رقم العضوية : 83154
تاريخ التسجيل : 09Dec2010
المشاركات : 14
النوع : ذكر
الاقامة : egypt
السيارة: nubira
السيارة[2]: leganza
الحالة :
يا عشاق فيات ...انا شفت عربية اسمها فيات دوبلو كلاسيك عجبتنى و عائلية واسعه جدا جدا ... شوفتها فى الطارق اللى فى مول العرب ... و روحت شفتها تانى فى العبور توكيا فيات ...النيل الهندسية ...
دورت عليها لقيتها تقفيل تركى و شغاله فى تركيا و فيديوهات على يوتيوب كثيره ليها فى تركيا و روسيا
موصفاتها
1400 cc نفس موتور البونتو بالظبط 8 صبابات بيولد 77 حصان
انا روحت التوكيل و الراجل قعد يطمننى انها متوفره و قطع غيارها رخيصه مقارنه بس المهم
عندى اكثر من سؤال
حد جرب التوكيل حد يعرف عنه كويس و لا وحش زى اوومترا
هل حد سمع عنه العربيه كويسه و لا وحشه ...اخبار قطع الغيار ايه ..هل حد يعرف حد اشتراها
ارجوكم اى معلومات عشان انا عاوز اشتريها بس متخوف ...النقظه الوحيده اللى مطمناننى تم موتورها نفس البونتو دا بالنسبه للميكانيكا و لكن بالنسبه للصاج مش عارف قطع الغيار حلاقيها و لا لاه ...
فى انتظار الردود بفارغ الصبر ^_^
رقم العضوية : 76188
تاريخ التسجيل : 25Jul2010
المشاركات : 204
النوع : ذكر
الاقامة : كفر الشيخ
السيارة: بيجو 406
السيارة[2]: دايهاتسو ميرا 94
دراجة بخارية: no
الحالة :
لما قريت استفسار حضرتك دورت على صورها
وشفتها على كونتاكت كارز وسعرها
هى فان 7 راكب وب 133 الف جنيه
وشكلها جميل
لكن عمرى ما شفتها ماشية فى الشارع
من رأيى:
ان فيه عربيات كتيرة جدا قوية وجميلة وبأمكانيات مهولة دخلت مصر وخرجت من غير ما يتحققلها النجاح بسبب عدم انتشارها
ده بيخليك لو اشتريتها مجبر طول الوقت للتوكيل (اللى حتى لو كويس): هيفضل خيار وحيد وغالى
ويحصل اعراض الاحتكار: السعر كده والخدمة كده ومفيش بديل.
المشكلة التانية:
سعر اعادة البيع..
العربية الغير منتشرة: رغم انها كويسة بطبيعة الحال اول خمس سنين لكن لازم هيبقى فيها شوية حاجات بتتابع وتتغير بعد كده..ممكن حضرتك ما تتعرضلهاش لكن اللى هيشتريها منك هيتعرضلها بسبب الاستهلاك الطبيعى وانتهاء العمر الافتراضى لبعض القطع..
ده اللى بييجى فى دماغ اللى هيشترى منك
هيشترى ليه هو ساعتها عربية راحت بهجة الزيرو منها..واتبقى المشكلة الاكبر ليها وهى الاصلاح وقطع الغيار؟
ده يخلى سعر اعادة البيع فى الارض وطول فترة العرض لحد ما تبيع..
ودى ارزاق طبعا ومفيش قانون نهائى.
بالمبلغ ده معاك دايرة اختيار واسعة.. اتمنى تشوف الانسب والاحسن
وربنا يوفقك فى الاختيار الامثل اولا واخيرا.
المفضلات