حلم حياتي .. اتدمر من غير سبب !

**Colin Chapman** · 13-10-2015 05:04 PM

المشاركة الأصلية كتبت بواسطة mohamedFTW

هي نزلة مصر تدرس عربي .. بس انا بفكر ابعتلها رسالة من رقم تاني اخلص فيها حقي و ارتاح بعديها

طالب منك خدمة هتاخود من وقتك لكن هتفيدك ارسلتها لك على الخاص !!!!

**monamize4** · 13-10-2015 07:40 PM

المشاركة الأصلية كتبت بواسطة mohamedFTW

هي نزلة مصر تدرس عربي .. بس انا بفكر ابعتلها رسالة من رقم تاني اخلص فيها حقي و ارتاح بعديها

اوعى تعمل كدا ,, دى حركات عيال

ابعتلها رسالة من رقم غريب ,, عشان تستفسر عن سبب انها اتغيرت
و تحاول تصلح الموضوع و تبين انك لسه متسمك بيها ,, ماتفقدش الامل
بسرعة بس خليك عارف امتى هيكون الموضوع وصل لمرحلة اللاعودة

انا مايل للرأى اللى بيقول ان حد حذرها من المصريين

**Colin Chapman** · 13-10-2015 11:04 PM

المشاركة الأصلية كتبت بواسطة mohamedFTW

للأسف كان في بنت من فرنسا بحبها .. و بكلمها من فترة كبيرة ..و هي كانت نزلة مصر .. و البنت دي لما كانت هناك في بلدها قبل ماتيجي مصر كانت علي طول 24 ساعة بتكلمني علي الواتس اب و اسكيب و البرامج دي .. و كانت العلاقة مابيني و مابنها محترمة جدا و هي كانت بتحب تفكيري و انا نفس الكلام .. و هي كانت نزلة مصر علشان تدرس ... و انا كنت بقولها اي حاجة تقف قصادك في مصر او اي مشكلة توجهك قوليلي علي طول .. و انا مش هتأخر عليكي في حاجة .. و هي كانت فرحانة و بتقولي انا مش مصدقة اني القي صديق او انسان زيك كدة ... و البنت فعلا نزلت مصر .. و قابلتها مرة ..و خرجنا و هي اتبسطتت جدا و كانت في قمة السعادة في اليوم دة ... و بعد مانزلت مصر بكام يوم .. حصل مفاجاة ... بقيت حاسس بتغير و اهمال كبير اوي من نحيتها .. و بقت مش بتتعامل معايا زاي الاول .. عكس لما كانت في بلدها خالص .. و الكارثة هنا .. لقيت مرة واحدة عملت ليا .. حظر علي الواتس اب و حظر علي نمرت موبيل علشان متصلش بيها ...و انا هتجنن دلوقتي و مش عارف هي عملت كدة لية معايا ؟ و مفيش اي حاجة انا عملتها علشان تعمل معايا كدة ؟ يعني لية تعمل الكلام دة بدون اي داعي ؟ للأسف انا كان في تفكيري اني اطلبها للجواز و الحمد لله حالتي المادية مرتاحة .. كان عندي احلام كتيرة اوي .. و دلوقتي كلها بقت علي الارض .. و بدون اي سبب ... دلوقتي انا بفكر ابعتلها رسالة من نمرة جديدة .. اقولها شكرا علي اللي انتي عملتي معايا او اشتمها او اخلص حقي فيها .. مش عارف اتصرف ازي ؟ حد يقولي

نرجو الافادة من الرابطين !!!!!!!!
الرابط 1

auto 20 chevrolet V8

الرابط2

-6- REALISATIONS FRANCE ET BELGIQUE

**شاهين - بنز** · 14-10-2015 07:50 AM

موضوعك ده حصل معايا بس موضوعي ألعن بمية مرة
ونصيحة أخوية من خلال تجربتي المريرة كرامتك ثم كرامتك بيقولك كرامة الراجل زي شرف البنت
فأوعى نهائيا تحاول تتصل بيها بعد إللي عملته معاك لإنك مش حتوصل لحاجة وحتتعذب أ كتر من إللي إنت فيه بكتيير وحتبقى نزلت من نفسك
وسدقني مهما حاولت توصل للحقيقة عمرك ماحتوصلها البنات كلهم دماغهم واحدة ومادام هي نفضت بالطريقة دي يبقى عمرها ماحتتكلم
الحب ممكن يتنسي مع الوقت لكن لو خسارة الكرامة عمرها ماتتنسي وخصوصا حتخسرها على حد مايستاهلش إستكتر عليك حتى إنه يقولك بعد ليه
وحتى لو إفترضنا إنك نفسك ترجعها تاني فبرضه الحل الوحيد هو التجاهل

**adorehearts** · 14-10-2015 03:10 PM

اوعى تبعتلها حاجة وشيلها من دماغك تجاهلها , إذا اردت شئ بشدة فأطلع سراحه إذا عاد لك فهو لك وإن لم يعد فهو ليس ملكك من البداية ، سيبك منك خالص وكرامتك اهم شئ انت تستاهل احسن منها ومش واحدة ال هتبنى عليها حلمك

**mohamedFTW** · 14-10-2015 06:42 PM

المشاركة الأصلية كتبت بواسطة adorehearts

اوعى تبعتلها حاجة وشيلها من دماغك تجاهلها , إذا اردت شئ بشدة فأطلع سراحه إذا عاد لك فهو لك وإن لم يعد فهو ليس ملكك من البداية ، سيبك منك خالص وكرامتك اهم شئ انت تستاهل احسن منها ومش واحدة ال هتبنى عليها حلمك

للأسف شكلي كدة مش هبعت رسالة ولا اي حاجة .. الكرامة اهم من كل حاجة دة اكيد .. بس الصدمة صعبة طبعا .. بس يارب ربنا يقوينا بقا

**Colin Chapman** · 14-10-2015 06:50 PM

المشاركة الأصلية كتبت بواسطة mohamedftw

للأسف شكلي كدة مش هبعت رسالة ولا اي حاجة .. الكرامة اهم من كل حاجة دة اكيد .. بس الصدمة صعبة طبعا .. بس يارب ربنا يقوينا بقا

طيب جميل جدا ده انا ارسلت لك روابط تخرجك من اللى انت فيه ليه بقى تتجاهلنى على العام او الخاص؟؟!!

مفيش حد يترجم من فرنساوى لعربى بشكل متقن غيرك ولا ايه؟؟؟!! ههههههههههههههههاشغل نفسك تنسى وتعدى الصدمة

**onedge** · 14-10-2015 08:31 PM

موضوعك ده حصل معايا برضه مع بنت اجنبية خاينة برضه كنا 24 ساعة مع بعض الخ الخ بس انا على عكسك بقى اما حسيت انها اتغييرت وهى اللى بتخون انا استعوضت ربنا فيها وفى الفلوس اللى راحت عليها وعملت لها بلوك بعدين البجحة حطط صورتها مع واحد تانى وعادى وبعد كده هزئتها وعملت لها بلوك وبعدها بشهر كلمتنى من رقم اخوها وبكل بجاحة بتقولى انتا عملتلى بلوك!! قال يعنى مش عارفة عملتها
الخلاصة ملكش غير المصرية انتا فاهمها وهى فاهماك ههههه

**Bassem Youssef** · 14-10-2015 08:56 PM

المشاركة الأصلية كتبت بواسطة onedge

الخلاصة ملكش غير المصرية انتا فاهمها وهى فاهماك ههههه

معلش طلعت منك اوت دي :)))

مش معني ان ليك تجربه سيئه مع بنت غربيه يبقي البنت المصريه كويسه

كل فئه فيها الكويس و الوحش

المهم الاختيار السليم و كده كده المصريه هتفلسك :)))