وقفة واحدة ضد الfrv

**ahmed1981** · 23-11-2008 07:33 PM

المشاركة الأصلية كتبت بواسطة smax

جهاز حماية المستهلك مش هيعملكوا حاجة

هو إنت جربته قبل كده ؟؟
ولا وجهة نظر ؟؟؟؟؟؟؟؟؟؟؟؟؟؟؟؟؟؟؟

**moustafamoussa** · 23-11-2008 10:21 PM

انا بعت الشكوي و ايصال الدفع علي الفاكس ..
وكلمت الرقم الساخن قالولي ليك الحق في استلام السيارة بالسعر 70000 طالما مكتوب في الايصال و العقد ...
ويارب يوفقنا ....

للإتصال بالجهازتليفونيا : فى حالة وجود شكوى أو إستفسار اتصل على الخط الساخن لجهاز حماية المستهلك 19588
بريديا : تقدم للحصول على الشكوى المجانية من أقرب مكتب بريد من مسكنك.
بالبريد الإلكترونى : info@cpa.gov.eg
بالفاكس : يمكنك إرسال الشكوى بالفاكس على رقم 35380384 (02)
االتقديم المباشر : يمكنك تسليم الشكوى باليد بمقر الجهاز بالعنوان التالى:96 شارع أحمد عرابى – المهندسين - الجيزة

**smax** · 24-11-2008 10:29 AM

انا مجربتش جهاز حماية المستهلك بس اولا الي مش مكتوب في الوصل بتاعة السعر النهائي و مكتوب السعر عند الاستلام اكيد الجهاز مش هيعتبرها مخالفة ( لوا مكتوب السعر النهائي اكيد يجرب مع الجهاز يتهيئلي انة هيسعدة يستلم بالسعر القديم) و بعدين يتهيئلي Bavarian Auto عندهم سكك يخلص المشاكل بتاعت الجهاز و لا تنس انك في مصر , الفكرة بتاعت
Bavarian Auto & Brilliance auto الادارة العالمية طبعا المفروض لوا وصل لها الاخطاء الي في البروشور و السعر الي بيتغير علي الحاجزين و بزات لوا مكتوب في الوصل السعر القديم اكيد هيخدوا موقف مع الوكيل و ممكن ياخذوا قرار تسبيت السعر علي كل اللي حاجزين.

**ahmed1981** · 24-11-2008 11:28 AM

المشاركة الأصلية كتبت بواسطة smax

انا مجربتش جهاز حماية المستهلك .

حضرتك قلت قبل كده إن جهاز حماية المستهلك مش هيعمل حاجة

المهم هو هيعمل كثير بإذن الله

وراجع الرابط التالي لموضوع أخونا بايو:
http://www.nilemotors.net/Nile/showthread.php?t=6088

**batool2008** · 24-11-2008 02:05 PM

أنا رحت سحبت الفلوس إنهاردة الظهر و ربنا يعوض عليا في عربية تانية إن شاء الله

**mohamed_fatouh** · 24-11-2008 09:07 PM

المشاركة الأصلية كتبت بواسطة batool2008

أنا رحت سحبت الفلوس إنهاردة الظهر و ربنا يعوض عليا في عربية تانية إن شاء الله

اولا اللى اقدر اقولة لك ربنا يعوضك بخير منها

ثانيا انت رجل بالفعل تحترم ذاتك لانك اتخذت موقف ضد الاستغلال

:k49:

**smax** · 25-11-2008 09:59 AM

انا بتكلم علي الي الايصال مش مكتوب علية سعر العربية النهائي و مكتوب علية" السعر النهائي عند الاستلام" طبعا الجهاز مش هيعمل حاجة لان العقد شريعة المتعاقدين و مفيش حاجة في الايصال بتحدد سعر السيارة و طبعا دة رأي الخاص.
بالنسبة لارسال Email الي Brilliance & Bavarian auto دة بردة راي لاني اعتقد ان الناس دول بيخافوا علي سمعتهم و بيقدروا عملائهم اكثر من الوكيل و هيعتبروا الوكيل مقصر في دراسة السوق و بيضلل العملاء من ناحية السعر و كمان موضوع الMp3 و 4 سماعات الي في البورشور يعتبر تضليلي او اهمال في دراسة محتويات السيارة. فممكن يضغطوا علي الوكيل انة يعوض العملاء الي حجزوا علي السعر القديم.

**OlaOsman** · 25-11-2008 10:33 AM

المشاركة الأصلية كتبت بواسطة batool2008

أنا رحت سحبت الفلوس إنهاردة الظهر و ربنا يعوض عليا في عربية تانية إن شاء الله

هو ده التصرف السليم.. طبعا غير الشكوى لجهاز حماية المستهلك ده أكيد برضه تصرف إيجابي، انما فعلا لو كل اللي حاجزين و غلي عليهم السعر أثناء الحجز و قبل الاستلام عملوا كده ببساطة مش هيلاقوا حد يصرفوا له بضاعتهم و هاتكسد و غصب عنهم ساعتها هاينزلوا سعرها مش ل 70 ألف، لأ دول ينزلوه الأرض كمان عشان خاطر يبيعوا.

يا سلااااااااااااااام لو وقفنا الوقفة دي ضد أي تاجر جشع و طماع بدءً من الجزار و الفرارجي و انتهاء بتوكيلات السيارات.. أكيد حالنا كان هايتغير.

**menabigboss** · 25-11-2008 12:14 PM

الحـــــــــــــل هو يا اما تستلموا بالسعر القديم ...يا ما تلجأوا للخيارت الاخري في نفس الفئة السعرية:
كالنوبيرا 2009=77.5جم، الكيا ريو= 80جم،....وغيرها كتير،،،بس المهم ان الناس تصر علي الاستلام بالسعر القديم او يسحبوا فلوسهم...............