الموضوع: vectra c electronic climate control recirculation

فكترا سي هاي لاين وتوب لاين مجهزه بتكييف الكتروني مزدوج dual zone electronic climate control

بوابه التكييف اللي بتختار بين fresh air او re-circulation



المفروض بيتم التحكم فيها اوتوماتيك من خلال حساس جوده الهواء air quality sensor اللي موجود تحت التوربيدو ولو الهواء الخارجي ضار و ممكن يؤذي الناس اللي فالصالون بيتم غلق البوابه اوتماتيكيا



الخاصيه دي بتتفعل من خلال قائمه التكييف بعد الضغط على بكره التكييف اللي فى الوسط

طبعا اغلب الناس بتقفل البوابه بمجرد تشغيل التكييف وده وضع طبيعي فالصيف

بوابه التكييف فالفكترا سي الهاي والتوب لاين لازم انت تقفلها بنفسك يعني كل مره بتدور العربيه بتكون مفتوحه حتى لو كانت مقفوله قبل متبطل العربيه


ممكن يتم برمجه وحده التكييف بال tech II بحيث ان اخر حاله للبوابه قبل متبطل العربيه تكون عليها بعد متشغل العربيه تاني

الموضوع ده كان مضايقني شخصيا عشان كنت بنسى البوابه مفتوحه سعات و لازم اقفلها كل مره ادور العربيه لكن الحمد لله في برمجه بتريحنا من الموضوع ده