الموضوع: اصبح لمصر يد طويلة

و الله ما عارف التفكير دة اساسا ازاي ممكن حد يفكره

انت فاكر ان ضرب اثيوبيا كدة سهل و الدول هتتفرج عليك و هم هيسبوك في حالك و انت عشان اقوي منهم يبقي تضربهم زي ما تحب ووقت ما تحب !!

حاملة الطائرات فقط للهليكوبتر و لا شئ اخر و هي بالتاكيد ليست لضرب اي دولة و لكن اغراضها دفاعية فقط

سد النهضة له عواقب كارثيه و لا حل سوي الحل السياسي فقط

معلش بس في شوية معلومات مغلوطة اتمني انها توصل لبعض المعلقين والكلام دا اكيد بحكم عمل والدي بالجيش


اولاً في عهد السادات ومبارك لم تجرأ اثيوبيا على بناء السد وحصل شن بعض الهجوم من قبل الجيش ولكن طبعا الهجوم كان غير معلن وعشان كدا الوضع كان متوقف ..دا رقم 1

رقم 2 حاملة الطائرات ملهاش اي هدف عسكري ( هجومي ) ...هي فقط لحماية الحدود المصرية و تدعيم للجيش ..او بالمعنى البلدي ...استعراض عضلات قدام الدول عشان مصر تدخل في اتفاقيات وسياسات مع دول كبرى

رقم 3 الحكومة المصرية وافقت رسميا بالفعل على اتمام بناء سد النهضة ..يعني مفيش اي نية تفاوض حتى في الموضوع لأن الموضوع منتهي ومصر وافقت علي بناء السد

رقم 4 ...بالرغم اني ضد الحكومة الحالية شكلاً وموضوعاً لكن الأكيد مع تدعيم الجيش بأحدث المعدات والأسلحة

ملاحظة بسيطة ...الرافال متقدرش تروح تضرب وتيجي دي ...دي كلها احلام لا تمت للواقع بصلة لا من الناحية الواقعية علي افتراض ان مصر اصلا في دماغها تضرب ...ولا من الناحية العسكرية

المشاركة الأصلية كتبت بواسطة حسام الغرباوي

معلش بس في شوية معلومات مغلوطة اتمني انها توصل لبعض المعلقين والكلام دا اكيد بحكم عمل والدي بالجيش

اولاً في عهد السادات ومبارك لم تجرأ اثيوبيا على بناء السد وحصل شن بعض الهجوم من قبل الجيش ولكن طبعا الهجوم كان غير معلن وعشان كدا الوضع كان متوقف ..دا رقم 1

انا مش بحب اتكلم فى المجال العسكرى كتير .......... لانى مش خبير

بس ببعض research على النت حنلاقى .......... ان مدى الطائرة الرافال حوالى 2299 ميل يعنى حوالى 3678 كيلومتر

بقياس المسافة من على جوجل مابس من قاعدة اسوان الجوية بالتقريب الى مكان السد بافتراض ان الطيارة حتطير فوق الأجواء السودانية حوالى 1500 كيلومتر رايح بس

يعنى من الممكن نظريا على الأقل الوصول لمكان السد و العودة ........... غير ان الطائرة قابلة للتزود بالوقود فى الجو و حسب معلوماتى ان مصر ماعندهاش تانكات طائرة لكن السعودية و الأمارات عندهم

عموما يبقى الأمر بيد العسكريين وحدهم ......... احنا مش اكتر من اننا بنفكر بصوت عالى

المشاركة الأصلية كتبت بواسطة lonedoctor

فعلا كلام سليم وحاملة الطائرات ممكن تهدد اثيوبيا عن طريق انها توصل لها عبر نهر النيل واعتقد ان عمق النيل يسمح بذلك بس المشكلة فى السد العالى هيسد السكة عليها ولازم يكون فيه حل حتى لو يهدوه دلوقت ويبقوا يبنوه تانى مش مشكلة
الموضوع التانى انه طائرات الرافال بتاكل بنزين كتير وده عيب مصنع من الاول والبنزين غالى اليومين دول فاذا هتروح لغاية اثيوبيا وترجع لازم تستخدم الاوفر درايف علشان توفر بنزين او لو يكون فيه شركة راعية للموضوع تتحمل التكاليف
وكده مافيش مشكلة

رغم ان الموضوع جاد جدا و يمس الامن القومى الا انى لم اتمالك نفسى من الضحك بشدة على تعليق حضرتك و تذكرت مشهد الراحل فايز حلاوة فى فيلم الكرنك (كان سكران و يمكن حاجات تانية) و بيتكلم عن الحرب مع اسرائيل قال الدبابات من الجنبين و الطيارات من فوق و الغواصات من تحت و نخلص عليهم ....شكرا و مع خالص تحياتى على اضافة البسمة