الموضوع: مقابــلة الوحوش - الجزء الخامس

انا مش حقول اكتر من اللي ناس قالته ......

الوحوووووووش فعلا وحووووووووووش

وحوووووش في كل حاجة والله.....

الحمد لله ان الواحد ربنا كرمة بمعرفة ناس محترمة زيكم...

احنا قعدنا من الساعه 7 ل 12 ومكنتش عايز اروح واسيب الوحوووووش....

اتشرفت بيكم يا وحوووووووووووش .....

الف سلامة يا شاركي انت وطارق ....

تحياتي .....

شاركي باشا الف سلامه على شاركي الصغير وربنا يشفيه ان شاء الله .

استاذ طارق / الف سلامه على اولاد حضرتك وان شاء الله يتم شفاءهم عن قريب ويقوموا بالسلامه ان شاء الله ونتشرف بمعرفة حضرتك المره القادمه.

المشاركة الأصلية كتبت بواسطة Ramy_Tantawi

السلام عليكم ورحمة الله وبركاته.

الحقيقه انا مهما كتبت يا جماعه لأصف مقابلة الأمس كم كانت رائعه وكم كانت دافئه بالرغم من برودة الجو القارصه وقتها الا ان كان في دفئ والله وعزوه.

المهم نبدأ باسم الله ونقول الاسره زادت مين وتشرفت بمين في آخر مقابله مع ان عمرو هايطلع دلوقتي يقوللي يابني بطل رغي دوشتنا ونبرولي فيها هو واستاذ فرحات امبارح فضلوا يقولوا رامي هايروح يكتب على طول .......اديني آخر واحد اه والله اعلم هاكمل كتابه ولا لأ ..

الوحوش بترتيب سلامي عليهم .

سيادة العقيد خالد / راجل بجد قمه في الاحترام والذوق والحقيقه الكلام معاه متعه بجد لا تنتهي حالفني الحظ ان اول المقابله اكون بجانب حضرته ووجود هاني ومحمد عادل بجانبي فاكان الحديث ليه متعة خبرات الاخ الاكبر بحديثه معي انا ومحمد عادل وهاني .......ومع ذلك كان الحديث طرفين اقصد انه استمع مننا وكان متقبل جداً لخبراتنا حتى وان كانت متواضعه . بجد حضرتك اضافه للوحوش والاسره وعلى الجانب الشخصي اضافه لي انا كمان وشرفتنا .

بعد كده دخل علينا خير اللهم اجعله خير راجل كده معاه استرا انجوي......انا حسيت من الدخله ان في حاجه غلط لانه داخل يقول بعد سلام عليكم طبعاً ( هو فين الراجل بتاع الفيرنا اللي جاي انهارده ؟ ) فاحنا مافهمناش هو في ايه ومين بيودي على فين ........على فكره انا باهزر ياعم مصطفى واوعى تزعل ..........مصطفى بجد شخصيه محترمه جداً وقمه في تقبل الآخر ومبهج جداً وتاخد عليه على طول لدرجة ان اول كلام بيننا كان هزار....كمان شجعني بجد اتعرف على عصابة الاوبل فا ان شاء الله هانشوف الموضوع ده بس طبعاً ده بعد ما امضيهم تعهد انهم يطلعوني سليم زي ما مصطفى طلع سليم . شرفتنا يا مصطفى باشا وربنا يكرمك .

الاستاذ محمد فرحات / مش عارف هاقول عليه ايه استاذ فرحات اصله شعبيته كانت بين الوحوش جامده من فتره كبيره فالراجل جاي بيعرف نفسه على انه عادي كده انما انا على الاقل وانا باسلم وبيقولي محمد فرحات قلت اييييييييييه من كتر ما كان نفسي اتعرف عليه بجد حسيت اني مش ممكن اشوفه مش عارف ليه ........هو شخص محترم جداً وكلامه موجه دائما لجهه واحده فقط ومصوب بدقه ......في الدقائق الفنيه تشعر من الوهله الاولى انه صح بدون حتى تكرار السؤال او محاولة الاستزاده من علمه ومعرفته فا بمجرد اجابته على ما تسأل تشعر باطمئنان وسكينه وراحة بال.........شرفت اسرتك يا استاذ فرحات وادام الله علينا نعمة الود والوفاق والالفه بين الوحوش آمين.


استاذ تامر سامي واستاذ عمرو عبد الخالق للأسف لم اتشرف بالحديث معهما على انفراد ادعوا الله ان اتشرف بكده الزياره الجايه ان شاء الله ويا رب تكون التجربه حلوه بالنسبه لحضراتكم وتكرروها تاني ان شاء الله


بجد المقابله كانت اجمل ما يكون واثرى ما يكون شرفتونا يا وحوش ويا رب تفضل الروح الطيبه دي بيننا على طول.

طبعاً عشان عمرو باشا مايطلعش ويقول كنبة الميجان مريحه انا اتكلمت عن الوحوش الجدد فقط لكن اود التنويه برضه ان اللي في القلب في القلب احمد عبدالمقصود , عمرو عماره , ايموووون , محمد مصطفى , استاذ احمد علي , هاني , محمد عادل مش هاتكلم لسه عنهم اكيد هم عارفين انا باعزهم قد ايه .

شكراً يا وحوووووووووووووووش وفي انتظار المزيد دائما من مقابلات وتعارف ان شاء الله .

يا رب ماكونش ممل واعذروني الكلام اللي بيحصل ده اصله لازم يوثق ويكتب عنه عشان احنا بنبني تاريخ مش اي حاجه .........ايوننننن امال الصور دي والكلام ده ان شاء الله يقراه ولادنا وولاد ولادنا بعد 30 سنه ولا حاجه ويقولوا ياااااااااه جدوا رامي كانو عندوا عربيه رينو ميجان !!!! الواحد كان فاكر ان رينو بتصنع طيارات كومباكت بس ده طلعوا قدام اوي...........

بالمناسبه صحيح هو بعد 50-60 سنه الطيارات الاوربي هاتكون احسن وليها اعتماديه ولا الطيارات الياباني ؟ وياترى الميجان الجيل العاشر منها افضل ولا قطع غيارها غاليه ؟ ايه اللي باقوله ده !!!!!!!!!!!!!!!!

سلام عليكم

على فكرة الكلام اللي حضرتك كاتبو كئنك قرأت اللي في دماغي بالظبط، أنا كنت بسأل على اللي معاها الفيرنا عشان مضربشي لوحدي، بس الحمد لله طلعت ساليم.
إن شاء الله المرة اللي جاية أكيد حكون معاكو لأن بصراحة الجروب دة مش ممكن تفوت أي خروجه معاهم.
الصور جامدة جداً، بس طبعاً الصور اللي أنا طالع فيها أجمد صور، نجم والله يا تيفا.