الموضوع: Passat B8

المشاركة الأصلية كتبت بواسطة JapRuleZ

اعتقد والله اعلم ان ال 1.4 و audi و wet

1.4 تمام بس انهى فتيس وكام نقله ؟

يعنى مثلا ال Q3 نازله بال 6 نقلات ودا wet

اما ال A3 وال A1 ( ومؤخرا ال A4 الجديده ) نازلين بال 7 نقلات ودا حسب اللى لقيته عالنت ومن موقع audi نفسه انه dry

The ultra-compact seven-speed S tronic in the A1* and A3 weighs only about 70 kilograms (154.32 lb). Their two dry clutches do not need a separate oil supply, adding further to their efficiency

المشاركة الأصلية كتبت بواسطة M.Elwan

العربيه نازله بره موديلين core و premium
البريميوم نازله بالفتيس ٧ نقلات wet
الcore نازله ب٦ نقلات wet

ال٧ نقلات dry انتاجه مازال مستمر وممكن ينزل في في الباسات لو تم طلبه طبقا لسياسة الوكيل المحلي التسويقيه
يعني الطبيعي انه مينزلش مصر بس لو الوكيل بعت للشركة الام قالهم انا مش عاوز باسات بالفتيس الwet والسوق هنا في مصر طالب الفتيس ال٧ نقلات dry فولكس حتبعتله العربيه اللي هو طالبها


http://www.nilemotors.net/Nile/474894-dsg-2.html

مش مهم اسم الفئه المهم فيها موتور ايه

بالنسبه لمواتير البنزين في الباسات الجديده

1.4 ال 125 حصان وال 150 حصان نازلين بال 7 نقلات ، 1.8 ال 180 حصان 7 نقلات

2.0 ال 220 حصان وال 280 حصان 6 نقلات

ال 6 نقلات اكيد wet اما ال 7 نقلات فحسب المعلومات اللى لقيتها ع النت ومن مواقع فولكس نفسها انه dry بالنسبه للمواتير اللى عزمها تحت ال 250 نيوتن والكود بتاعه DQ200 ، وفى موديل تانى 7 نقلات wet للمواتير اللى عزمها فوق ال 500 نيوتن الكود بتاعه DQ500 ودا بينزل في الباسات الجديده مع موتور 2.0 ديزل 240 حصان 500 نيوتن

وفى نوع تالت لسه نازل السنه اللى فاتت 7 نقلات wet الكود بتاعه DQ380 بينزل مع المواتير اللى عزمها مش أقل من 380 نيوتن

يعنى لحد دلوقتى مفيش 7 نقلات wet للمواتير الصغيره

أخيرا ماينفعش الوكيل في مصر يطلب فتيس wet بدل dry او العكس ، كل موتور وليه الفتيس المناسب ليه واللى بيحدد الحاجات دى الشركه الأم والمصنع مش الوكيل ، والا كان طلب فتيس تبترونيك عادى خالص ويريح دماغه

تقريبا حضرتك ماخدتش بالك من مشاركتى اللى فاتت

انا موافق ان الباسات بتنزل بفتيس 7 نقلات wet ، بس مع انهى موتور ؟؟!!

الفتيس دا بينزل مع أعلى وأغلى فئه في الباسات في المانيا ، والفئه دى فيها موتور 2.0 ديزل 240 حصان 500 نيوتن دفع رباعى 4motion ، ومابينزلش مع اى موتور تانى ، ودا نفس الكلام المكتوب في اللينك اللى انت حطيته

only the top specification models are supplied with the new wet clutch seven speed

وباقى الكلام المكتوب مش جايب سيرة باقى الفئات سواء بنزين او ديزل

وانا هاقولهم تانى بإختصار طبقا لموقع فولكس المانيا

فى أعلى فئه اللى ذكرتها فوق

وفى الفئات العاليه التانيه اللى بتنزل ب 6 نقلات wet ، وهم موتورين بنزين 2.0 بقوة 280 و 220 حصان ، و موتورين ديزل بقوة 190 و 150 حصان

أما الفئات الأقل اللى بتنزل ب 7 نقلات dry ، فهم موتور ديزل 1.6 بقوة 120 حصان ، و 3 مواتير بنزين الأول 1.8 بقوة 180 حصان ، والموتورين التانيين 1.4 بقوة 150 و 125 حصان ودول اللى هايجيلنا واحد منهم مصر

المشاركة الأصلية كتبت بواسطة M.Elwan

مبدئيا مفيش مواتير ديزل TDI حتنزل اصلا بسبب مشاكل VW فى اوروبا وواضح ان طرح الموديلات الديزل حيتأخر شوية
there is no TDI engine option

ثانيا حضرتك كاتب ان الموتور 1.8 حينزل بفتيس سبع نقلات DRY
بس المواصفات المعلنة هنا بتقول انها حينزل بفتيس 6 نقلات WET

2016 VW Passat is standard equipped with a 1.8L turbocharged engine, which produces 170 horsepower and 184 lb.-ft. of torque and is paired to a 6-speed automatic transmission

Forbes Welcome

الباسات نازله بره من اول السنه ، يعنى قبل فضيحة الديزل بكتير

ثانيا المواصفات اللى حضرتك بتقول عليها دى مواصفات أمريكا ، بتنزل هناك فقط

ادخل موقع فولكس أمريكا هاتلاقى الباسات بتنزل بموتور 1.8 بقوة 170 حصان وفتيس 6 نقلات تبترونيك عادى مش DSG

اما الباسات المواصفات الاوروبيه فبتنزل بموتور 1.8 بقوة 180 حصان وفتيس DSG ب 7 نقلات dry

المشاركة الأصلية كتبت بواسطة M.Elwan

طيب ايه الاسباب الي ادت الي كده لو الموضوع ملوش علاقه بفضيحه الديزل؟
there is no TDI engine option, which was withdrawn from the product offering for obvious reasons

انا مكنتش اعرف اصلا انها تنزل بفتيس عادي لاني اعتمدت علي معلومات اللي حضرتك ذكرتها في مشاركتك السابقه ولم توضح فيها وجود النوع ده خالص
بس شكرا للتوضيح لان ده بيوصلنا للنقطه المهمة اللي بعدنا عنها في المناقشه
احد المواتير اللي حضرتك ذكرت انها مبتنزلش غير بفتيس ٧ نقلات dry واضح انها بينزلها فتيس مختلف في بلدان اخري
هي دي النقطه الاساسيه عندي

السوق الأمريكي علطول مختلف عن أوروبا

يعنى الباسات لما نزلت في 2011 في أمريكا كان بتنزل بموتور 2.5 بقوة 170 حصان وفتيس 6 نقلات عادى تبترونيك

وبعدها بفتره نزل بداله موتور 1.8 تربو 170 حصان بنفس الفتيس العادى ، أمريكا هي الوحيده اللى عندها التوليفه دى لأنها بتقفل العربيه هناك

وطبعا الباسات دى ماينفعش تنزل مصر لعدة أسباب ، أهم سبب انها 1800 ودا أقل موتور هناك مفيش 1400 فالجمارك هاتبقى خرافيه ، ثانيا المصنع فى الغالب مابيصدرش خارج أمريكا او لو صدر ممكن للأسوق المجاوره ، دا غير ان الشكل مختلف

دا الشكل الحالي في أمريكا



ودا الشكل الجديد اللى نازل الفتره الجايه



طبعا مختلف تماما عن الشكل الأوروبى المنتظر ينزل مصر



عشان الأسباب دى كلها ماذكرتش مواصفات الباسات الأمريكي لان ملناش علاقه بيها نهائي ، وكلامى كله كان على الباسات الأوروبى لان هي دى اللى نازله مصر