الموضوع: تغيير عفشة السيراتو كوبيه 2013

انت الانواع الى انت كاتبها دى مش هتلاقيها هنا غير d2 ممكن تجيب طقم كويل اوفر منها هيعمل حوالى 6000 -7000 جنيه واظن انه هيقوم بالواجب عايز اكتر ممكن تجيب طقم شدادات للبار امامى وخلفى وفى حاجات كتير عايز تزود كمان هتروح بقى للمقصات و.......... شوف انت عايز وحدد فلوس وعلى اساس الفلوس شوف هتجيب ايه

شكرا اسلام على ردك ,,,,

بص انا عارف انهم مش موجودين هنا في مصر وانا كنت بقول عايز اجبهم من بره بس مش دي المشكلة ،

المشكلة اني لما عملت سيرش و قريت عنهم لقيت ان معظم الي جربوهم مبسوطين منهم باستثناء حجات بسيطه .... الفكره انهم بقيسو على شوارعهم هما وانا همشي على شوارعنا احنا الي هيا مختلفة عن اي شوارع في الدنيا ، وانا مش عايز اركبهم عشان اعد اتنطط و خلاص ... انا عايز اظبط استبيليتي العربيه.

خصوصان انها عربيه جميلة بس عفشتها على الرغم انها سبور الا انها مش ثابته و كمان انا مركب جنط 17 9 انش ورا و قدام و الكوتش بيحك في الرفرف لانو خارج منو بتاع 0.5 انش ، قلت بدل مركب صدادات اغير عفشه مره واحده و تظبطلي كل حاجه ...

انت ايه رأيك في الكلام دا و تنصحني بايه ؟!

بص انت ممكن تركب زى قولتلك قبل كده كويل اوفر وجيب ماركة d2 او ايباخ اوكونى ومش لازم اوى كويل اوفر ممكن مساعدين وسوست رياضية وهيبقى اوفر كفلوس والماركات دى بالذات الاكتر انتشار فى مصر وهتعرف تلاقيهم بسهوله لعربيتك وممكن برضه تجيب شداد حوض امامى ولو تعرف تكمل باقى الكيت وبالنسبة للحك ورة ممكن تركب كامبر او تتنى ششف الرفارف لبره صدقنى فى حاجات كتير اوى ممكن تعملها الفكرة بس فى الفلوس الى عايز تصرفها علشان على اساسها تشوف تجيب ايه بس

تمام ,,, انا فكرت في معظم الحجات دي

يعني الكامبر مثلا مجربتوش بس عرفت انو بياكل في الكوتش في حته عن التانية و بتعكسهم كل فتره
بس الفكره نفسها ان الفرده مشيا معووجه مش مرتاحلها و لو عند معلومات زياده عنها يريت تفيدني...

و الشدادات دورت عليها ملقتلهاش خالص لا حوض قدام ولا مساعدين ورا ولا اي حاجه هنا في مصر !

و بالنسبه للمصاريف طلاما حاجه هتحقق الغرض منها والي انا عاوز اوصلو يبقى فداها ...

طيب ايه أنواع المساعدين بسوستها (مش كويل اوفر ) الي انت قصدك عليهم ؟؟؟
يعني اديني أنواع ادور عليهم

آسف للاطاله و شكرا جدا لاهتمامك :) ,,,,

بص ممكن تجيب السوست والمساعدين المعتادين والمعروفين فى مصر الى هما كونى وهيبقى سعر طقم المساعدين بالسوست رينج 3800 جنيه مثلا والشدادات ممكن تجيب ماركة ultra racing هتلاقيها موجوده عند عادل وجدى وممكن ناس تانية برضه والسوست والمساعدين برضه هتلاقيهم فى كذا مكان وممكن تكتب سيرش على facebook تكتب Koni Egypt دول اظن وكيل الكونى وانا بقولك كونى بالذات لانها اكتر حاجة معروفة فى مصر او ناس كتير بيستخدموها بالنسبة للكامبر انا برضه مش بحبه لانى مش عملى هو حلو لشو كار مش اكتر بس هو حل علشان الشفة كبيرة او ممكن تتنى شفف الرفرف بقى
ولو مش عاجبك الكونى فى ايباخ وفى ابيكس وفى انواع كتييير جدا ومكن على فكرة لو ملقتش حاجة او لقيتها غاليه تعملها اوردر من على النت او اوردر من اى محل كماليات