الموضوع: انطباعتى لاستخام الفلوبنس بعد 360 كيلو

المشاركة الأصلية كتبت بواسطة islamelesswi

السلام عليكم ورحمة الله وبركاته أعضاء القسم المحترمين. .انا بقالى أسبوع تقريبا بستكشف العربية وبتعود على سواقتها لأنى جديد على الاتوماتيك والعربية الحمد لله رائعة ماشاء الله وبصراحة فيها حاجة بتشدك علشان متنزلش منها وكل ما يقال عن العربية أو أى ملاحظات أخرى غير صحيحة بالمرة وملاحظاتى بعد استخدام حوالى 360 كيلو هو ضعف التكييف شوية وبانتظار انتهاء التليين لكافة دوائر السيارة ومنتظر التحسن بعدها بإذن الله....فى حاجة انا مش عارف اشوفها وهى مقاس الديجيتال بتاع الزيت مش عارف اجيبه من settings ولا منين وثانى حاجة هل فى حاجة لتصفير data كومبيوتر السيارة بعد كل تفويلة بنزين. ....ونصيحة مخلصة فعلا لكل من ينوى الشراء ومتردد. ....توكل على الله ...... وأكرر شكرى لكل من كان سببا لاتخاذى قرار شراء السيارة بمواضيع شاملة لم تغفل أى شىء وربنا يسترها معانا جميعا ويحفظ الجميع من كل سوء ومن شر البشر.

مبروك عليك وربنا يباركلك :)

المقاس الديجيتال: أول ما تركب دوس start من غير ما تدوس فرامل وبعد كده دوس على زرار الـ Up أو Down اللي في الدراع لحد ما يجيلك المقاس.

عشان تصفر عداد الرحلات أو إستهلاك البنزين دوس زرار الـ Up أو Down لحد ما يجي اللي عاوز تصفره وبعد كده دوس دوسه طويله على زرار الـ Up أو Down

المشاركة الأصلية كتبت بواسطة islamelesswi

تمام الحمد لله عملت بنصيحتكم وفتحت الكونتاكت على وضع start من غير ما ادور ودوست على الذراع بعد كده ولقيت مقاس الزست الديجيتال ظهرلى وكله تمام الحمد لله.....معلش سؤال هل العربة بتحتاج لفترة معينة للتسخين لأنى مش بلاقى الامبير يعلى وينزل زى عربيتى السابقة الbyd f3

ما فيش فتره محدده للتسخين, بس عامة كل العربيات الإنجكشن ينصح إنك تسخن لمدة قصيره جداً قد دقيقه مثلاً وبعد كده تطلع بس ما تبدأش تقرص على العربيه إلا لما توصل لدرجة الحراره العاديه.