حاجه غريبه فى e46 محتاج تفسير

**eslamrace** · 05-12-2015 04:22 PM

عندى حاجه غريبه فى العربيه e46 مو 2001
العربيه شغاله تمام جدا ب من يوم الشتاء الجامد اللى حصل من شهر تقريبا و بعديها لقيت الازاز اللى ورا يمين بمجرد مبفتح السنتر ينزل لوحده وعلشان يترفع لازم اقفل لوك الازاز وافتحه تانى وبعديها يطلع المهم الموضوع حصل مرتين وبعديها بقت تمام وقلت يمكن من الشتاء ولا حاجه
بس امبارح لقيت الموضوع رجع تانى وكنت ماشي بالعربيه لقيت الازاز تزل لوحده ارفعه بعد فتح اللوك يترفع شويه وينزل تانى وبعدين والعربيه ماشيه قى صوت اكن فى باب مفتوح بيظهر كل فتره وده انا مش فاهمه

لو حد عنده تفسير ممكن العيب يكون ايه قبل متروح للكهربائي ويبدأ يفتكس اكون شاكر ليكم
تحياتى .

**pepo2011** · 06-12-2015 09:15 AM

كهربائي
لان دا تهييس كنترول

**م أحمد** · 06-12-2015 10:48 PM

تلامس اسلاك ممكن من رطوبة و انكماش المعادن و ان شاء الله لا يزيد عن تنظيف كارت

**eslamrace** · 07-12-2015 04:28 AM

تمام يا شباب انا ماشي بيها مؤقتا وان شاء الله يوم الثلاثاء اروح للكهربائي يكشف عليها
بس السؤال علشان اكون فاهم وانا عنده الكنترول او الكارتات بتتنظف وتركب ولا فيها حاجه بتتغير ولازم يتكشف عليها بالجهاز ولا الكهربائي بيشتغل علطول فى الموضوع ده
وشكرا ليكم مره تانيه وان شاء الله ابلغكم باللى تم .
تحياتى.

**pepo2011** · 07-12-2015 08:36 AM

المشاركة الأصلية كتبت بواسطة eslamrace

تمام يا شباب انا ماشي بيها مؤقتا وان شاء الله يوم الثلاثاء اروح للكهربائي يكشف عليها
بس السؤال علشان اكون فاهم وانا عنده الكنترول او الكارتات بتتنظف وتركب ولا فيها حاجه بتتغير ولازم يتكشف عليها بالجهاز ولا الكهربائي بيشتغل علطول فى الموضوع ده
وشكرا ليكم مره تانيه وان شاء الله ابلغكم باللى تم .
تحياتى.

طبعا بيتنضف الاول ويجرب
ولو لسة العيب موجود يبقي لازم تغيير

**eslamrace** · 09-12-2015 04:21 AM

طيب انا رحت للكهربائي النهارده ان الازاز ينزل لوحده ابدا ان اى حاجه غريبه تحصل مفيش كشف بالجهاز الحمد لله ملقاش حاجه خليته فك الكارتات ونظفها وركبها تانى بس كنت واقف معاه حتجن علشان عمال يقوللى فين التهييس اللى بيحصل وانا مش عارف ارد عليه قاللى ممكن كانت ميه او رطوبه ونشفت
الحمد لله ماشيه تمام وربنا يستر وتفضل كده .