تسريب مياه الرادياتير الى الشكمان ؟؟؟؟؟

**mamdouh.raft** · 07-10-2015 01:34 PM

السلام عليكم رحمه الله وبركاته
رجاله الأوبل محتاج مشورتكم ضرورى
الميه كانت بتنقص وازودها حوالى كوبيه ولما زادت اوى من يومين مليت القربه حتى العلامه يعنى 500مل قلت على ما اروح للميكانيكى وكانت ماشيه تمام بطلت دقيقتين بشيل حجات من الشنطه وراجع ادور لايمكن تدور والميه نشقت من القربه مع ان الحراره مجبيتش النص وقبلها كنت ماشى بتاع نصف ساعه بالكتير وادور مدورش ازود ميه واور مفيش فايده سبتها ساعه ورجعت زوتها ميه دارت قمت واخدها للبيت لمسافع خمس دقائق وسبتها تبرد وتا نى يوم
كل لما ازود الميه فى الأربه القيها اختفتت حتى4 لتر مياه املا وتفضى على مراحل امل وربع ساعه تفضى بدون ما ادور العربيه خالص وشوفت فى الطبب والخراطيم وشجره الميه والرادياتير ولا نقطه ميه بتخرج فنمت تحت العربيه لقت من الشكمان بعد الفرن والجزء الى تحت نهايه المتور وبدايه ماسوره الشكمان منديه ولما ضغط جامد على الوصله دى نقطط ميه
وشوفت مقاس الزيت تمام و مظبوط عادى (مش طحينه زى اختلاطه بالماء )
افيدونى ازاى دخلت الميه دى كلها وبتخرج مكان العادم مع ملاحظه انى مدورتش المتور من وقت لما لقتها فضت كده
وبعتذر جدا على الإطاله
شكرا

**Mecha** · 08-10-2015 04:47 AM

اللي يعمل حاجه زي دي شرخ في منطقة عادم
بتتبرد بالميه زي egr , زي شرخ في الهد يعدي الميه
علي صباب عادم. فلازم تتفك وواحده واحده بحرص
لمعرفة الشرخ ، وممكن تكبس الهد وهو محلول للتاكد

**mamdouh.raft** · 08-10-2015 10:04 AM

شكرا لرد حضرتك الكريم وإن شاء الله معادى مع الورشه التى اثق بها يوم السبت صباحا نفك ونشوف واقولكم على الى اجده

**اوبل 2** · 08-10-2015 10:35 AM

جوان وش السلندر ومش لازم العربية تسخن علشان يضرب و ممكن يكون تاكل فى وش السلندر حصلت مع زميلى فى العمل والمياة كانت بتتخل على البستم لحد ما يتملى مية وبعد كدة المياة تنزل من الشكمان عن طريق صباب العادم الى دايسة علية الكامة وكويس انة بعيد عن ناحية الزيت لانة خطر على السبايك وعمود الكرنك////////// نصيحة خدها من اخوك متحاولش تدور العربية نهائى نهائى نهائى لان المياة الى على سطح البستم اثناء الدوارة البستم هيدفها الى العلى والصبابات بتقفل اثناء صعود البستم فيعمل عملية زرجنة وضغط على وش السلندر وممكن يكسر بستم او يضيعلك الوش ودة بنسمية المتور داقر ودة السبب الى خلا العربية مدرتش معاك غير بعد فترة وكانت سربة المية عن طريق شنابر البستم

**mohamed sedaa** · 08-10-2015 02:03 PM

ده EGR valve فيه شرخ داخلي .
لو كان الشرخ في وش السلندر كان العادم هيروح علي دورة المياه مش العكس و كنت هتلاقي الحراره بتعلي.
لكن في الEGR الضغط بيبقي فاكيوم فيخلي المياه هي اللي يروح جزء منها علي العادم في الشكمان وجزء يدخل علي مانيفولد الهوا و هو ده اللي بيخلي العربيه متدورش لحد الهواء اللي في المانيفولد يتبخر.
تتاكد من كلامي لو شلت عمت الهواء لقيت اثر مييه