الموضوع: مقارنه بين الأوربي و الهيونداي أكسنت الشكل القديم

أنا لسه شاري واحده أكسنت 1300 2006 جديد
واحب اقول التقييم المبدي للعربيه مع العلم انى ركيب مستعمل قديم ....... 128 1100 و 1300 و اسكودا فليشا و بيجو 306 و فورد فيستا و اسكورت ...... و المعلم الكبير 504 كانت معانا زمان.... مبدئيا العربيه احلى ميزه فيها اعاده البيع و قطع الغيار الرخيصه و الميكانيكيه الضايعين بيعرفوا يشتغلوا فيها كويس و توافر قطع الغيار موجوده بكثر للسكودا و الفورد و ال128 زيها بالظبط بس طبعا الفورد عند المتخصصين فيه و الأسكودا عند المتتخصصين فيها من تجار قطع الغيار اما الأكسنت عند أى حد غير كده مقارنتا بكل الى ركبته هى فقييييييييييييييييييييييي ييييييييييييييييييير اوى فى كل حاجه (الشكل موضوع نسبي فمش هتكلم عليه -- التصميم الداخلى ضايع و مساحات مهدره و سيئ للغايه مقارنتا بموديلات سنتها الى انا ركبتها زي الفليشيا و ال أسكورت و الفيستا و البيجو 306 كلهم اوسع في الصالون و راحه القياده --- الثبات كويس لحد 120 و ده مش وحش --- الأمان هى واخده 4/16 فى الاتحاد الوربي و طبعا دخلت مصر عند الفقراء الى هم احنا --- العزل زفت مقارنتا بكل الى ركبته الحر بتاع الموتور داخل عليك خصوصا انها تقفيل مصري فلازم التكيف طبعا... الدبرياج تقيل جدا بالنسبه لكل الى ركبته مساوى تقريبا لل 128 الى كانت على واير دبرياج مش مساتر مع العلم ان الأسطوانه تمااام و المساتر السليمه----- الدريكسون مش باور بعد التشحيم ال 128 كان اخف و الاسكورت كانت أخف ---- المرايا الجانبيه تصميمها سئ جدا مع العلم انها الأصليه بتاعت الفريقه بتجيب بس الى جنب و دمتم -- بالنسبه للبنزين زيها زى الأسكورت بالظبط و ممكن تكون الأسكورت بنعمل أكتر منها فى الطرق السريعه-- التسارع الفورد أعلى ----- الأحساس بأداء العربيه مش قوي زي الفورد مع العلم ان الفيستا والأسكورت موديل 99 زيها يعني مش أجدد) نهايتا انا بقول ان الأوربي أجود و أقوى و أمن بس انت عايز عربيه تتباع بسهوله الصنايعيه ميبهدلوش فيك الأكسنت اختيار مناسب ............ ولو ان المقارنه بين الأتنين مش عادله.

كنت المفروض تجيب 1500 عشان تحس بالفرق
مع اعطاء كل ذي حق حقه ان الاروبي حماده اما الكوري دا حماده تاني خالص