السيارات اليابانية.. مازالت السيارات التي يعتمد عليها

**borio1704** · 02-12-2015 08:45 PM

لا خلاف على ذلك... فالسيارات اليابانية تثبت أنها دائما السيارات التي يعتمد عليها..

ولكننا الآن نتكلم عن الإحصائيات والدراسات .. ولا مجال هنا للعاطفة والآراء الشخصية..

مجلة كونسيومر ريبورتس أو "تقارير المستهلكين" الأمريكية المتخصصة في شؤون السلع .. أصدرت تقريرها السنوي عن اعتمادية السيارات المتوقعة قي عام 2015 بناء على المشاكل التي تم التبليغ عنها خلال السنوات السابقة.. ومنها أمكن الخروج بنتيجة تبين أن السيارات اليابانية تتربع على عرش السيارات الخالية من المشاكل..

في الصورة أدناه.. جدول يبين ترتيب أهم ماركات السيارات في أمريكا من حيث الاعتمادية... وبه بعض المفاجآت المحبطة لمحبي السيارات الأوروبية..

للمزيد من التفاصيل.. يرجى الدخول على المقال الأصلي..

Fiat-Chrysler Brands Last In Consumer Reports Auto Reliability Survey

...

**Fawzy.Abdelnour** · 03-12-2015 09:44 AM

الcla جابت مرسيدس الارض في امريكا, ومن الاسباب الرئيسيه لهبوط مرسيدس 11 مركز السنه دي.
بالنسبه لميتسوبيشي, مبيعاتها ضعيفه جدا هناك.

**borio1704** · 03-12-2015 01:02 PM

المشاركة الأصلية كتبت بواسطة mankindforce

الcla جابت مرسيدس الارض في امريكا, ومن الاسباب الرئيسيه لهبوط مرسيدس 11 مركز السنه دي.
بالنسبه لميتسوبيشي, مبيعاتها ضعيفه جدا هناك.

اتفق مع حضرتك إن الـCLA عاملة مشكلة... خصوصا في موضوع الـHandling لإنها اندفاع أمامي (على كبالن).. والناس اللي متعودة تسوق مرسيدس مش متعودة على سلبيات الاندفاع الأمامي.

ومع ذلك ... فالتقييم العام لمرسيدس ما زال قليل لإن أفضل سياراتهم لسة تقييمها بردو في بداية ما فوق المتوسط (بداية اللون البمبي في الجدول)..

ده غير الفرق الكبير بين أحسن عربية وأقل عربية... وده في حد ذاته يعتبر مشكلة في الجودة عموما.. لإن أحد مؤشرات الجودة هي الثبات في الأداء... حتى ولو كانت مش ذات مستوى عالي جدا..

وده ينطبق في الجدول على سيارات فولفو وبويك ... كل سياراتهم في مدى صغير جدا... يعني حضرتك هتشتري العربية من الماركة دي وعارف مدى اعتماديتها بالضبط... مش موديل كويس وموديل وحش.

في المقابل.. أنا شايف نيسان وإنفنتي من أسوأ السيارات (يمكن بقت سيئة جدا بعد سيطرة الفرنسيين عليها).. لتتنوع الكبير في مستوى الاعتمادية .. اللي هي أصلا سيئة.

بالنسبة لمتسوبيشي... فأنا بصراحة متوقع إنها تقفل أو تتباع قريب.... لإنهم ما بيعملوش أي عربية سيدان غير اللانسر... والموديل نفسه قدم قوي وبقى أقل من المنافسين بفرق واضح..

هما كويسين جدا في العربيات الـSUV's والعربيات الصغيرة ... بس متهيألي الوضع هينتهي بيهم إنهم يبقوا زي إيسوزو مثلا.. أو دايهاتسو.

...

**No Comment** · 03-12-2015 03:16 PM

إن فاتك اليابانى مش هيرجع تانى :)
رغم عشقى للأوروبى وخصوصاً الألمانى ... لكن أفضل أمتلاك اليابانى لآعتماديته
وده عن تجربة
وبعتبر ان العربيات اليابانى عربيات عملية و إن العربيات الأوروبى عربيات مزاج
عملية بمعنى بتقوم بالدور المطلوب منها ... وما بتوقفشى صاحبها كل شوية على مشاكل
وبمزاج بمعنى انها بتهتم بمزاج وراحة السائق بشكل عام ... وفى نفس الوقت مزاجنجية فى مشاكلها :)

**borio1704** · 03-12-2015 06:13 PM

المشاركة الأصلية كتبت بواسطة Mecha

اعتقد مشكلة نيسان في مصانعها الكتيره هي localization
زي مشاكل فرامل موديلات الهند ، وحصل وضع شبيه منذ اعوام
لتيوتا بكندا.
المتسوبيشي شركه ابداعيه ، في ww2 صنعوا طاءرات
وليس ببعيد تصنيع معدات ثقيله واوناش شوكه ومولدات ومحركات ديزل ممتازه
حتي Caterpillar بجلالة قدرها استعانت بيهم
دا غير بروتون وكيا وهونداي والصيني اتعلموا منها
ابداعهم في مكونات السيارات واضح ، مرشات ودينموات وتربو وريليهات
موجود في سيارات المنافسين.
لكن ليه حضرتك ذكرت ايسوزو، دول مكتسحين في الشاحنات فءاتهم
وبردك البيك اب ، دا غير المحركات في الات كتير لهيتاشي والمولدات
هما بعدوا عن محركات البنزين لكن كل ماهو ديزل موجودين بقوه

تحياتي

بصراحة.. أنا شايف مشكلة نيسان فعلا في إدارتها الفرنسية... مع إنهم قوموا الشركة بعد ما كانت واقعة... بس قبل كده كانت مشكلة نيسان إن عربياتهم كان دمها تقيل فعلا... والناس بعدت عنهم للسبب ده

الفرنساويين أنا اشتغلت معاهم قبل كده... اتخاذ القرار عنهم بطييييييييييييييييييييييي يييييييْ... ومتابعتهم للشغل ضعيييييييييييفة.

والمشكلة إن الأوروبيين عموما بيجازفوا بنزول اختراعات من غير ما يتأكدوا تماما إنها مش هتعمل مشاكل.. ويبدو إن الكلام ده بدأ يظهر في نيسان.

بالنسبة لميتسوبيشي.. فزي ما حضرتك عارف إن ميتسوبيشي ما هياش مجرد شركة لإنتاج السيارات...

متسوبيشي عبارة عن شركة قابضة تحتها عدة شركات كبرى متخصصة في كذا مجال..

أكيد حضرتك سمعت عن متسوبيشي إلكتريك Mitsubishi Electric
أو ميتسوبيشي هيفي إندستريز Mitsubishi Heavy Industries
وأشهرهم بالنسبالنا هي ميتسوبيشي موتورز Mitsubishi Motors

اليابان وكوريا الجنوبية عندهم من الشركات دي كتير... منها على سبيل المثال:

مجموعة فوجي
مجموعة سوميتومو
مجموعة هيونديه
مجموعة سامسونج
مجموعة دايوو

كل مجموعة من دول عندها شركات كبرى في تخصصات كتير.. حتى في العقارات

أنا كنت بتكلم عموما عن ميتسوبيشي موتورز.. اللي اتوقعلها إنها تتخصص في نوع معين من السيارات زي إيسوزو.. أو تتباع كلها أو حصة منها زي ما حصل مع سوبارو ودايهاتسو.

ومفيش كلام طبعا عن كون ميتسوبيشي شركة ليها دور في وجود شركات كبرى دلوقتي... ده كفاية إن تكنولوجيا هيونديه كانت معتمدة عليهم لحد وقت قريب.. وما زال الفكر الياباني بتاع ميتسوبيشي هو اللي واضح في هندسة هيونديه عموما.

دي وصلة لقائمة الشركات الكبرى في اليابان:
https://en.wikipedia.org/wiki/List_o...anies_of_Japan

ودي زيها في كوريا الجنوبية
https://en.wikipedia.org/wiki/List_o...of_South_Korea

...

**Fawzy.Abdelnour** · 04-12-2015 08:42 AM

المشاركة الأصلية كتبت بواسطة borio1704

اتفق مع حضرتك إن الـcla عاملة مشكلة... خصوصا في موضوع الـhandling لإنها اندفاع أمامي (على كبالن).. والناس اللي متعودة تسوق مرسيدس مش متعودة على سلبيات الاندفاع الأمامي.

ومع ذلك ... فالتقييم العام لمرسيدس ما زال قليل لإن أفضل سياراتهم لسة تقييمها بردو في بداية ما فوق المتوسط (بداية اللون البمبي في الجدول)..

ده غير الفرق الكبير بين أحسن عربية وأقل عربية... وده في حد ذاته يعتبر مشكلة في الجودة عموما.. لإن أحد مؤشرات الجودة هي الثبات في الأداء... حتى ولو كانت مش ذات مستوى عالي جدا..

وده ينطبق في الجدول على سيارات فولفو وبويك ... كل سياراتهم في مدى صغير جدا... يعني حضرتك هتشتري العربية من الماركة دي وعارف مدى اعتماديتها بالضبط... مش موديل كويس وموديل وحش.

في المقابل.. أنا شايف نيسان وإنفنتي من أسوأ السيارات (يمكن بقت سيئة جدا بعد سيطرة الفرنسيين عليها).. لتتنوع الكبير في مستوى الاعتمادية .. اللي هي أصلا سيئة.

بالنسبة لمتسوبيشي... فأنا بصراحة متوقع إنها تقفل أو تتباع قريب.... لإنهم ما بيعملوش أي عربية سيدان غير اللانسر... والموديل نفسه قدم قوي وبقى أقل من المنافسين بفرق واضح..

هما كويسين جدا في العربيات الـsuv's والعربيات الصغيرة ... بس متهيألي الوضع هينتهي بيهم إنهم يبقوا زي إيسوزو مثلا.. أو دايهاتسو.

...

ماهو التقييم بينزل علي كل الموديلات, يعني الcla جابته الارض.
للو كل موديل له تقييم لوحده هتلاقي مثلا ال glk تقييمها عالي.
لكن بدون جدال الياباني اعتماديه اكتر, و عن تجربه.

نيسان وإنفنتي شركه واحده, و الفرنساويين دول ابخل ناس, مش هتاخد منهم حاجه عدله.
مستوي الشركه زمان كان احسن, و بردو مش قد كده.
اللي معليها في امريكا: التيما و ماكسيما و ارمادا و باث فايندر.

ميتسوبيشي موتورز عندهم مشكله صغيره, انها عربيه عمليه جدا, و الكماليات فيها قليله.
ده بيخلي المشتري يدور علي الهوندا او التويوتا, رغم ان اعتمادية ميتسوبيشي اعلي.
و هناك بيدور علي العربيات الكبيره, يعني اللانسر بالنسبالهم ماتنفعش, هيروح يشوف الجالانت و يقارنها بالماكسيما و الكامري و الاكورد و المازدا 6.
تقفل دي صعب قوي, ميتسوبيشي مجموعة شركات ضخمه و قطاع السيارات انتاجه قليل لكن بيحقق ارباح كويسه.

-

الموضوع: السيارات اليابانية.. مازالت السيارات التي يعتمد عليها

LinkBack

أدوات الموضوع

عرض

السيارات اليابانية.. مازالت السيارات التي يعتمد عليها - انشر الموضوع فى :

-

-

-

-

-

المواضيع المتشابهه

شارك برأيك ، هل تفوقت السيارات الكورية علي السيارات اليابانية؟

قريبا جدا قانون استبدال السيارات الملاكي التي مر عليها 20 عام فقط

السيارات الألمانية فى الصدارة و السيارات اليابانية فى تراجع من حيث الإعتمادية

الكلمات الدلالية لهذا الموضوع

المفضلات

المفضلات

ضوابط المشاركة