاج لسيارة دفع رباعي لكن التكلفه عاليه و البنزين غالي لان اي سيارة دفع رباعي عشان تستحمل لازم تكون سعة محركها عالي وفكرت في اني الاقي حاجه ديزل لكن التكلفه مازالت عاليه لو انا عايز حاجه بحاله جيده جدا,
فهل من الممكن ان التعديل ده يتعمل على سياره جيب مو 99 مثلا و تكون اوتوماتيك؟
و بالنسبه للصيانه ايه الصيانات اللازمه؟
و بالنسبه للموتور هل صياناته هتكون نفس الصيانات ولا هتحتاج صيانات اكتر في مدد زمنيه اقل عشان احافظ عليه؟
و بالنسبه لعوامل الامان هل التوصيلات امنه كفايه من اي تسريب او مع الحوادث لا قدّر الله؟
هل التحويل من البنزين الى الغاز سهل و بكبسة زر فعلا ولا ليه طقوس تانيه؟؟
و هل بكده ممكن املى تانك البنزين و الغاز مع بعض و يكون عندي كمّ وقود كافي للرحلات الطويله؟؟
و هل من الممكن اني ما استعملش الغاز غير في طرق السفر الطويله فقط بحيث اني احافظ على عمر المحرك ولا ما دام اتركب يبقى لازم استخدمه بصوره مستمره؟؟
و اسف على الازعاج و شكرا لوقت حضرتك,,,
طبعاً ممكن
مبتفرقش موديل جديد من قديم أو اوتوماتيك من عادة
أهم حاجة قبل التحويل التأكد من أن كبس المحرك ممتاز أو جيد جداً
لكن لو المحرك مستهلك وعلى وش عمرة يبقى لا
الحاجة الثانية المهمة هو عمل دراسة جدوى لتكلفة التحويل مثل التي وضحتها في نهاية الموضوع الرئيسي
فقد تقوم بتحويل سيارتك للغاز وبعد فترة تبيعها قبل أن تسترد تكلفة التحويل من الوفر في الإستهلاك
الصيانات هي نفسها صيانة البنزين بدون فرق
بالنسبة للمحافظة على الموتور يجب إتباع ملاحظات التشغيل والتسخين التي ذكرتها في الموضوع وبذلك تحافظ على المحرك
وعوامل الأمان جيدة
وفي حال أي تسريب يتم غلق الإسطوانة أتوماتيكياً
مجرد كبسة زر وإنت ماشي أو وأنت واقف (في أي وضع)
وصورته موضحة في التقرير
هذا ما أفعله أنا
إستعمال الغاز أو البنزين بيكون بإختيارك
ومفيش مشكلة لو تركت الغاز متوقف لفترة طويلة أو قصيرة
ومسألة المحافظة على عمر المحرك أنا وضحت في الموضوع الإحتياطات اللازمة للمحافظة على المحرك بدون قلق بإستعمال الغاز الطبيعي
وسأضرب لك مثال:
كما وضحت أنا أحول السيارة من بنزين لغاز بعد أن تسخن تماماً
في مرة كنت في منطقة صحراوية ب 6 أكتوبر وفيها مدقات وغرز ومطالع ومنازل
في هذه الحالة إنت محتاج أعلى قدرة من المحرك
وأنا وضحت إن قدرة المحرك تقل بنسبة ملحوظة عند التحول للغاز الطبيعي لكنها مقبولة
فقمت بالتحويل للبنزين لغاية لما وصلت الأسفلت
وكأني إعتبرت البنزين هو فتيس الغرز
ومن ناحية التوفير بتوفر جامد جداً
أستاذ احمد
شكرا على الموضوع المفيد
ليا صديق كان عنده استفسار ياريت لو تساعدنا بردك الجميل
الإستفسار هو :
صديقي اشترى تيجو موديل 2009 - 2000 سي سي وشغله كل يوم من شبرا مصر لغاية القرية الذكية يعني مسافة 100 كيلو كل يوم ، هو حاسس إن الإستهلاك عالي في البنزين ، وعاوز يركب غاز ايه رأيك وخصوصا ان السيارة 2000 سي سي
كل يوم 100 كيلومتر على الأقل
وفي الشهر نقول مثلاً 2500 كلم
وفي السنة حوالي 30000 كلم
هنفترض معدل إستهلاك البنزين لها هو 160 كلم / الصفيحة = 8 كلم / لتر بنزين
في حال البنزين:
30000 كلم == 3750 لتر بنزين == 5925 جنيه (في السنة لو بنزين 92)
في حال الغاز:
30000 كلم == 3750 متر مكعب غاز == 1688 جنيه (في السنة لو غاز)
فرق التوفير في السنة = 5925-1688=4237 جنيه
وقيمة التحويل للغاز = 5500 جنيه
يعني خلال حولي 16 شهر يكون وفر في البنزين قيمة تساوي قيمة التحويل للغاز
وبعد ال 16 شهر تبدأ تستفيد فعلياً من توفير الغاز
كده دراسة الجدوى ناجحة نوعاً ما لو كان صديقك من النوع الذي يحتفظ بالسيارة أكثر من ثلاث سنوات
لكن بالنسبة لواحد عنده عربية زيرو تعتبر غالية زي تيجو سيتم الإستيلاءعلى الشنطة شبه بالكامل لصالح إسطوانة الغاز
ولو حطولو الإسطوانة زي بتاعت الشاهين مقاس 16 متر مكعب هيضطر يمون غاز يوم ويوم مثلاً وهذا شيء ممكن يزعج بعض الناس
لكن لو ركبوله إسطوانة مقاس 24 هيكون أفضل
لازم ياخد باله كويس من مشكلة كبر حجم الإسطوانة هيتقبلها في عربيته الجديدة ولا لأ
ألف شكر يا أستاذ أحمد
انت فعلا انسان ذوق
ردك جميل وبسيط ورائع :S_thum1[1]: