الموضوع: قرار جمهوري بفرض ضريبة على تذاكر السفر للخارج ... حسبي الله و نعم الوكيل

- يعنى الحمد لله طلعت 50 جم مش 150 جم.

- يشكر كل من وضح لنا.

- والفلوس الزيادة دى لبلدنا عشان تشد حيلها ولو بصينا حولاينا يبقى نحمد الله عز وجل على كل حال.

مجرد توضيح .....
بالنسبه للهرى فى موضوع تذاكر الطيران وزيادة اسعارها. احب اوضح حاجه
القانون تم تعديله من 10 % من قيمة التذكره الى 400 جنيه و150 جنيه
يعنى مثلا لو التذكره الاقتصاديه قيمتها 3000 جنيه فى السابق كان يتم دفع 10 % يعنى 300 جنيه ثم تم تعديل القانون عام 1998 لتصبح نسبة الضريبه 5% وبحد اقصى 300 جنيه لدرجة رجال الاعمال و 100 جنيه للتذكره الاقتصاديه وما تم حاليا هو تثبيت المبلغ والغاء النسبه مما ادى الى زيادة تذكرة درجة رجال الاعمال 100 ( 400 بدل من 300 جنيه ) والدرجه الاقتصاديه زادت 50 جنيه ( 150 جنيه بدل من 100 جنيه )

الموضوع مش مستاهل كل الهيصه والضجه دى

ارحموا مصر يرحمكم الله

- يشكر العضو المحترم: Khaled_Nowaihy

- المصدر:-

https://m.facebook.com/photo.php?fbi...1825.634780867

ياريت يا جماعة اللى يفتح موضوع زى ده للولوله و الندب على 50 من ثمن تذكره يعدى 2000 او 3000 جنيه ........ يبقى يقرا و يعرف تفاصيل الموضوع كله من اوله لأخره

مايجيش يندب و يولول لدرجة ان الواحد كان خلاص حيقوم يلمله ال50 جنيه دول

ده اساسا لما بتيجى تحجز تذكرة طيارة من على النت مثلا ممكن تشوفها دلوقتى بسعر ....... تعمل refresh تلاقيها زادت 1000 جنيه فى لحظة و ده بيعيط على 50 جنيه !!!!!

نوع غريب من الناس

راكب عربية ومش عايز يدفع تمن البنزين الحقيقي ولما الحكومة تغلي البنزين يطلم ويشتم في البلد , طيب ما انت حضرتك راكب عربية بفلوس ولما بتعطل بتروح تصلحها بفلوس , امال اشمعنا مش عايز تدفع السعر الحقيقي للبنزين !!!

نفس الكلام بالنسبة للكهربا , تلاقي البيه جايب تكييف واتنين بكام الف جنية ويجي عند فاتورة الكهربا مش عايز يدفع السعر الحقيقي ويشتم برضوا في الحكومة وعايز كهربا مدعومة !!!

قيس علي كدا باقي الخدمات

لا والنوع دا من الناس مش بس بيعمل كدا مع الحكومة لا في تعاملاته الحياتية مع باقي الناس

يعني مثال حي

لي جار زي النوع بتاع باسم والشلة بتاعه مصر بتخرب :) ,عنده بدل العربية اتنين ومرتاح مادية وكل غرفة فيها تكييف وحياته المادية مرتاحه , تعالي بقي يبعت بواب العمارة يجبله حاجة من تحت والمصحف الشريف ميهنش عليه يديله جنيه , مره كلمته عن الموضوع دا لان البواب كان مضايق وكلمني , يرد عليه يقلي يعم البوابين دول واكلينها والعة وحرامية , رغم ان البواب ملوش اي مصدر رزق تاني ومرتبه ضعيف وعنده اسره ورغم ان البواب ملوش ان يجبله حاجة من بره .

نفس الرد ونفس الاسلوب البواب حرامي زي ما الحكومة حرامية

نوع عايز يركب عربيات ويتفسح وياكل انضف اكل انما يدفع حق البلد او حق الغلبان لا

معرفش انا الناس اللى بتحكم على الواحد غيبى دى اية
واحد يبقولة راكب عربية ب 150 الف
يا استاذى هوا حر
هوا حد دفعلة من جيبة
هيا البلد هيا اللى ادتة العربية لله وللوطن
هوا مش جايب العربية دى بعرقة وتعبة
ولا الله اعلم جايبها لية لشغل ولا لغيرة

بلاش نحكم على الناس
اما ان البلد محتاجة فلوس
ياسيدى انا مالي يروح يتشطر على راجل الاعمال اللى عليهم ضريب بالملايين والمليارات ومش قادر عليهم ولا بيجيى نحيتهم

هيا مش ام البلد دى بتاخد منى ضريب على كل حاجة بعملها
اكل شرب لبس شغل
كل حاجة عليها ضريب
ناقص الهوا اللى بنتنفسة كمان يبقا علية ضريب
هنتكلم بقا ان اللى بيسافر بيدفع تذكرة 3000 جنية ولا حتا 10 و مستخصر يدفع 50 جنية ضريبة للبلد
اة ياعم انا مستخصر ادفع شلن ضريبة للبلد
هيا الضريبة دى مش المفترض اخد بدلها خدمة فى المقابل او ان الخدمة تتحسن
طيب حضرتك بندفع ضريب اد كدة فية اية بيتحسن
طرق وبيسلمها للجيش يعملها ويعمل عليها كارتة يعنى بمشى بردك بفلوسى مش بتمن الضريبة اللى انا دفعها
مستشفيات وبتعالج بفلوسي لما بتعب رغم ان بيتخصم منى تامينات بس لو روحت التماين هتومت قبل ما تكشف
اكل وشرب وبفلوسى
هتقولى بنزين علية دعم وكهرباء ومية والكلام دة وانة مش موجود الا فى مصر
حضرتك ادينى اقل مرتب فى اى دولة محترمة والغى الدعم خالص وانا موافق
البلد تاخد حقها لما انا اخد حقى الاول
مش انا مخدش اى حقوق والبلد تاخد عمال على بطال

المشاركة الأصلية كتبت بواسطة sherif1988

معرفش انا الناس اللى بتحكم على الواحد غيبى دى اية
واحد يبقولة راكب عربية ب 150 الف
يا استاذى هوا حر
هوا حد دفعلة من جيبة
هيا البلد هيا اللى ادتة العربية لله وللوطن
هوا مش جايب العربية دى بعرقة وتعبة
ولا الله اعلم جايبها لية لشغل ولا لغيرة

بلاش نحكم على الناس
اما ان البلد محتاجة فلوس
ياسيدى انا مالي يروح يتشطر على راجل الاعمال اللى عليهم ضريب بالملايين والمليارات ومش قادر عليهم ولا بيجيى نحيتهم

هيا مش ام البلد دى بتاخد منى ضريب على كل حاجة بعملها
اكل شرب لبس شغل
كل حاجة عليها ضريب
ناقص الهوا اللى بنتنفسة كمان يبقا علية ضريب
هنتكلم بقا ان اللى بيسافر بيدفع تذكرة 3000 جنية ولا حتا 10 و مستخصر يدفع 50 جنية ضريبة للبلد
اة ياعم انا مستخصر ادفع شلن ضريبة للبلد
هيا الضريبة دى مش المفترض اخد بدلها خدمة فى المقابل او ان الخدمة تتحسن
طيب حضرتك بندفع ضريب اد كدة فية اية بيتحسن
طرق وبيسلمها للجيش يعملها ويعمل عليها كارتة يعنى بمشى بردك بفلوسى مش بتمن الضريبة اللى انا دفعها
مستشفيات وبتعالج بفلوسي لما بتعب رغم ان بيتخصم منى تامينات بس لو روحت التماين هتومت قبل ما تكشف
اكل وشرب وبفلوسى
هتقولى بنزين علية دعم وكهرباء ومية والكلام دة وانة مش موجود الا فى مصر
حضرتك ادينى اقل مرتب فى اى دولة محترمة والغى الدعم خالص وانا موافق
البلد تاخد حقها لما انا اخد حقى الاول
مش انا مخدش اى حقوق والبلد تاخد عمال على بطال

اه صح جايب العربية بفلوسه
ويا تري بقي جاب فلوسه منين مش من شغله وشغله دا مش برضوا محتاج شهادة والشهادة جابها منين , مش من مجانية التعليم !!!
ولما هو معاه فلوس وجايب عربية بعرقه مش عايز يدفع ليه فلوس البنزين والكهربا بالسعر الحقيقي ولا هو فالح بس يركب عربيات ويجي عند حق البلد يقلك اديني مرتب كويس علشان ادفع , طيب ما انت دافع تمن العربية من نفس المرتب اللي مش عجبك :)
ازوداجية في الفكر وتبرير التهرب من دفع حق البلد
اه بخصوص المستشفيات والعلاج يا تري حضرتك بتدفع سعر الدوا الحقيقي ؟؟؟
متعرفش سياتك ان في ادوية كتير الحكومة بتدعمها ولا برضوا بتشتريها بفلوسك ؟

كلمة اخيرة بخصوص الدولة المحترمة , الدولة المحترمة حتديك مرتب محترم بناء علي ايه , الدول المحترمة يا عزيزي مش بتدي مرتبات محترمة الا للي عندهم كفاءة وقدرات وفي مصريين كتير عندهم كفاءة وقدرات وشغالين من مصر في شركات كبيرة ومرتباتهم خيالية ومن غير ما يسافروا بره مصر خالص :)

لو حضرتك شايف نفسك مظلوم في مكانك وفي بلدك سافر اي بلد من البلاد المحترمة واثبت كفائتك وادفع ضرائب علي الدخل "اعلي من مصر اللي مش عجباك" وادفع بنزين بالسعر الحقيقي وكل الخدمات الاخري بسعرها الحقيقي .

انما تقعد تقلي اصل مرتبي ضعيف وادوني مرتب كويس ,ايه اللي جابرك !!!

بمناسبة البنزين والدعم اغلب الدول المحترمة اللي انت بتتكلم عليها دي معندهاش دعم والبنزين والباقية بدأ في الغاء الدعم علي الطاقة :)