الموضوع: جلد صباب ولا شنبر لأصحاب الخبرة

ازاى الميكانيكى بعد ما فتح فى الموتور ما غيرش طقم الشنبر بالمرة و ليه ساب ديل للشغل ؟

و ازاى بساتم تخبط فى صبابات و يركب نفس البساتم القديمة على الشنابر القديمة و معتبر الشميز و لا حصل فيه حاجة ؟

بإفتراض انك هتعمل طقم صباب دلوقتى ...هتيجى كمان شوية تفك تانى علشان طقم شنبر بعد فترة

ربنا يعوض عليك فى المصنعية و آديك اشتريت حاجات جديدة

رايى العك يتفك و تعمل الاتنين

هو قالي أن الشنبر مش محتاج تغيير لأن العربية أصلا مكنش فيها أي مشاكل قبل ما السير يتقطع والصبابات بس الي إتعوجت فجبت طقم صباب جديد وراح المخرطه ركبته هناك وبعدين قفل والعربية كانت تمام لحد 200 كيلو بعد كدة إبتديت تدخن أول لما أدور العربية لحد ما تسخن بعد كدة تبطل وتدخن بقي لما أكبس عليها جامد

ملحوظة لمبة حساس الشكمان بتنور علي سرعة 120+ هل ده ليه أي علاقة بالدخان ؟

وحضرتك شايف أن العيب شنبر ولا جلد صباب ؟ يعني أنا لو مش عايز أفتحها دلوقتي ممكن أحط زيت شنبر ولا بلاش ؟ أنا متابع الزيت لأنه بيتحرق وبشم ريحنه من الشكمان في حضرتك شايف اية ؟
وشكرا لرد حضرتك

المشاركة الأصلية كتبت بواسطة m.3amer550

هو قالي أن الشنبر مش محتاج تغيير لأن العربية أصلا مكنش فيها أي مشاكل قبل ما السير يتقطع والصبابات بس الي إتعوجت فجبت طقم صباب جديد وراح المخرطه ركبته هناك وبعدين قفل والعربية كانت تمام لحد 200 كيلو بعد كدة إبتديت تدخن أول لما أدور العربية لحد ما تسخن بعد كدة تبطل وتدخن بقي لما أكبس عليها جامد

ملحوظة لمبة حساس الشكمان بتنور علي سرعة 120+ هل ده ليه أي علاقة بالدخان ؟

وحضرتك شايف أن العيب شنبر ولا جلد صباب ؟ يعني أنا لو مش عايز أفتحها دلوقتي ممكن أحط زيت شنبر ولا بلاش ؟ أنا متابع الزيت لأنه بيتحرق وبشم ريحنه من الشكمان في حضرتك شايف اية ؟
وشكرا لرد حضرتك

اصل طقم الشنبر بيحتاج فك و تركيب زيادة...و فى صنايعية عايزين اللقمة الطرية...و هو عرف منين ان طقم الشنبر القديم كان كويس الا لو انت قلت له

انا بقول لك دا مش ممكن تحتاج طقم شنبر و بس ...ممكن كمان بساتم جديدة و شغل خراطة

هو السير اتقطع على سرعة اد ايه ؟ السؤال دا برضه مهم ...يعنى كل ما السرعة كانت عالية كل ما الاضرار كانت اكتر...و الله لو كنت ماشى سلانسيه و اتقطع و انت وقفت وقتى اكتفى بجلد الصباب

لمبة حساس الشكمان منورة لان كمية التلوث فى العادم كبيرة جدا نتيجة الزيت المحروق

شكراً لردكم شكراً جزيلاً معلش تعبكم معايه
بالنسبة للزيت أنا فعلاً غيرت زيت وبرده نفس المشكلة بل زادت أكتر عند الدوارة بقي الدخان أكتر بالنسبة للخرطوم أعتقد ملوش دعوة لأنه حتي لو بينفس العربية مش هتحرق زيت لأن الزيت عندي بيقل .

بالنسبة للسرعة اللي إتقطع عليها السير كانت لا تتعدي ال 60 يعني من 3-60 كدة أعتقد البساتم مفيهاش مشكلة لأن المكنة كان صوتها رايق جداً بعد الشغل وكانت هاديه مش فيها أي أصوات غريبة ومفيهاش مشاكل المشاكل بدأت تظهر بعد 200 كيلو تقريباً في حرق الزيت والدخنة !

اللي مخلني مستغرب من حوار الشنبر ده أنه حصل فجأة يعني العربية عمرها ما كلت زيت ولا طلعت دخنه غير بعد ماعملت النص عمره ديه علي طول فجأة كدة تاني يوم بعد ماغيرت الزيت بدور لقيت دخنه كتير جداً وتبطل لما العربية تسخن !

ملحوظة بقالي فترة كبيرة ماغيرتش البوجيهات هل البوجيهات ممكن تعمل كدة ولا ملهاش علاقة ؟
وشكراً ،، متابع