حاجة حصلت بعد غيار الزيت

**komodo** · 25-10-2015 11:01 AM

بعد ما غيرت زيت وفلتر من يومين ... بقت لمبه الزيت بتاخد ثنيتين ثلاتة وبعدين تطفى بعد ما كنت معتاد انها تطفى بمجرد العربية ما تدور ... يا ترى ايه الحصل وهل ممكن يكون غيار الزيت الجديد عمل مشكلة ؟ برجاء الافادة من اصحاب الخبرات ... ملحوظة عربيتى لادا 2105

**عمرو كاشف** · 25-10-2015 11:06 AM

انا عندي بتاخد ثانتين تلاتة فعلا وبعدين تطفى ولمبة البطارية بتكون منورة واول ما بضغط بنزين تطفى الكلام دا من ساعة ما جبت العربية من 8 شهور وغيرت زيت بتاع 4 مرات لحد دلوقتي عمرها ما كانت بتطفى بمجرد ما ادور

**mohsal** · 25-10-2015 09:00 PM

انا عربيتى ٢١٠٧ كل اللمبات بتطفى اول العربيه مابتدور اتاكد من قياس الزيت او راجع الميكانيكى فى اقرب وقت -لمبه الشحن المفروض تطفى بمجرد العربيه ماتدور عندك الشحن الدينامو عايز يتظبط

**zamek** · 26-10-2015 08:38 PM

نوغ فلتر الزيت مش حلو جيب مستورد تيلاندي او سعودي في الغيار الجاي لاكن مفيش مشكله تكمل بيه كده

**komodo** · 27-10-2015 10:13 AM

المشاركة الأصلية كتبت بواسطة zamek

نوغ فلتر الزيت مش حلو جيب مستورد تيلاندي او سعودي في الغيار الجاي لاكن مفيش مشكله تكمل بيه كده

أنا عندى احساس ان يكون الفلتر هو السبب كما ذكرت لان الفلتر اللى راكب غير النوع اللى بركبة كل مرة ..

**mirra** · 28-10-2015 09:51 PM

ده بسبب الفلتر لان كل اللى فى السوق صينى او مصرى و مش مشكله خالص.. لا تقلق.

**komodo** · 29-10-2015 03:37 PM

المشاركة الأصلية كتبت بواسطة mirra

ده بسبب الفلتر لان كل اللى فى السوق صينى او مصرى و مش مشكله خالص.. لا تقلق.

بارك الله فيك وحضرتك اكدت لى ان السبب هو الفلتر ... ان شاء الله اشوف نوع اصلى الغيار الجاى

**عمرو كاشف** · 31-10-2015 09:59 AM

المشاركة الأصلية كتبت بواسطة mohsal

انا عربيتى ٢١٠٧ كل اللمبات بتطفى اول العربيه مابتدور اتاكد من قياس الزيت او راجع الميكانيكى فى اقرب وقت -لمبه الشحن المفروض تطفى بمجرد العربيه ماتدور عندك الشحن الدينامو عايز يتظبط

انا ليا اتنين اصحابي ونفس اللي بيحصل معايا بيحصل معاهم هل كلنا كدا محتاجين نشوف شحن الدينامو ولا اية ؟
مع اني كنت عند الكهربائي وقاس الشحن بتاع الدينامو كان 14.78 فولت مع العلم ان عندي قطع فى الكابل الارضي ممكن يكون دا السبب ؟!!