الموضوع: الار بي ام عالى من غير الضغط على دواسة البنزين

المشاركة الأصلية كتبت بواسطة ahmed tarek 00

انهارده العربية وانا راجع من الشغل عملت معايا حركة أول مرة أشوفها منها بصراحة :
انا دورت وطلعت ومشيت ومشيت وبعدين كان فيه شارع زحمة اقصي حاجة فيه تقريبا تمشي على 20 ... المهم انا كنت جايب التانى ويدوب مشعر بنزين كان عداد السرعة قاري على 20 لكن عداد الار بي ام كان على 3.2 وده اللى انا استغربته جدااااااااا وموش فاهم تفسير ليه لحد دلوقتى .. ولما كنت بشيل رجلي من على الدبرياج سنة سنة الاقى العربية كأنها واخدة سرعة وعاوزة تجري كأنى موش على التانى ...
الموضوع ده استمر معايا 5 دقايق وبعد كده الحمد لله الار بي ام بقى على 9 أو 10
ياريت تفيديونى بخبراتكم عشان دمي محروق والله بسبب ان اول مرة العربية تعمل الحركة دى معايا .

احيانا السلك بتاع البنزين بيبقي لازق مش بيرجع مع الدواسه يعني في وسط الزحمه ممكن يعلق منك وتلاقي الار بي ام عالي ، كل ال هتعمله هو انك تزيت الواير بحيث الدواسة تبقي خفيفيه ويرد تاني مكانه بسرعة

ده ال بيحصل معايا قبل كده في رينو لوجان مش عارف بقي ممكن يكون عند سبب تاني ولا لاء

تحياتي