اية الافضل القانون القديم ولا التقسيط

**the one15** · 07-11-2015 09:31 PM

انا بفكر في شراء شقة حاليا بس الماديات مش مظبطة قوي المهم
وانا في خضم البحث بقيت محتار ما بين القانون القديم او التلليمك اوالتمويل العقاري
من وجة نظركم
اية الافضل لشخص عازب في بداية حياتة مبلغ 50 الف
القانون القديم بايجار مثالا حتي 400 ج
ولا تمليك بالتقسيط
ولا الشقق اللي في المدن الجديدة لسة علي الورق
ولا التمويل العقاري

وانا شخصيا مفضل القانون القديم بس هل العقد اللي هو 59 سنة
دة بيضمن حقوقي
والمبلغ اللي بيدفع في الاول 50 ال علي سبيل المثال دة هاستفاد منة او هيرجع تاني او هيتخم من الايجار
ولا كلة رايح ولا كلة رايح انا عايز افهم الفرق بين خلو الرجل وبين المقدم دة
شكرا جزيلا

**midoabdeen** · 07-11-2015 10:35 PM

يا راجل مافيش مقارنة
انت محتار بين شقة بتدفع فيها ايجار 59 سنة وفي الاخر مش بتاعتك
وشقة تانية هتقعدل 5-10 سنين بتدفع في اقساط ليها وفي الاخر بتاعتك
اكيد طبعا التمليك تمن الشقة بيزيد لصالحك و فترة وتعدي وتبقي الشقة ملكك
وربنا يوفقك

**egyption2012** · 07-11-2015 11:20 PM

تمليك طبعا
الإيجار قديم يعتبر إيجار مهما كان شكله وعرضة لأي تغيير قانوني
أو المالك يتلاعب ويطرد المستأجر من الشقة

**A7medelfe2y** · 08-11-2015 12:50 AM

مفيش استقرار في القانون القديم خصوصا ان البلد في حاله اضطراب
اضغط علي نفسك وخد اي شقه قسط واعتبرها جمعيه بتحوش فيها وبتزيد معل الوقت

**pepo2011** · 08-11-2015 09:18 AM

طبعا التمليك
سواء قسط او تمويل عقاري واهو استثمار في حاجة ملكك

**the one15** · 09-11-2015 02:02 PM

المشكلة التمليك غالي قوي والقسط مرتفع
اا بدور علي حاجة في حدود 150 الف
واقدر ادفع قسط 800 ج في الشهر
اللي شفتة بالمبلغ دة بيكون في العشرين ومناطق عشوائية قوي
كمان في حاحة اسمها ممارسة او عقد ممارسة ياتري دة معناة اية