الموضوع: قرار جمهوري بفرض ضريبة على تذاكر السفر للخارج ... حسبي الله و نعم الوكيل

المشاركة الأصلية كتبت بواسطة bassem youssef

كنت هنسي اباركلك علي العضويه الجديده :)))

نفس الكلام والتبرير لما اخد مرتب كويس ومحترم
وايه اللي جابرك انك تاخد مرتب وحش , شوفلك شغلانه تانية يا محترم ,في ناس عملت فلوس وبالحلال ومعاها ملايين في البنوك لانهم كفاءات واظن انا عطيتك امثله قبل كدا كتير
قصة بقي انك مش عارف تعمل فلوس لان قدراتك كدا ,يبقي متجبش فشلك علي الحكومة وتقلها اديني مرتب كويس ,رغم اللي اعرفها عنك انك فاتح مجالك الخاص وبرضوا من كلامك عملت فلوس مش معمتلش :)
اتذكر في احدي المرات كنت اعرف واحد زي حضرتك كدا ,قعد يقلي انا عندي خبرات في الكمبيوتر والجرافيك والهاردوير وعندي طاقة ,وديته لمكان محترم جدا والمرتبات هناك عالية جدا ,بناء علي الخبرات اللي كتبها في السي في ,قابل اكبر مسئول هناك في الشركة :) ,المسئول الكبير دا طلب من مجموعة من الموظفين في الشركة يعملولوا اختبارات سريعة ,مفيش اختبار نجح في لدرجة ان المسئول الكبير رفض ان يقابله وماشاه من بره بره :)

الشركة دي كان شغال فيها وقتها اتنين اصحابي وكفاءات ومرتباتهم ما شاء الله وحياتهم حاجة تانية خالص , والشركة دي مصرية علي فكرة وفي مصر ومش في السودان ولا امريكا ولا كندا

ياريت متكررش تاني عبارة ان البلد تديك مرتب محترم دي , لان المرتبات المحترمة للكفاءات في مصر وبره مصر :)

تحياتي

المشاركة الأصلية كتبت بواسطة 3adelnor3

اه صح جايب العربية بفلوسه
ويا تري بقي جاب فلوسه منين مش من شغله وشغله دا مش برضوا محتاج شهادة والشهادة جابها منين , مش من مجانية التعليم !!!



مجانية اية ؟
انت مصدق نفسك بالكلام دة
مجانية تعليم ومفيش تعليم فى مدارس والكل شغال دروس خصوصية بتسميها مجانية تعليم
والشغل فى البلد دى عمرة مكان بالشهادة الشغل بالوسطة والمعرفة والكلام دة وانت عارف ومش هنضحك على بعض

انا واحد من الناس شغال فى مجال بعيد عن الشهادة خالص وبواسطة ومصر معظمها كدة




ولما هو معاه فلوس وجايب عربية بعرقه مش عايز يدفع ليه فلوس البنزين والكهربا بالسعر الحقيقي ولا هو فالح بس يركب عربيات ويجي عند حق البلد يقلك اديني مرتب كويس علشان ادفع , طيب ما انت دافع تمن العربية من نفس المرتب اللي مش عجبك :)



جايب عربية تمنها هنا اغلى من اى دولة 10 اضعاف على الاقل بحجة ضريب و جمارك اضعاف اضعاف تمن العربية فى اى دولة
جايب العربية من مرتبة سرقها هوا حر وقلت قبل كدة انت تعرف هوا جيبها منين ولا جيبها يعمل بيها اية

انا واحد من الناس عايز اجيب عربية اشتغل هليها جنب شغلى
هتلى دولة محترمة والواحد فيها بيشتغل بدل الشغلانة 2 و3 علشان يقدر يعيش ويتجوز دة لو عرف

وبيدفع بنزين وكهرباء وكل حاجة بس مبخدش حقة فى البلد لا طرق نضيفة ومستشفيات نضيفة ولا حاجة عدلة وكل يوم والتانى فرض ضريب وخلاص بدون مقابل





ازوداجية في الفكر وتبرير التهرب من دفع حق البلد
اه بخصوص المستشفيات والعلاج يا تري حضرتك بتدفع سعر الدوا الحقيقي ؟؟؟
متعرفش سياتك ان في ادوية كتير الحكومة بتدعمها ولا برضوا بتشتريها بفلوسك ؟





ازودجية
البلد تدينى حقى وهديها حقها بدون ازودجية

ياسلام بدفع سعر الدوا الحقيقى ولا لا
اللى هوا اية حضرتك اللى هوا بنسلين مصرى ب6 جنية والمستورد ب 60 جنية
ومعلش متقلش الاتنين واحد انتوا اللى بتجرو على المستورد
الحكومة بتدعم لانها عرفة ان لو العلاج بالسعر الطبيعى الناس هتموت
بس قلتلك عايز تلغى الدعم يبقا المرتبات كويسة
مش تقولى 1200 حد ادنى ومبيطبقش على حد ويارتة كمان حد ادنى يكفى مصاريف شاب لوحدة مش اسرة




كلمة اخيرة بخصوص الدولة المحترمة , الدولة المحترمة حتديك مرتب محترم بناء علي ايه , الدول المحترمة يا عزيزي مش بتدي مرتبات محترمة الا للي عندهم كفاءة وقدرات وفي مصريين كتير عندهم كفاءة وقدرات وشغالين من مصر في شركات كبيرة ومرتباتهم خيالية ومن غير ما يسافروا بره مصر خالص :)



الدولة المحترمة بتضمن مرتب محترم لاقل فئة فى الشعب حتا عامل النظافة
بتضمن لية فى مرتبة انة ياكل ويشرب ويعيش كويس بمرتبة بمرتب وظيفة واحدة مش 10

مش زى منتا بتقول بتدى للكفائات وباقى الشعب لا




لو حضرتك شايف نفسك مظلوم في مكانك وفي بلدك سافر اي بلد من البلاد المحترمة واثبت كفائتك وادفع ضرائب علي الدخل "اعلي من مصر اللي مش عجباك" وادفع بنزين بالسعر الحقيقي وكل الخدمات الاخري بسعرها الحقيقي .



مهو ياريت الواحد عارف يخرج من البلد
انما احنا هنا عملين زى اللى فى سجن ولا انت عارف تخرج ولاانت مرتاح
و اة موافق ادفع برة ضريب اعلى من اللى بدفعة هنا لانى برة هلقى طرق نضيفة و موصلات نضيفة
واكل وشرب مش مسطرن ولا بمية صرف
هاخد حقى من التخين مش حتة امين شرطة يعملى فيها وزير



انما تقعد تقلي اصل مرتبي ضعيف وادوني مرتب كويس ,ايه اللي جابرك !!!


اللى جبرنى انى فى دولة مش محترمة نصيبى كدة
وللاسف مش عرفين نخرج منها وادينا بنحاول نخرج منها وبنسعا



بمناسبة البنزين والدعم اغلب الدول المحترمة اللي انت بتتكلم عليها دي معندهاش دعم والبنزين والباقية بدأ في الغاء الدعم علي الطاقة :)


قلتلك برة مفيش دعم بس فية مرتب يخليك تشتنغى عنة
برة ضريب عالية بس باخد قصدها خدمات محترمة

sherif1988

مش عارف تخرج منها !!!
ليه هو حضرتك مانعين السفر للناس ولا ايه !!!
يعني امريكا ولا فرنسا ولا ايطاليا طلباك لخبراتك وشهاداتك العلمية ومصر رافضة تسفرك ؟

مش عارف تسافر علشان مش عارف تاخد تأشيرة لدولة محترمة ,ولان الدولة المحترمة مش بتدي تأشيرات لاي حد لازم يكون مؤهل عالي وعنده مهارات وخبرات .

يعني مصر مش منعاك ولا حطاك ولا ليها ذنب انك مش عارف تسافر , تاني حاجة بخصوص الوسايط , في شركات خاصة كتير مفيهاش وسايط والشغل فيها بالكفاءة والمرتبات كمان اعلي من بره ,يعني مش زي حضرتك عايز توصلي انك مصر كل الشغل فيها بواسطه , لا معلش ابو وسطه دا للي عايز يقعد وياخد مرتب اخر الشهر من غير ما يعمل حاجة , انما اللي واثق في نفسه وقدراته مش محتاج وسطه ولا محتاج شغل حكومي , زي كتير من اصحابي اللي ربنا كرمهم وشغالين في شركات كبيرة وفي منهم اللي كمان شغال شغل حر .

النماذج كتير ادامي لناس فشلة وناس ناجحة , انا كنت حكيت قصة صحبي دا مره , كان شغال زي حضرتك كدا بواسطه في احدي الشركات ام وسطة دي وكان بياخد مرتب ضعيف جدا رغم انه كان موظف قاعد علي كمبيوتر ومكتب خاص بيه ,بص لكل اللي حواليه من زمايله لقي حالتهم المادية كلها زفت وسمع اغلب قصص الناس اللي موجودة , ورن في ودنه كلمه لاحد زمايله , قاله هنا مكان الناس الفشلة اللي عايزه تاخد مرتب مضمون اخر الشهر , صاحبي دا مكملش في الشغل شهرين وسابه من سنين , دلوقت صاحبي ما شاء الله عليه بعد لما اشتغل شغل خاص بيه , والموظيفين زمايله لسه في نفس الوظيفه وحالتهم المادية بقت اسوء .
هو دا الفرق بين الشخص الناجح والشخص الفاشل , لو انت عندك حاجة تقدمها بره وعندك ثقه في نفسك حترمي الوظيفة التعبانه ورا ضهرك وتشتغل وتحقق نفسك , انما بقي لو انت حاسس انك مش بتاع شغل واجتهاد خليك في وظيفتك ام ملمين اخر كل شهر , بس مترميش فشلك علي الحكومة .

لو عندك خبرات وكفاءة الشركات حتختطفك , واكبر دليل علي كلامي الناس الناجحة اللي كانت شغاله في البنوك الحكومية ولما الحكومة عملت حد اقصي للمرتبات , اشتغلوا في البنوك الخاصة بمرتبات عالية .

بعيد عن الكلام الملوش لازمه فى شوية تفاصيل من ردود مش مستوعب ابعدها بالنسبة لطريقة التنفيذية للقانون

يعنى ها نفهم من كده ان القانون ده سارى على تذاكر مصر للطيران بس لانها تخضع للقانون المصرى و حتضيف الزيادة على التذكرة و لو انا شارى التذاكر اونلاين من اى شركة اجنيبة فهى غير ملتزمة بالقانون ده و حيبقى فى فارق لصالح الشركات الاجنبية فى الحالة دى ؟

فى الحالة دى تعتبر ضريبة زادت على تذاكر الشركات المحليه فقط

لانى شفت برده بعض الردود عن ان ده على كل التذاكر مش على مصر للطياران و حتى على التذاكر المجانية كمان لان كده الوضع يختلف

فى حاله انها على كل التذاكر يبقى دى قيمة حيتم تحصيلها من المطار اثناء المغادرة يعنى المفروض يبقى اسمها ضريبة مغادرة البلاد مش ضريبة على تذاكر الطيران

و بما ان الشركات المش مصرية كانت لا تخضع لل 100 الاولى يبقى حيتم تحصيل 150 كاملين فى المطار ولا انا كده تايه !!

المشاركة الأصلية كتبت بواسطة 3adelnor3

sherif1988

مش عارف تخرج منها !!!
ليه هو حضرتك مانعين السفر للناس ولا ايه !!!
يعني امريكا ولا فرنسا ولا ايطاليا طلباك لخبراتك وشهاداتك العلمية ومصر رافضة تسفرك ؟

مش عارف تسافر علشان مش عارف تاخد تأشيرة لدولة محترمة ,ولان الدولة المحترمة مش بتدي تأشيرات لاي حد لازم يكون مؤهل عالي وعنده مهارات وخبرات .

يعني مصر مش منعاك ولا حطاك ولا ليها ذنب انك مش عارف تسافر , تاني حاجة بخصوص الوسايط , في شركات خاصة كتير مفيهاش وسايط والشغل فيها بالكفاءة والمرتبات كمان اعلي من بره ,يعني مش زي حضرتك عايز توصلي انك مصر كل الشغل فيها بواسطه , لا معلش ابو وسطه دا للي عايز يقعد وياخد مرتب اخر الشهر من غير ما يعمل حاجة , انما اللي واثق في نفسه وقدراته مش محتاج وسطه ولا محتاج شغل حكومي , زي كتير من اصحابي اللي ربنا كرمهم وشغالين في شركات كبيرة وفي منهم اللي كمان شغال شغل حر .

النماذج كتير ادامي لناس فشلة وناس ناجحة , انا كنت حكيت قصة صحبي دا مره , كان شغال زي حضرتك كدا بواسطه في احدي الشركات ام وسطة دي وكان بياخد مرتب ضعيف جدا رغم انه كان موظف قاعد علي كمبيوتر ومكتب خاص بيه ,بص لكل اللي حواليه من زمايله لقي حالتهم المادية كلها زفت وسمع اغلب قصص الناس اللي موجودة , ورن في ودنه كلمه لاحد زمايله , قاله هنا مكان الناس الفشلة اللي عايزه تاخد مرتب مضمون اخر الشهر , صاحبي دا مكملش في الشغل شهرين وسابه من سنين , دلوقت صاحبي ما شاء الله عليه بعد لما اشتغل شغل خاص بيه , والموظيفين زمايله لسه في نفس الوظيفه وحالتهم المادية بقت اسوء .
هو دا الفرق بين الشخص الناجح والشخص الفاشل , لو انت عندك حاجة تقدمها بره وعندك ثقه في نفسك حترمي الوظيفة التعبانه ورا ضهرك وتشتغل وتحقق نفسك , انما بقي لو انت حاسس انك مش بتاع شغل واجتهاد خليك في وظيفتك ام ملمين اخر كل شهر , بس مترميش فشلك علي الحكومة .

لو عندك خبرات وكفاءة الشركات حتختطفك , واكبر دليل علي كلامي الناس الناجحة اللي كانت شغاله في البنوك الحكومية ولما الحكومة عملت حد اقصي للمرتبات , اشتغلوا في البنوك الخاصة بمرتبات عالية .

مين قالك ان معظمنا مش مؤهلات عليا وانة مش معاه مهارت و خبرات ؟ فينا المهندسين والاطباء والمحاسبين وغيرة كتير .. لكن الدول دى بتختار اللى هيا محتجاة فقط
فى دول عيزة اطباء فقط و دول عيزة مهندسين ودول عيزة صنعية شطرين بشروط معينة

ومين قلك اننا على الاقل مشتغلناش مرة واتنين وتلاتة فى اكتر مش شغلانة واماكن مختلفة
مين قلك اننا مسبناش وظيفنا واشتغلنا حاجات تنية وجربنا حجات كتير
مين قالك ان فية ناس كتير عملت مشاريع خاصة بيها وفشلت بسبب النظام العقيم اللى فى البلد
مين قالك اننا عجبنا اننا ناخد اخر الشهر مرتب ثابت وخلاص
هتقولى فية شركات بدون وسطة اة فية بس اد اية ؟ وبتبقا عيزة موهلات اية وخبرات اد اية ؟
و الوظيفة الى فيها دلوقت مين اللى قال انى قاعد على مكتب فى التكيف ؟

حضرتك انا خريج تجارة شعبة نظم ومعلومات وانا بدرس واخد كورسات كتيررررر جدا فى تصميم وتطوير المواقع بفلوس كتير ومقلتش حاجة , مشروع التخرج عملة كامل لوحدى مع اننا كنا 10 فى المشروع مع بعض
تعلى بقا ادور على شعل مفيش مكان اروحة الا ويقلى عيزين خبرة سنتين اقل حاجة
اقلة طيب اشتغل عندك ببلاش فى سبيل انى اخد خبرة , لو عيزين منى فلوس خدو يقولو لا
اشتغلت فى حاجات بعيد عن المجال اللى سعيت فية واشتغلت فى حاجات قريبة منة واشتغلت فى حاجات كتير ورميت الوظيفة ورا ضهرى انا وغيرى وسعينا كتير اية الى حصل ولا حاجة

الناس اللى كانت فى بنوك حكومية احب اقولك ان معظمهم اصلا داخل البنوك بواسطة وان اعرف منهم ناس .

نماذج النجاح موجودة وليا اصاب جربو ونجحو وفية اللى فشل بس بنسبة كام لكام ؟

ياجماعة هو فيه حاجه اتكروتت فى الحسبه
يعنى هل النسبة اتلغت وبقى كله حيدفع 150 (مبلغ ثابت كضريبة)فى السياحيه ؟؟؟
ولا النسبة زى ماهى 5% لكن الحد الاقصى ارتفع ل 150 جم
فى الحالة الاولى تبقى رخمه الصراحة
انما فى الحالة التانيه تبقى كويسه ومقبوله الى حد ما .
بس هو اللى بيزعل المصريين هو ليه دايما فكرة رفع الضريبة مقابل عدم خدمة جيدة