لمن يشكوا من نقص مياه الرادياتير للفيرنا .

**Amera** · 22-11-2008 12:08 AM

:K14:لمن يشكوا من نقص مياه الرادياتير للفيرنا :-
انا عندى فيرنا موديل 2008 كان عندى مشكلة من ساعة ما أشتريت العربية وكل ما أشييك على القربة بتاعة المية كل 3أيام الاقى المية نقصت وبقت عند الMin أروح مزوداها وكنت فاكرة ان دة طبيعى لان فى ناس بتقول ان المية بتنقص بسرعة فى الصيف علشان الحر وسخونة العربية ؛ ومن ساعة ماأستلمت العربية والمية اللى كانت فى الردياتير مية عادية يعنى مية حنفية وبعدين عرفت ان مية الحنفية غلط على الردياتير لان بها املاح ومعادن تتفاعل مع الردياتير وتسبب الصدأ قررت انى اغسل الردياتير مع صيانة ال5000 يمكن مشكلة نقص المية تقل لعدم تبخر المية الملونة المعالجة زى مية الحنفية ويحطولى مية ضد الصدأ ،بالفعل قولت للمهندس بتاع الصيانة على نقص المية لكن قالى انة طبيعى فخليتهم يغسلوا الردياتير ويحطولى ميه معالجة ضد الصدأ فحطوا مية ماركة Total وتمن الجركن 45 جنية لكن المشكلة لسة زى ماهى ، وبعد كده عملت حاثة والعربية طبعا كان فيها حاجات عايزه تتظبط فقولت بالمرة اخلى المهندس يشوفلى الردياتير يمكن يكون بيسرب ولو كان بيسرب يغيروه والعربية لسة فى الضمان ، وفعلا كان الردياتير بيسرب وتم تغيروه وقولتلهم يحطوا مية Total والحمد لله المشكلة اتحلت ، انا ماكنش عندى اى شك فى ان الردياتير يكون بيسرب لان العربية زيرو لكن يربنا يرحمنا من التجميع المصرى .
اسفة للتطويل لكن حبيت احكى تجربتى بالتفصيل لكل الناس للاستفادة منها ولو اى حد شك ان عربيتة فيها حاجة غلط لازم يقول لمهندسين الصيانة يكشفوا عليها لانهم من نفسهم مش هيعملوا حاجة .

**shankosi** · 22-11-2008 12:23 AM

على فكره انا بقيت أسمع شكاوى كتير من أصحاب العربيات الزيرو في المنتدى هنا وربنا يصلح الأحوال...

**mohamedok** · 22-11-2008 12:30 AM

مبروك اصلاح الريداتير وربنا يباركلك فيها وشكرا لكى على اهتمامك ونقلك تجربتك لنستفيد منها لكى منى كل تقدير واحترام

تحياتى وتقديرى

**smsmbakr** · 22-11-2008 03:55 PM

شكرااااا عل المعلومة

**Amera** · 23-11-2008 10:37 AM

شكرا لاهتمام smsmbakr ، mohamedok ، shankosi على الرد .

**amr22_00** · 23-11-2008 07:48 PM

بارك الله لكي فيها
وشكرا على تحملك عناء نقل خبرتك و تجربتك
أفادنا الله جميعا بها

**kh_talaat** · 24-11-2008 10:20 AM

أنا عيني أحولت من حجم الكتابة الكبير قوي دة

**boboscarlos** · 28-11-2008 11:17 PM

علي فكرة واحد صحبي عندة فيرنا 2007 وعامل بيها 20000 كم وبقالها سنتين معاة من الزيرو ولسة محطش نقطة مية في الريداتير والله ولا نقطة مية

**d3vo** · 01-12-2008 08:23 PM

مصر ام الدنيا .....اوعى تشترى عربية تجميع مصرى ومتشيكش عليها فى التوكيل اول لما تستلمها

**mahmoud_magdy** · 01-12-2008 08:33 PM

مبروك العربيه ومبروك الصيانه
وبالنسبه لحكاية الريداتير
فأي عربيه محتمل ان يكون فيها عيب ولو صغير
وطبعا انا بقدم مبدأ الاعذار اولا
والمشكله بسيطه ان شاء الله
ومبروك الريداتير الجديد
:k18: