Mbrooook
رقم العضوية : 180829
تاريخ التسجيل : 26Oct2015
المشاركات : 3
النوع : ذكر
الاقامة : القاهرة
السيارة: لا يوجد
السيارة[2]: اوبترا
الحالة :
سلام عليكم يا شباب، عندي عربية شيفرولية بليزر موديل 79 محتاجة تغيير موتور، و كنت بافكر بدل ما اجيب الموتور بتاعها، اجيبلها موتور تويوتا r22 .. الموتور دا بيركب على التويوتا كوستر القديم 26 راكب. الموتور دا 2500 سي سي و بالتالي هيبقى موفر في البنزين عن موتورها الأصلي ال 8 سلندر أو حتى ال 6 سلندر. و أعتقد انه طالما قادر يشد الكوستر ال 26 راكب يبقى غالباُ هيقدر يشد البليزر و يبقى عزمه معقول حتى لو التسارع مش قد كدا. طبعاً في الحالة دي هاجيب الموتور بالفتيس بتاعه (و أتمنى ألاقي واحد اوتوماتيك وفيه فتيس غرز)
ايه رأيكم في الفكرة ؟ هل حد جرب أو يعرف حد جرب الفكرة دي قبل كدا؟
أنا سألت ميكانيكي قالي هتحتاج تعدل في الكوارين بس مش فاهم هو يقصد تعديل و لا تغيير الكوارين بالكامل؟ و في حالة تغيير الكوارين هل هاضطر اغير حاجة تانية معاهم؟
اتمنى اسمع آراءكم
رقم العضوية : 63828
تاريخ التسجيل : 01Mar2010
المشاركات : 2,083
النوع : ذكر
الاقامة : القاهرة
السيارة: لانسر بومة 2008
السيارة[2]: بليزر k5 1980
دراجة بخارية: no
الحالة :
Mbrooook
رقم العضوية : 63828
تاريخ التسجيل : 01Mar2010
المشاركات : 2,083
النوع : ذكر
الاقامة : القاهرة
السيارة: لانسر بومة 2008
السيارة[2]: بليزر k5 1980
دراجة بخارية: no
الحالة :
اهلا و سهلا بحضرتك ....
على حسب معلوماتى .... موتور الكوستر التسعينات ... نفس موتور اللاند كروزر التعلبة .. و ده تمنه كان 30 الف جنيه .. و ده 6 سلندر ديزل
صعب شوية انك تلاقى موتور بفتيس عادى و كمان فتيس الغرز ... على العموم .. دور و ربنا يوفقك فى حاجة كويسة
فيه مواضيع هنا فى المنتدى كان عملها زميلنا .. مينا .. و جربها بالفعل فى عربية رانجلر .. و فى عربية بليزر .. انا شفت العربية الرانجلر .. و كانت كويسة جدا ... و هو قال ان الموتور الى اتسقط فى البليزر كان nqr على ما اذكر و كان ممشى العربية كويس
الموتور الديزل وزنه اثقل من البنزين ... فحضرتك حتحتاج تزود ورق السوست الامامية ... او تجيب سوست كاملة بتاعة عربية ديزل ... و دى مش مشكلة .. و بالطبع حتشترى الموتور بالضفيرة بتاعته .. و ياريت العدادات كمان ...
تانك الوقود فى البليزر تقريبا 120 لتر .... مش حتحتاج تغيره
حتحتاج تبص على الردياتير .. احتمال تضطر تجيب واحد اكبر ...... و ده ازاى ما كنتش حتجيب الموتور بالردياتير بتاعه
حتحتاج تعدل شوية فى الشكمان و دى مش مشكلة كبيرة
الكارونة حتحتاج تتعدل ... و انا لا اعتقد ان الكورونة ممكن تتعدل بتغير مجموعة التروس فقط ....... و اعتقد انك حتحتاج كورونة بالدفرانس كاملة ... و لو جبت الموتور بفتيش الغرز ... حتحتاج كارونة و اكس امامى كمان
متابع معاك و فى انتظار اراء خبراء المنتدى
و عاوزين نتفرج على العربية :) ... ياريت حضرتك ترفع صور ليها
رقم العضوية : 180829
تاريخ التسجيل : 26Oct2015
المشاركات : 3
النوع : ذكر
الاقامة : القاهرة
السيارة: لا يوجد
السيارة[2]: اوبترا
الحالة :
الله يبارك فيك يا باشا، هاحاول ارفع صور في اقرب وقت ممكن ان شاء الله.
بس على فكرة الموتور اللي باتكلم عليه دا مش ديزل .. دا موتور بنزين. تقريباً انت تقصد الموتور ال 1HD .. دا اللي بيركب في الكوستر التسعينات، لكن اللي انا اقصده بيركب في الكوستر التمانينات، و اسمه 22R.
شكراً انك لفت نظري للضفيرة و العدادات و الردياتير. على فكرة انا قريت الموضوعين بتوع مينا بتوع البليزر و الرانجلر .. حلوين جداً و مليانين معلومات لكن الاتنين كانوا مواتير ديزل و المواتير دي غالية جداً حالياً، (25 الف و طالع)
اللي فهمته من كلامك انه في الحالة دي ممكن احتاج اغير الكوارين بالكامل واكسات العجل هل في الحالة دي هاجيب بتوع الكوستر نفسه؟
سؤال كمان، هوا الدفرانس دا هوا نفسه ال Differential ؟ و دا بيبقى جوا الكارونة و لا جزء لوحده؟
رقم العضوية : 63828
تاريخ التسجيل : 01Mar2010
المشاركات : 2,083
النوع : ذكر
الاقامة : القاهرة
السيارة: لانسر بومة 2008
السيارة[2]: بليزر k5 1980
دراجة بخارية: no
الحالة :
معلش ... فاتت عليا دى .... انا سمعت كلام كتير عن ال r12 و ال r22 ... و الناس كانت بتشكر فيهم جدا ... و بالفعل دى مواتير بنزين
انا كنت فاكر ان ال r22 ده ديزل ... عذرا
المواتير الديزل عزمها اكبر و عمرها اطول و اعطالها قليلة .... و فيها توفير فى ثمن الوقود ... علشان كدة الناس بتحب تغير المواتير البنزين لديزل
انما لو حضرتك حتغير من بنزين لبنزين ...... لازم تعلى بالموتور ... مش تنزل .. يعنى تجيب موتور زى موتور البليزر ... و احدث منه مثلا ... او تنزل حاجة بسيطة .. و تستفيد من فرق التكنولوجيا
التغيير ده مسمعتش ان حد عمله قبل كدة ... فحضرتك حتكون من الرواد لو قمت بتنفيذه المشكلة فى تغيير المواتير .... مش فى تقويم العربية فقط ... المشكلة بتظهر من قدرة الموتور ده على تلبية احتياجات العربية بصفة مستمرة ....
يعنى مش مهم ان الموتور بيكون بيمشى العربية .... المهم انه يفضل ممشيها على طول و متظهرش فيه اعطال غريبة
الميكانيكية بيطلقوا على الاكس الخلفى .. ديفرانس .... بما فى ذلك الكارونة و الاكسات الداخلية
و فى حالة تغيير الموتور باخر مختلف فى القدرة ... يفضل تغيير الكارونة ... و نظرا انك مش حتلاقى كوارين تركب على بعض بسهولة ... فممكن تجيب الاكس الخلفى كله
انا عاوز اقول لحضرتك ... ان فيه ناس بتسيب الكارونة القديمة زى ما هى .. و بتحتاج تعدل شوية فى الكردان .. و ان كنت شايف ان ده مش صح
و بكدة انت مش حتحتاج تغير الردياتير
على فكرة ... لو حبيت تبيع الموتور القديم ... انا ممكن اشتريه منك
العربية عاملة معاك ايه ؟؟ الموتور حالته ايه ؟؟ فتيس الغرز شغال و لا لأ ... اخبار الزجاج الخلفى ايه ؟ فيه تسريب زيت من الكوارين و لا من الفتايس ؟
رقم العضوية : 24371
تاريخ التسجيل : 07Nov2008
المشاركات : 6,251
النوع : ذكر
الاقامة : القاهرة
السيارة: لايوجد
السيارة[2]: لايوجد
دراجة بخارية: لا يوجد
الحالة :
حل فعال هيكون افضل ان الموتور يركب بفتيسه لو امكن وليس من الضرورى تغيير الكارونة فى الحالة ديه طيب ليه مفكرتش تركب موتور بركنز ديزل 6 سلندر او مرسيدس 5 سليندر ديزل على نفس الفتيس والكارونة بتوع العربية لو سعر موتور بنزين مع تعديل كارونة او فتيس قريب من سعر موتور ديزل لوحده يبقى تركب ديزل انا معرفش اسعار الحقيقة
لكن اساءل على بركنز ومرسيدس ديزل فى بور سعيد
طبعا عمرهم طويل جداااااااااا لو الطلمبة مظبوطة وعزم شديد ممكن يقطم عمود خرسانة لو شديته بالعربية
وكمان لو فتيس غرز بتاعك شغال هيبقى يطلع العربية من اى موقف طوارءى
رقم العضوية : 180829
تاريخ التسجيل : 26Oct2015
المشاركات : 3
النوع : ذكر
الاقامة : القاهرة
السيارة: لا يوجد
السيارة[2]: اوبترا
الحالة :
صحيح، المواتير الديزل عمرها أطول و استهلاك وقود اٌقل، بس لو استعملت بنزين 80 هيكون أوفر، لأنه حالياً أرخص من السولار أو أحياناً زيه.
أنا حسبتها بالظبط لقيت اني لو اشتريت موتور ديزل أغلى حوالي 16000 جنيه من موتور البنزين و باعتبار صفيحة السولار بتعمل 200 كم و صفيحة البنزين هتعمل 90 كم و باعتبار لتر السولار ب 180 قرش و لتر البنزين80 ب 160 قرش لقيت اني هاوصل لتمن موتور الديزل بعد حوالي 90,000 كم و دي حاجة مش وحشة.
زائد ان موتور البنزين أشيك و أسهل تلاقيه بفتيس اوتوماتيك و دي حاجة ضرورية بالنسبة لي لأن سواقة المانيوال جحيم في أم الدنيا.
متفق معاك تماما اني طالما هاغير من بنزين لبنزين يبقى المفروض يا إما أعلى بالموتور يا إما انزل حاجة بسيطة و استفيد بفرق التكنولوجيا، عندك اقتراحات لمواتير كويسة في الإطار دا؟
الجزء المغري في التغيير اللي باقول عليه انه هيفرق جامد في استهلاك البنزين بس المخاطرة انه ما يقدرش يلبي احتياجات العربية على المدى الطويل زي ما انت قلت. بس اعتقد انه لو ركب بالفتيس و الكوارين بتاعته هيدي نفس القدرة اللي بتشد الكوستر اللي هوا اتقل حتى من البليزر.
الموتور القديم مش متأكد هوا بتاع ايه، صاحب العربية الأولاني كمان مش عارف :) بس هوا موتور 3500سي سي، 6 سلندر .. اعتقد دا بتاع العربية الهايلوكس 4*4 اللي بيقولوا عليها مارادونا تقريباً.
بس هو تقريباً منتهي .. بيدخن و أحياناً بيفصل خالص.
فتيس الغرز مش شغال بس الكارونة الأمامية موجودة، و الحمد لله مافيش تسريب زيت حتى الآن من الفتايس أو الكوارين، الزجاج الخلفي لسه ماجربتوش :)
رقم العضوية : 24371
تاريخ التسجيل : 07Nov2008
المشاركات : 6,251
النوع : ذكر
الاقامة : القاهرة
السيارة: لايوجد
السيارة[2]: لايوجد
دراجة بخارية: لا يوجد
الحالة :
صعب لكن ليس مستحيل تلاقى فتيس اوتوماتيك يركب ويظل فتيس الغرز شغال الا لو هتستغنى عنه
Datsun/Nissan L28 motor. ,وكان فيه عليه فتيسات اوتوماتيك وكان فيه منه كربراتير وفي منه انجكشن
Here is a longer 3N71B from a 620 truck, note the longer tail stock:
Nissan Motor Company, and its spinoff, Jatco, have produced a large number of automatic transmissions for many auto makers. The Jatco 3N71B transmission was the first automatic transmission from Nissan Motor Company. It was an introduced in '72 as a conventional alternative to the then-ubiquitous and popular Borg-Warner Type 35. It was designed for use with rear wheel drive vehicles with longitudinal engines. Beginning in 1982, it gained a locking torque converter (L3N71B) for greater efficiency, and gained an overdrive 4th gear in 1983 (L4N71B), culminating with preliminary electronic sensors and control functions being added in 1985 (E4N71b).
Some sources claim the L means (L)ight duty and E is for medium duty.
رقم العضوية : 147115
تاريخ التسجيل : 10Aug2013
المشاركات : 4,610
النوع : ذكر
الاقامة : توفي الي رحمة الله ايهاب يوم 7 مارس ارجو الدعاء له
السيارة: mitsubishi Van ,Cherokee
السيارة[2]: suzuki , lancer 89,charade
الحالة :
http://www.nilemotors.net/Nile/455933-a.html
http://www.nilemotors.net/Nile/455752-2.html
http://www.nilemotors.net/Nile/454825-a.html
رقم العضوية : 24371
تاريخ التسجيل : 07Nov2008
المشاركات : 6,251
النوع : ذكر
الاقامة : القاهرة
السيارة: لايوجد
السيارة[2]: لايوجد
دراجة بخارية: لا يوجد
الحالة :
المفروض ان شالت ديترويت تشيل اي حاجه وكامينز كمان
STL Diesel Presents: 1988 Chevy K5 Blazer 12v Cummins Swap
https://www.youtube.com/watch?v=9Kcjr3WApX0
https://www.youtube.com/watch?v=HYEFdc7suT4
وكامينز كمان
المفضلات