الموضوع: ايه الهارد إللى موجود تحت الكرسى إللى جنب كرســى الســواق فى الأوكتــافيا ؟

المشاركة الأصلية كتبت بواسطة Adham

كلامك فية كتير من الصح, و انا حبيت بس اقول ان فية اماكن تانية غير اللستة المذكورة لأماكن وضع الكونترول يونيت

و طبعا فوق الانجكشن بيبقى ابرد من الجانبين في حالة المواتير ال V و بيسموة التلاجة بتاعه الانجكشن, بس برضة هوة مش بارد بس الحرارة فية متوسطة و دي فايدتها ان تخللي الكونترول يونيت دي على حرارة مناسبة لمنع ان الايسيهات ترطب او يتكثف عليها بخار ماء

و دة كمبيوتر العربية مش كمبيوتر الموتور فقط, بس فية موديول تاني للفتيس فقط بيبقى ورا التابلوة, بس دة خاص بالفتيس و بس

و فاتك الصواب الكونترول يونيت دي صغيرة ومش كبيرة و مافيهاش هيت سنك ريش الومنيوم و لا حاجة و فيها فيشتين من الجانبين كل واحدة فيها يمكن 30 سلك او اكتر لانها متوصلة بكل حاجة في العربية و مافيش كمبيوتر تاني غير اللي متوصل بفتيس العربية زي ماقلتلك

حاحاول اجيبلك صورة كمان شوية هنا

اتفق معك تماماً إن في أماكن تانية للكنترول غير الأماكن المذكورة و لكن دي الأماكن المشهورة ،يعني في مثلاً كمان فوق المرية في الصالون ، و في وحدات بتتحط في أجناب الكنبة الخلفية (في حالة إن العربية كوبيه ) و في أسفل الكنبة ، و في أماكن كتير بس ذي ما قلنا في الأول على حسب نوع و موديل و تصميم العربية نفسها

أما موضوع إن إلي عند حضرتك فوق الموتور دة كمبيوتر العربية كلها فأنا اختلف معك في الرأي ، لأن هو مش بيعمل وظيفة تانية غير التحكم في الموتور و لو ليه ويفح أخرى يا ريت حضرتك تقول لي عليها ، يعني حضرتك بتقول إن الفتيس لوحده ، و أكيد لو فيه control unit للزجاج الكهربة هتلقيهة لوحدها داخل الصالون ، لو فيه وحدة أخرى للإيموبلزر هتلاقيها لوحدها بجانب وحدة الفيوزات ، و لا أعتقد إن كان في وحدات أخرى في عربيات تصميم التسعينات ؟ ، و لو حضرتك عندك معلومة أكتر يا ريت تفدني و يبقى لك جزيل الشكر و الثواب .

موضوع وحدة الكنترول عند حضرتك ليه مفيهاش هيت سنك دة عشان عند حضرتك راكبة فوق منفول السحب (intake manifold ) و دة بيعمل تبريد أول بأول للوحدة و بالتالي مش محتاجة تبريد إضافي ، و الهدف من التبريد مش منع الرطوبة أو بخار الماء لأن دول مش بيدخلوا أصلاً داخل الوحدة لأنها معزولة جيداً بأكتر من طريقة ، و لكن الهدف من التبريد هو الحفاظ على درجة الحرارة داخل وحدة الكنترول عشان تكون مناسبة للتشغيل (ذي تمام المروحة إلي جوا جهاز الكمبيوتر عند سعادتك هدفها تحفظ على درجة حرارة مناسبة للإلكترونيات داخل الوحدة عشان تشتغل كويس و بأعلى كفاءة )

و قبل كل شيء أحب أبدي سعادتي اني بتناقش مع واحد فاهم ذي حضرتك ،و اشكر صاحب الموضوع و كل إلي شاركوا فيه عشان يكون موضوع مفيد بالمنظر دة .

تحياتي

المشاركة الأصلية كتبت بواسطة farahat

فيه لمبة فين ؟ تحت الكرسي ؟ و شكله إيه الجهاز دة ؟ يعني علبة برضه كدة ؟!!

شكله زي مبتوصفوا وموجود منه اتنين تحت كل كرسي
شبه الهارد المحمول كده وفيه لمبة وواصلة بفيشة

المشاركة الأصلية كتبت بواسطة farahat

اتفق معك تماماً إن في أماكن تانية للكنترول غير الأماكن المذكورة و لكن دي الأماكن المشهورة ،يعني في مثلاً كمان فوق المرية في الصالون ، و في وحدات بتتحط في أجناب الكنبة الخلفية (في حالة إن العربية كوبيه ) و في أسفل الكنبة ، و في أماكن كتير بس ذي ما قلنا في الأول على حسب نوع و موديل و تصميم العربية نفسها

أما موضوع إن إلي عند حضرتك فوق الموتور دة كمبيوتر العربية كلها فأنا اختلف معك في الرأي ، لأن هو مش بيعمل وظيفة تانية غير التحكم في الموتور و لو ليه ويفح أخرى يا ريت حضرتك تقول لي عليها ، يعني حضرتك بتقول إن الفتيس لوحده ، و أكيد لو فيه control unit للزجاج الكهربة هتلقيهة لوحدها داخل الصالون ، لو فيه وحدة أخرى للإيموبلزر هتلاقيها لوحدها بجانب وحدة الفيوزات ، و لا أعتقد إن كان في وحدات أخرى في عربيات تصميم التسعينات ؟ ، و لو حضرتك عندك معلومة أكتر يا ريت تفدني و يبقى لك جزيل الشكر و الثواب .

موضوع وحدة الكنترول عند حضرتك ليه مفيهاش هيت سنك دة عشان عند حضرتك راكبة فوق منفول السحب (intake manifold ) و دة بيعمل تبريد أول بأول للوحدة و بالتالي مش محتاجة تبريد إضافي ، و الهدف من التبريد مش منع الرطوبة أو بخار الماء لأن دول مش بيدخلوا أصلاً داخل الوحدة لأنها معزولة جيداً بأكتر من طريقة ، و لكن الهدف من التبريد هو الحفاظ على درجة الحرارة داخل وحدة الكنترول عشان تكون مناسبة للتشغيل (ذي تمام المروحة إلي جوا جهاز الكمبيوتر عند سعادتك هدفها تحفظ على درجة حرارة مناسبة للإلكترونيات داخل الوحدة عشان تشتغل كويس و بأعلى كفاءة )

و قبل كل شيء أحب أبدي سعادتي اني بتناقش مع واحد فاهم ذي حضرتك ،و اشكر صاحب الموضوع و كل إلي شاركوا فيه عشان يكون موضوع مفيد بالمنظر دة .

تحياتي

ياباشا الشرف لينا و فرصه سعيدة

بص ياسيدي الفاضل

اولا العربية مفيهاش ايموبيلايزر (ولاِABS ولا ايرباج)

ثانيا الECU بيتحكم كمان في حاجات تانية غير الموتور ( و ان كان تشغيلها متعلق بالموتور أحيانا) زي طلمبة البنزين بناء على اشارة ضغط الوقود للبخاخات, وزي التكييف بارد/سخن من تلقيط للكمبريسور و مروحتة و العدادات و ربما تحكم الاذرع في الأنوار و المساحات و الباور ستيرنج
بس طبعا نسبيا الكمبيوتر دة بيتحكم 90% في الموتور


ثالثا الكونترول بتاع الزجاج الكهرباء بوردة موجودة تحت زراير ال main بتاعه باب السواق

و بعدين حضرتك اللي قلت ان الكونترول يونيت (طالما راكب فوق الموتور) يبقى اكيد كبير نسبيا و فية هيت سنك مش انا اللي قلت, و دة اللي انا وريتهولك بالصور انة مش كدة

و كون الوحدة فوق مانيفولد السحب مايعنيش انة تبريد لأن المانيفولد في كل الاحوال سخن (درجه حرارتة اعلى من حرارة الجو المحيط) من الحرارة اللي طالعه علية من وشوش السلندر و من ال Engine Heads

بس في الاخر اختلاف وجهات النظر لا يفسد للود قضية

تحياتي

المشاركة الأصلية كتبت بواسطة Adham

ياباشا الشرف لينا و فرصه سعيدة

بص ياسيدي الفاضل

اولا العربية مفيهاش ايموبيلايزر (ولاِABS ولا ايرباج)

ثانيا الECU بيتحكم كمان في حاجات تانية غير الموتور ( و ان كان تشغيلها متعلق بالموتور أحيانا) زي طلمبة البنزين بناء على اشارة ضغط الوقود للبخاخات, وزي التكييف بارد/سخن من تلقيط للكمبريسور و مروحتة و العدادات و ربما تحكم الاذرع في الأنوار و المساحات و الباور ستيرنج
بس طبعا نسبيا الكمبيوتر دة بيتحكم 90% في الموتور


ثالثا الكونترول بتاع الزجاج الكهرباء بوردة موجودة تحت زراير ال main بتاعه باب السواق

و بعدين حضرتك اللي قلت ان الكونترول يونيت (طالما راكب فوق الموتور) يبقى اكيد كبير نسبيا و فية هيت سنك مش انا اللي قلت, و دة اللي انا وريتهولك بالصور انة مش كدة

و كون الوحدة فوق مانيفولد السحب مايعنيش انة تبريد لأن المانيفولد في كل الاحوال سخن (درجه حرارتة اعلى من حرارة الجو المحيط) من الحرارة اللي طالعه علية من وشوش السلندر و من ال Engine Heads

بس في الاخر اختلاف وجهات النظر لا يفسد للود قضية

تحياتي

كلامك جميل جداً و اتفق معك إن الخلاف في وجهات النظر لا يفسد للود قضية ، بالعكس ده ظاهرة صحية و مفيد لكل الأطراف

وحدة الموتور اسمها Engine management system ، يعني نظام كامل لادرة المحرك مش مجرد وحدات منفصلة للتحكم في جزء معين ، يعني زمان في التمنينات و أوائل التسعينات كان فيه وحدة إشعال إلكتروني لوحدها (تتحكم في الموبينة و حساسات التوقيت و حساسات الحرارة أحياناً ) ، و وحدة حقن إلكتروني لوحدها (تحكم في طرمبة البنزين و الرشاشات و محبس البنزين الراجع و ساعة العومة و مؤشر البنزين ) و هكذا
من أول ما بقى فيه Engine management system أصبح الكلام ده كله وحدة واحدة ، و فيها كل ما يتعلق بالمحرك ، و اصطلح الناس على إن اسمها كمبيوتر العربيية لكن في الحقيقة هي كمبيوتر الموتور فقط ، بس كدة يعني احنا مش مختلفين ، لأن الوحدة إلي حضرتك مصورها دي هي EMS يعني كمبيوتر موتور و تتحكم في أي حاجة ليها علاقة بالموتور من قريب أو بعيد مش أكتر من كدة ، و ليس لها علاقة بأي حاجة أخرى مش متصلة بالموتور (يعني ولا نور ولا أبواب ولا مساحات ولا تكيف ولا أبس ولا ولا ولا ... )

بالنسبة للزجاج عند حضرتك لا أعتقد إن فيه وحدات رفع مع إغلاق العربية ولا نظام one-touch في العربية (إن الزجاج بلمسة وحدة يقفل لحد الأخر و يقف إذا واجه أي عوائق ) ، إذا كان كدة يبقى مفيش فيه ECU ، و لكن بوردة فقط لوضع المفاتيح عليها و هذا كل شيء .

أخر نقطة بالنسبة للحجم ، وحدة كمبيوتر الموتور مقاساتها بتكون في حدود من ١٢-٢٠ سم *١٢-20 سم ، أي أن الفرق بين الكبير و الصغير في المقاسات ليس كبير ، يعني مش واحد قد علبة الكبريت وواحد قد الدولاب ، و لكن موضوع الحجم ده نسبي ، يعني نقدر نحكم عليه لم نشوف أنواع كتير نقول ده كبير و ده صغير ،
ما كنت أقصده في هذه الحالة ، إن المقاس لم بيكون فيه هيت سنك بيزيد حوالي ٣ سنتيمترات ، عشان الريش الزائدة ، و ده قد يبدو كبيراً .
في حالة عربية حضرتك مفيش هيت سنك عشان كدة مش كبير قوي ، و ده رجع لأن درجة الحرارة في هذه المنطقة مش هتعدي الدرجة المسموح بيها ( حسب تقدير مصمم السيارة ) عشان فيه تبريد مستمر ناتج من تيار الهواء الشديد المار من أسفل الوحدة نتيجة وجودها أعلى مانفول السحب ، إلي دايماً بيسحب هواء بارد من الخارج

أخيراً تقبل تحياتي

المشاركة الأصلية كتبت بواسطة venus-doom

انا لسه مروحتش اعمل الصيانه بس ان شاء الله هسأل و اقولكو بس نصيحه كل واحد ياخد باله من كلامه جوا العربيه لحسن يكون جهاز تجسس و اوعو حد يتكلم فى السياسه.

بمناسبة التجسس أرجو تنبيه الأعضاء فى المنتدى من إستخدام التليفونات اللاسلكية فى المنزل أو المكتب
إذ أن المحادثات التى تتم عن طريقها يمكن إلتقطها على موجات الإف إم أو الموجات القصيرة لكثير من الراديوهات الصينى المنتشرة بالأسواق و التى لا يتعد ثمنها الأربعون جنيها
و ذلك فى دائرة قطرها 100 متر

المشاركة الأصلية كتبت بواسطة homme49

بمناسبة التجسس أرجو تنبيه الأعضاء فى المنتدى من إستخدام التليفونات اللاسلكية فى المنزل أو المكتب
إذ أن المحادثات التى تتم عن طريقها يمكن إلتقطها على موجات الإف إم أو الموجات القصيرة لكثير من الراديوهات الصينى المنتشرة بالأسواق و التى لا يتعد ثمنها الأربعون جنيها
و ذلك فى دائرة قطرها 100 متر

الكلام دة كان زمان ايام تليفونات باناسونيك اللي بتشتغل على 45 و 46 ميجا هيرتز

دلوقتي اقل تليفونات 900 ميجا هيرتز و بعدها ال 2.4 جيجا هيرتز و الجديد ال 5.8 جيجا هيرتز و دي ترددات عالية قوي و بعيدة تماماً عن موجات الراديو

فعلا الكلام ده صح الترددات دلوقتي بقت بعيده عن ترددات الراديو تماماً