وقفة واحدة ضد الfrv

**makufa** · 21-11-2008 11:43 AM

أنا فى الحقيقه أمبارح كلمت واحد فى الsalse بتاع عبد الهادى ولقيتو بيقولى أن سعر العربية أرتفعت على كل الناس الى حاجز من الدفعه الاولى زى الى حاجز من الدفعه ال15 على كل الناس ودا بصراحه خلانى أفقد أحترامى للتوكيل
فمعنى كدا أنا مش واثق من الكلام الى هما بيقولوه يعنى زى موتور متسوتيشى ولا دا شاسية بورش ولا دى عفشة يابانى لان دا كلة كلام فى كلام
بجد أنا كنت بطمئن نفسى من كلمتهم الواحدة وأسمهم الكبير لكن دلوقتى أنعدمت بجد ومش هجيب حاجة فى الاول والاخر صينى ولسة متجربتش فى وكيل المفروض أنه يكون محترم

أنا انشاء الله راح أبلغ قسم حماية المستهلك لان دا نصب وهو دا الى هعملو وبعدين أنا مش هشترى العربيه دى بس مش هرجع الأيصال دلوقتى لانى هقاضيهم

عاوزين كلنا نقف وقف واحده ولمن له أفكار أخرى يا ريت يقولها

**momenhamdy** · 21-11-2008 12:04 PM

اكييييييييييييييييييد طبعاً نصب بس السؤال المهم العربية غلت علي اي اساس
هي لسه باعت حاجة و لا حتي اثبتت نفسها في السوق
كلام غريب و غباء من التوكيل فعلاً
وربنا يستر .................

**castelo** · 21-11-2008 01:21 PM

makufa abl mate3mil keda at2akid bas 3shan ma7adesh yed7ak 3alik

**ahmed1981** · 21-11-2008 01:44 PM

المشاركة الأصلية كتبت بواسطة makufa

أنا إن شاء الله راح أبلغ قسم حماية المستهلك لان دا نصب وهو دا الى هعملو وبعدين أنا مش هشترى العربيه دى بس مش هرجع الأيصال دلوقتى لانى هقاضيهم

عاوزين كلنا نقف وقف واحده ولمن له أفكار أخرى يا ريت يقولها

هي دي الإيجابية
مينفعش واحد يقوللي تعالى إشتري سيارة بسبعين ألف جنيه وبعد الحجز يقللي معلش قصدي خمسة وسبعين ألف جنيه
ده إسمه نصب علني وفكر لصوص

لابد من وقفة ضدهم

**makufa** · 21-11-2008 04:24 PM

المشاركة الأصلية كتبت بواسطة castelo

makufa abl mate3mil keda at2akid bas 3shan ma7adesh yed7ak 3alik

هههه على فكرا أنا قبل ما افكر فى الموضوع دا عرفت عنه كل حاجه ولازم أخرب بيتهم الاول وبعدين ألغى الحجز
وحسبى الله ونعم الوكيل

**nasr-eldeen** · 21-11-2008 04:45 PM

المشاركة الأصلية كتبت بواسطة ahmed1981

هي دي الإيجابية
مينفعش واحد يقوللي تعالى إشتري سيارة بسبعين ألف جنيه وبعد الحجز يقللي معلش قصدي خمسة وسبعين ألف جنيه
ده إسمه نصب علني وفكر لصوص

لابد من وقفة ضدهم

الموضوع ده فكرني ببتوع البطيخ بيكتب على الورقة .7.5

**amirhamed** · 21-11-2008 04:48 PM

مش كفايه انها صيني وكل حاجه فيها شبه مش عارف ايه من انواع العربيات المحترمه

**ahmedsrs** · 21-11-2008 04:49 PM

حلوة فكرة البطيخ دى والله ده قمة الأستهراء بعقول الناس هى العربية اتجربت ولا حد استلمها عشان تغلى

**R A N A** · 21-11-2008 05:02 PM

المشاركة الأصلية كتبت بواسطة makufa

أنا فى الحقيقه أمبارح كلمت واحد فى الsalse بتاع عبد الهادى ولقيتو بيقولى أن سعر العربية أرتفعت على كل الناس الى حاجز من الدفعه الاولى زى الى حاجز من الدفعه ال15 على كل الناس ودا بصراحه خلانى أفقد أحترامى للتوكيل
فمعنى كدا أنا مش واثق من الكلام الى هما بيقولوه يعنى زى موتور متسوتيشى ولا دا شاسية بورش ولا دى عفشة يابانى لان دا كلة كلام فى كلام
بجد أنا كنت بطمئن نفسى من كلمتهم الواحدة وأسمهم الكبير لكن دلوقتى أنعدمت بجد ومش هجيب حاجة فى الاول والاخر صينى ولسة متجربتش فى وكيل المفروض أنه يكون محترم

أنا إن شاء الله راح أبلغ قسم حماية المستهلك لان دا نصب وهو دا الى هعملو وبعدين أنا مش هشترى العربيه دى بس مش هرجع الأيصال دلوقتى لانى هقاضيهم

عاوزين كلنا نقف وقف واحده ولمن له أفكار أخرى يا ريت يقولها

مبدئياً احييك جدا على موقفك الإيجابي وياريت فعلا تروح تشتكيهم لحماية المستهلك وياريت موضوع التوكيلات اللي بتغلي على الناس الاسعار بعد ماتحجز ده يكون له عقوبة فعلا عن جهاز حماية المستهلك ولو قدرت تقاضيهم كمان قاضيهم حتى لو الموضوع مجابش نتيجة فعلية اهو العيار اللي ميصبش يدوش برده ويحسوا ان في ناس من حقها تتظلم على غبائهم ده.
بجد انا مش فاهمة التجار بيتعاملوا مع المصريين كإنهم صيدة ولا فلوسهم بيلاقوها في الأرض ويقولك ماهو واحد دافع 70 الف يبقي مش هاتفرق معاه لما نقوله 5 الاف ولا 10 الآف زيادة ولا نزود عليه الفين تلاتة كمان لو عايز لون قليل شوية زي الاسود مثلا ونزود عليه الفين تلاتة كمان لو عايز استلام فوري بقي يالا ماحنا مش دافعين من جيبنا حاجة واهو الغاوي ينقط بطاقيته بقي كإننا بنلاقي الفلوس واحنا ماشيين في الشارع ولا السما عندنا بتمطر فلوس مثلا :k41: مع ان ناس كتير بتكون دبرت نفسها واستلفت واتداينت وعملت البدع عشان تكون المبلغ ده بالعافية يقوم ييجي كمان يغلي عليك

لا يبقي اي عربية تانية برقبتها
طالما توكيلها مش بيحترم كلمته من دلوقتي في البيع والشرا يبقي ازاي الناس هاتأتمنهم في عمليات الصيانة بتاعتهم كمان بعد كده؟

بجد ياريت كلنا نبقي ايجابيين فعلا ونوقف الناس دي عند حدهم بقي

مش كفاية بيبعولنا ابو قرش ب 100 قرش كمان بيغلوه علينا بعد المكسب ال 500% اللي بيحققوه؟

حسبي الله ونعم الوكيل

**Mohamed_Ibiza** · 21-11-2008 07:25 PM

يعني بجد حاجة غريبة اوي

معاهم معاهم وعليهم عليهم

مش دي برضه السيارة اللي الناس كلها كانت طالعة بيها السما وعمالين تكتبو فيها قصايد شعر وفي كمالايتها بيتكتب مواضيع

وكانت كل الناس بتقول هتحجزها وهتجبها وكان فيه ناس بتفكر تبيع سيارتها عشان تجيب السيارة دي

اول ما التوكيل غلط غلطة واحدة بس وانه رفع سعر السيارة كله قلبت ع السيارة

لدرجة ان التعليقات بقت بالشكل اللي انتو شايفينه

" مش كفاية انها صيني "

وكمان كانت الناس عمالة تقول مواتير متسوبيشي وكان فيه اوجه اختلاف بين الاعضاء على انها مجرد تكنولوجيا متسوبيشي مش اكتر

دلوقتي بقى الحال زي مانتو شايفين

" شكلها مش مواتير متسوبيشي اصلا "

سبحان مغير الاحوال

لا تعليق

الموضوع: وقفة واحدة ضد الfrv

LinkBack

أدوات الموضوع

عرض

-

-

-

-

-

-

المواضيع المتشابهه

الطريق من القاهرة لرأس البر واحدة واحدة

امسك .. وادى كمان مصيبة ... واحدة واحدة يا ولاد ال.....

هام جدا لاصحاب الfrv

عايز امشى بالعربية واحدة واحدة من غير ما ادوس دبرياج,, هل ينفع؟؟

الكلمات الدلالية لهذا الموضوع

المفضلات

المفضلات

ضوابط المشاركة