الموضوع: بتعمل ايه في شعور الفشل

اتفق معاك تماما ازاى احنا اللى هنخش الجنه بالنصب والغش والقذارة دى

طول ما انت بتقارن نفسك بحد عمرك ما حترتاح صدقني
اه الواحد يطور من نفسه ويحاول يعيش حياه افضل واحسن ولكن ميدخلش في دوامة الاكتئاب والفشل وان فلان عايش احسن مني والكلام دا
في مصريين معاهم ملايين ورغم كدا مش ساكنين في اوروبا وساكنين في مصر , يعني موضوع الحياه بره مش هي السعادة عند كل الناس , في احد المرات كنت قاعد مع دكتور وبقله يا دكتور انت فاتح ليه في منطقة شعبية بالرغم انك ساكن في منطقة راقية , قالي انا بحب الشعبي وبحب قاعدة الناس البسيطة .
ووارد جدا علي فكرة بعد لما تسافر بره والانبهار بتاع اول كام شهر يروحوا , تزهق وتتخنق وتبقي عايز تنزل
بس لو الموضوع مركز معاك اوي جرب تسافر وتعيش بره , يمكن فعلا تكون سعادتك هناك مش حتخسر حاجة

المشاركة الأصلية كتبت بواسطة 3adelnor3

طول ما انت بتقارن نفسك بحد عمرك ما حترتاح صدقني
اه الواحد يطور من نفسه ويحاول يعيش حياه افضل واحسن ولكن ميدخلش في دوامة الاكتئاب والفشل وان فلان عايش احسن مني والكلام دا
في مصريين معاهم ملايين ورغم كدا مش ساكنين في اوروبا وساكنين في مصر , يعني موضوع الحياه بره مش هي السعادة عند كل الناس , في احد المرات كنت قاعد مع دكتور وبقله يا دكتور انت فاتح ليه في منطقة شعبية بالرغم انك ساكن في منطقة راقية , قالي انا بحب الشعبي وبحب قاعدة الناس البسيطة .
ووارد جدا علي فكرة بعد لما تسافر بره والانبهار بتاع اول كام شهر يروحوا , تزهق وتتخنق وتبقي عايز تنزل
بس لو الموضوع مركز معاك اوي جرب تسافر وتعيش بره , يمكن فعلا تكون سعادتك هناك مش حتخسر حاجة

انا شفت العيشه بره و سافرت كذا مره مع الشغل بتاعي
الموضوع مش فلوس يا استاذ عادل الموضوع نوعيه العيشه احنا هنا لو انت معندكش صحاب او وحيد الناس بتنصحك تلعب العاب كمبيوتر او تشوف افلام
بره الناس دي عامله مليون حاجه شوف موقع زي Meetup مثلا بتلاقي مليون جروب بيحبوا حاجه معينه و ممكن تنضم ليهم ممكن تروح جامعه بعد الظهر تتعلم حاجه جديده ممكن تنزل تتمشي و تتفسح بالليل من غير ما تقعد في المواصلات بالساعات علشان تشم هوا
الحياه ابسط من عندنا
يا راجل ده انا اشتريت هدوم من محلات عندنا تعتبر محلات الصفوه و حبت الهدوم ارخص ما بجيب هدوم من اي محل عادي في مصر
تخيل انك بتدخل تتعشي عشاء جامد جدا و مشبع جدا و تدفع 7 و لا 8 يورو في مطعم في منتهي الشياكه و في مكان في وسط المدينه اللي انت فيها
احنا هنا بنروح اي مطعم سندوتشات و بندفع قرب المبلغ ده بالمصري و ناخد سندوتشات زي الفل زي ما حضرتك عارف
الفكره يا باشا اني حاسس اني عمري بيضيع و مش عارف ابقي مبسوط
حتي الشغل في مصر مفيهوش مجال للابتكار و انك تشغل دماغك الا في ازاي تزنبك الناس اللي معاك علشان تعلي عليهم و توصل لفوق
احنا للأسف عايشين عيشه شبه عيشه الانعام بنجري في حياتنا علشان ناكل و نشرب و نتجوز و نخلف و نربي العيال لكن مش بنعيش فعلا
للأسف بقي اهدافنا في الحياه هي المفروض الحاجه اللي تساعدنا علي الحياه
هدفنا شغل بمرتب كبير علشان اكل و اشرب و البس و اجيب شقه اكبر و عربيه
طيب و بعد كل ده
تركب العربيه تقعد 3 ساعات علشان تروح مشوار بالليل بعد الشغل تقوم تحبس نفسك و تخرج في الويك اند بس

المشاركة الأصلية كتبت بواسطة mody1982

عمرك حسيت بالفشل لما تقارن نفسك بزمايلك اللي بشهادتهم انت عندك قدرات اعلي منهم او تعادلهم علي الاقل و تلاقيهم مثلا سافروا اوروبا و اتعلموا و اشتغلوا هناك و عايشين عيشه نضيفه و انت قاعد هنا في بلدنا الجميله
في واحد كنت اعرفه ايام الدراسه و دلوقت هو بقاله 10 سنين في اوروبا بدء بسويسرا و انتهي و عايش حاليا في بلجيكا
من حوالي 6 سنين نزل و خطب و اتجوز و خد مراته معاه و حاليا هو راجل مشهور علي الفيس و في ناس كتير متبعاه قرب ال 100 الف
الشاب ده كل ما اشوفه علي الفيس بوك بفوق و بحس انا خسرت قد ايه بقعدتي في مصر كل حاجه فيه اختلفت شكله اسلوبه لبسه بقي حاجه تشرف بجد
بينما انا علي المقابل قرفان من شكلي و من اسلوبي اللي اتفرق عليا علشان اعرف اعيش في بلدنا
ساعات بحس اني عمري ضاع رغم اني عندي 34 سنه بس محققتش اي حاجه افتخر بيها قدام نفسي و لا قدام اي حد حتي شغلي رغم اني شاطر فيه بس يعني مفيش حاجه exceptional في وضعي فيه
بحس كده ان اللي سافر بره و عاش بره رغم الصعاب و القرف اللي بتواجهه بيعيش بني ادم حتي لو درجه تانيه
انا سافرت بره كذا مره زيارات قصيره مع شغلي بس القاسم المشترك اني مكنتش عايز ارجع
يمكن الانبهار الاولي راح و بقيت شايف عيوب الحياه بره
مطحنه شغل بس في نفس الوقت الحياه سهله و كل حاجه تقدر تعملها من غير اي صعوبه
مواصلات سهله اماكن خضرا كتير تقدر بالليل تنزل تركب العجله بتاعتك و تعمل شويه رياضه من غير اي مضايقات
الزحمه تكاد لا تظهر رغم وجودها بس طبعا حنا اسوء بكتير
بس برضه مش كل ده اللي بيزعل الواحد
اللي بيزعله ان فعلا كان ممك يعيش حياه افضل بظروف احسن لكن جري ورا العيشه هنا و الشغل في شركه تعتبر كويسه بمرتب كويس
و دلوقت بعد قرب اكت رمن 10 سنين من التخرج للأسف مش راضي عن حاجه في حياتي
ساعات اواسي نفسي و اقول اديني قعدت جنب والدي و والدتي و راعيتهم بس من جوايا عارف ان زمايلي برضه اللي سافروا اوروبا و عاشوا هناك منسوش اهلهم
هلاقي ناس كتير هتقولي العيشه بره صعبه و الحياه زفت و اقسي من مصر هقول عارف بس عيشه نضيفه
يكفي انك انسان عايش في دنيا افضل بكتير من اللي احنا فيها
كان زمان في كاتب قال ان اوروبا جنه في الارض علشان اهلها هيدخلوا النار و البلاد العربيه نار في الارض علشان اهلها هيدخلوا الجنه
في رأيي اننا هندخل النار في الاخره زي ما دخلناها في الدنيا

الحياة فى مصر بقت صعبة و مملة كلنا او معظمنا عايز يسافر