ساعدوني عملت حادثة النهاردة

**drmsm31** · 12-10-2015 04:13 PM

ارجوكم ساعدوني
عربيتي فلوانس 2015 عملت حادثة النهاردة ودخل فيا مقطورة بوظت البابين القدام واللي ورا والمراية الشمال
انا للاسف مش مأمن على العربية وعاوز اصلحها .. اصلحها برا ولا اصلحها في التوكيل ولو هحتاج اغير بابين و مراية التكلفة الاجمالية ممكن تبقى كام .
يا ريت لو حد له تجربة يفيدني وجزاكم الله خير

**tameem2010** · 12-10-2015 04:53 PM

في التوكيل اسعار نار البابين والمرايه هيعدوا ال10 الاف جنيه
شوفهم برا بس المشكلة هيا ليها حاجات استيراد بره ولا لسه مانزلش ليها
عموما الحمد لله انها جت في بابين لان البابين هيتغيروا عادي وده ميعيبش العربيه
حمد لله على سلامتك

**tameem2010** · 12-10-2015 04:55 PM

عموما حاجتها هتلاقيها في صقر قريش المعادي ... كل رجاله الرينو هناك

**amr011111** · 12-10-2015 04:55 PM

سمكرى بره هيطلعلك شغل كويس وسعر اقل من التوكيل
والف سلامه

**Mohatfhd** · 12-10-2015 05:13 PM

قدر الله و ماشاء فعل ,علي العموم انزل صقر قريش و هاتلاقي كل حاجتها هناك

**mhopa2440** · 12-10-2015 08:04 PM

ألف سلامة عليك والحمد لله وقدر الله وما شاء فعل

بالنسبة للعربية لو مش هتروح التوكيل انصحك تروح ورشة نايل موتورز هتكون انت الكسبان ان شاء الله

**Abu Reem** · 12-10-2015 09:14 PM

اخي الكريم

أولا الحمد لله انك انت بخير

ثانيا ، حصل لي موقف مشابه في حادث طبق الباب الخلفي يمين وخدش وطبق جزء بسيط بجوار تانك البنزين وأيضا عتب الباب الخلفي يمين

والتوكيل قالي : التكلفة 13 الف جنيه وإصلاح في خلال 3 أسابيع على الأقل

عملتها بره في ورشه قريبة من مسكني.....والحمد لله السمكري أعاد الوضع كما كانت من الوكالة تماما (سيارتي أيضا فلوانس 2015 ).....والتكلفة كانت....بسيطة جدا ...ولم يغير الباب ولا أي حاجة...سمكره ورش ..اكثر من رائع

لذلك ابعد عن التوكيل

**Hossam Rashed** · 12-10-2015 10:38 PM

فى واحد اسمه الشيخ جمال القاضى فى الحرفيين متخصص صيانة وقطع غيار استيراد وجديد لرينو .. روحله اسال عنده اكيد هتلاقى واسعاره اقل من صقر قريش بكتيير عن تجربة

**Nfs Rivals** · 13-10-2015 04:31 AM

المشاركة الأصلية كتبت بواسطة abu reem

اخي الكريم

أولا الحمد لله انك انت بخير

ثانيا ، حصل لي موقف مشابه في حادث طبق الباب الخلفي يمين وخدش وطبق جزء بسيط بجوار تانك البنزين وأيضا عتب الباب الخلفي يمين

والتوكيل قالي : التكلفة 13 الف جنيه وإصلاح في خلال 3 أسابيع على الأقل

عملتها بره في ورشه قريبة من مسكني.....والحمد لله السمكري أعاد الوضع كما كانت من الوكالة تماما (سيارتي أيضا فلوانس 2015 ).....والتكلفة كانت....بسيطة جدا ...ولم يغير الباب ولا أي حاجة...سمكره ورش ..اكثر من رائع

لذلك ابعد عن التوكيل

العين فلقت الحجر مش عاوزها تطبق باب؟
انت خدت عين من حد قريب والفلوانس اصﻻ مرسومة وواقفة زى الدكر في مكانها
ﻻزم تتنقر عين.. ومش انت لوحدك يا باشا.. الحمد لله انك بخير

اوؤيد كﻻمى ورأيي من كﻻم مستر ابو ريم

ﻻ توكيل وﻻ غيره.. تروح ﻷى سمكرى وتقوله دى تكلفتها كام و تجيب موتور كهربا استيراد
او جديد لزجاج الباب عدد 2
وتسمكر وترش بنفس اللون وتقول للبوهيجى .. لو سمحت وانت بتمعجن .. ماعجن ب امارة
مش تمﻻها معجون عشان ماتقشرش وتقرفنى انا اودام فالمستقبل .. انا مش هعرفك شغلك بس بعد ازنك عشان
كان عندى عربية قبل دى.. وفرقت كتير معايا المعجون الكتير من المعجون ب امارة كدة.. عشان البوهيجى
يعرف انك فاهم.. يخاف منك يعمل شغل فل الفل.. المعجنة بالرش بالمصنعية مش ممكن
دة اكبد يخش في نص باكو.. ﻻ زيادة وﻻ اقل.. من كدة.. ومكنة الزجاج كهربا بتﻻت تﻻف
بالتركيب ﻻن دة فالكورىى بنص باكو بالتركيب مابالك دى فرنساوى ورينو و بموديل سنتها
ﻻن كدة وششش مكنة ورافعه الزجاج بالسﻻمة اتطبقت
والسمكرة عالسحن عشان يطلع زى بتاع بﻻده مش معضعض او مموج من الخارج ومظبوط
من داخل الباب من جوة من ودنه فتحات مسامير حامل مكتة الزجاج كهربا.. ممكن تخش في
الف ونص بالكتير.. قول ألفين.. بس بنفس سوكة بﻻدها زيها زى ابواب بﻻدها شاكب راكب

يبقي كدة الفين سمكرة.. الف ونص رش ودهان بالمصنعية.. لو ازاز البابين مكسورين
هتجيبهم من اى محل بيع زجاج سيارات ب الف ج
ودة ﻻنها بموديل السنة مش زنبك انت
زنبها انها مركبة بمودبل سنتها.. الف ونص مكنة زجاج الكهربا
و هاترجع زي اﻻول واحسن وقدر الله وماشاء فعل
وانت بتبيع العربية فالمستقبل.. اوعى تخوم وانت بتبيع.. قوله عن البابين الى خدو خبطة
خفيفة واتسمكرو واترشو والعربية كلها دواخل وخوارج بﻻدها عدا رش البابين
عشان وانت بتشتري يوزد .. ربنا يوقعك في عربية لقطة.. حتى لو زيرو.