الموضوع: حرارة الموتور و المؤشر في الشكل الجديد

علامه الحرارة نورت عندي من حوالي يومين .. بعد مشوار صغير حوالي 50 كيلو و كنت ماشي بسرعه .. لما وصلت مشواري فضلت منورة كده حوالي دقيقتن و طفت كان معايا واحد صاحبي قالي شوف الميه لقيت الميه قليله فزودنا ازازة ميه معدنيه صغيره لأني كنت في مكان مافيش فيه اي خدمات و الساعه وصلت 2 باليل كان كل الناس قافله ..
بقالي يومين مافيش حاجة نورت بس مشاويري بسيطه خالص لكن ملاحظ ان مروحه الموتور بتشتغل كتير اوي حتى و انا لسه مدور العربيه .. هل العربيه مش فيها دورة تبريد مغلقه زي السيراتو و لا لازم ازود لها ميه كل شوية ؟
انا غيرت ميه الريداتير في 40 الف كيلو و حاليا انا في 73 الف ... هل ممكن الميه بتاعت الريداتير بتتبخر عادي و لا ده الموديلات القديمه بس ؟ و لو دايرة مغلقه هل ده معناه ان في تسريب في دورة التبريد و لا مجرد حاجة عابرة ؟ بس انا ملاحظ حرارة في العربيه من فترة ناحيه الباب الشمال قدام لما افتحه و انزل بعد مشوار الاقي حرارة زيادة عن الطبيعي

الميه يتشيك عليها كل اسبوع او اتنبن
حتي في الدوره المغلقه بيحصل بخر
ولازم تخلي معاك جركن ميه اقله ٥ لتر
في العربيه وبردك زيت