جثة فى وسط الشارع

**Ahmed abdkarim** · 12-12-2015 10:42 AM

السلام عليكم ورحمه الله وبركاته

موقف غريب جدا جدا
كنت راجع امبارح من بورسعيد على الطريق الدولى الساحلى كنت ماشى حوالى 140 وطبعا الطريق مافيش عليه ولا لمبه واحده و ضلمه جدا فكان قدامى عربية ماشية بنفس السرعة تقريبا
فجأة لاقيته بيفادى حاجه فى نص الطريق فاديت انا كمان الحاجه دى طبعا انا معدى جنبها بسرعة 140 و بفاديها يدوب لمحت انها جثة بس سكت من الصدمة وانى مش متخيل انها جثة بعدها بحوالى 10 ثوانى صمت صاحبى اللى معايا قالى مش دى جثة قلتله ايوا أنا مش مصدق من ساعتها و طبعا اعصابنا باظت شاورت للراجل اللى قدامى طبعا هدى السرعة و قلتله مش دى جثه برضه قالى اه طب نعمل ايه نروح القسم او نكلم البوليس قال لأ احنا كده حنلبسه فقررنا ان احنا نمشى طبعا طول الطريق شدة اعصاب مش عارف هل اللى عملته صح ولا غلط انا كان ليا تجربتين قبل كده مع موضوع الحوادث ومكنتش غلطان فى المرتين مرة عربيتى القديمة ميكروباص ركب فوقها و هى راكنه تحت البيت تلعربية راحت المرور و اتحجزت و لفيت كتير براءه ذمة واخلص ورق علشان اطلعها و مرة برضه خبطت واحد بموتوسيكل وكان هو اللى غلطان و الموضوع اتعمل قضية وانا اللى كسبتها و كان معايا شاهد شاف الواقعة انا كنت بلف ملف وتقريبا واقف ومدى اشارة والموتوسيكل جه بيفادى العربية اللى ورايا لاقانى فى وشه ومع كده هو راح المستشفى وانا دخلت الحجز و اتكلبشت واتعرضت على النيابة والعربية اتحجزت حوالى 3 ايام ده اللينك بتاع الموضوع
http://www.nilemotors.net/Nile/419387-a.html

تخيلو بقى لو كلمت البوليس وقلتلهم فى جثه اعتقد كان حيتعمل محضر ليا وللشخص التانى كشهود و العربيات تتحجز واحنا نتحجز لتانى يوم علشان ندلى بأقولنا فى النيابة ده لو متوجهش اصلا لينا تهمه .

الغريب اكتر لما فكرت النهاردة فى الموضوع الطريق الدولى اصلا صحرا فالراجل ده كان بيعدى الطريق ليه المفروض مفيش حاجه على الناحيتين فكرت انه ممكن يكون مقتول مثلا ومرمى فى نص الشارع
هل اللى عملته ده صح وهل انا سلبى.

**hilal** · 12-12-2015 11:49 AM

في ظل القوانين الحالية للاسف اللي انت عملته هو الصح والاسلم بعد التجربتين اللي ذكرتهم
العيب مش في الناس ، العيب في التشريعات الموضوعة بما لا يتناسب مع كرامة الانسان الذي يحاول مساعدة انسان في الطريق.

**msobhy** · 12-12-2015 01:32 PM

والله العظيم على عينى انى ارد على حضرتك واقولك انك عملت الصح
المشكله لو كان فيه الروح وجه حد قضى عليه بطريق الخطأ
انت قفلت لى اليوم بجد :(

**ESO101** · 12-12-2015 02:21 PM

في أي مكان في العالم نفس النظام لو مفيش كاميرات
المبلغ يمر ببعض السلبيات و هيطلع بعد إثبات برائته
ولكن هيطلع ضميره مرتاح ..
الأمر فيه مخاطرة وكل شخص وتقديره .. أنا لا أتوقف على الطريق لأي سبب

**Ahmed abdkarim** · 12-12-2015 02:35 PM

المشاركة الأصلية كتبت بواسطة samyyousef

انظر للموضوع من منظور اخر....نفرض ان فعلا واحد خبط حد و بلغ انه لقاه مخبوط ؟؟؟
الحق احق انه يتبع...طالما مفيش كاميرات مراقبة الشوارع ذي كل دول العالم العادي ...مش المتحضر حتى فطبيعي ان عربيتك تتحجز و يعاينها مهندس المرور للتاكد من انها ليست اللي تسببت في الحادث
طيب انت ايه اللي يضطرك انك تتعرض لكل ده حجز عربيتك و الكشف عليها و ربما حجزك انت شخصيا...اقولك انا : لو انت فيه احتمال ان تحيي نفس و هي تساوي انك احييت الناس جميعا ...فاعتقد ممكن تتحمل اللي فات...تحياتي لصاحب البوست الذي بداخله ضمير اعياه لمجرد مشاهدة الجثة

المشاركة الأصلية كتبت بواسطة eso101

في أي مكان في العالم نفس النظام لو مفيش كاميرات
المبلغ يمر ببعض السلبيات و هيطلع بعد إثبات برائته
ولكن هيطلع ضميره مرتاح ..
الأمر فيه مخاطرة وكل شخص وتقديره .. أنا لا أتوقف على الطريق لأي سبب

وليه يحصل ليا كل ده المفروض الاصل فى القانون فى كل دول العالم ان المتهم برئ حتى تثبت ادانته مش المتهم مدان حتى تثبت براءته يعنى المفروض مش انا اللى اثبت انى لاقيته فى الشارع و ملمستوش هما اللى يثبتوا انى خبطه وعلشان كده انا موقفتش
علشان حدخل الحجز مع المجرمين و افضل لتانى يوم واتكلبش واتعرض على النيابة و العربية تتحجز وافضل اجرى وراها فى النيابة و المرور مع انى فاعل خير .

**Ahmed abdkarim** · 12-12-2015 02:36 PM

المشاركة الأصلية كتبت بواسطة eso101

في أي مكان في العالم نفس النظام لو مفيش كاميرات
المبلغ يمر ببعض السلبيات و هيطلع بعد إثبات برائته
ولكن هيطلع ضميره مرتاح ..
الأمر فيه مخاطرة وكل شخص وتقديره .. أنا لا أتوقف على الطريق لأي سبب

مفيش حاجه اسمها اثبات براءته المتهم برئ حتى تثبت ادانته مش العكس

**ESO101** · 12-12-2015 04:09 PM

ليس مدان ولكنه متهم وبطبيعة الحال هناك إجراءات
هو بريء ولكن كيف يتم إثبات إدانته ؟ بفحص سيارته و التحقيق معه
فمش هيطلعوه بحسن النية .. وطالما بلغت تبقى جدع
لن يخرج إلا بعد فحص سيارته .. وأخذ أقواله .. للضمير ضريبة
هذا هو المتبع في كل أنظمة العالم .. سرعة الإجراءات وطريقة حجزه تختلف ولكن النظام واحد

**ibrahim sallam** · 12-12-2015 05:10 PM

هو في الحقيقه موقف صعب والقرار فيه أيضا صعب.

لكن من وجهة نظري انه كان من الآفضل ان تذهب انت وصاحب السياره الاخرى ( وكان يجب ان لايتركك) لآقرب نقطه او اي حد معني بالموضوع فتبلغ بما رأيته وكما قال العضو الفاضل لربما به روح.

وحتى لو فاضت روحه فإنه عرضه للتمثيل فسواء كان به روح ام لا أرى التبليغ أفضل حتى لو استغرق ذلك من وقتنا.

اعتذر لحضرتك جدا بهذه المشاركه كما اني التمس لك العذر أيضا.

وهذه المشاركه ليس المقصود منها التأنيب لاسمح الله بقدر ماهي توضيح لنقاط وكل منا عرضه لهذه المواقف.

ربنا يحفظنا جميعا

**miam0502788391** · 12-12-2015 06:05 PM

بغض النظر عن اللى عملته حضرتك صح او غلط دعنى اقص عليك هذه القصة
حكاها لى احد الاصدقاء
مكان الحادثة : هولند من حوالى 20 سنة وقبل الاندماج للاتحاد الاوربى
الحادثة : صديقى ومعه زميل كانوا فى هولندا فى بعثة واثناء سيرهم على احدى الطرق السريعة بسرعة 180 كيلو اصطدموا بشيىء لم يتبينوا ما هو , بعد حوالى 8 كيلو تم توقيفهم فى نقطة شرطة وتم اخبارهم انهم قاموا بصدم شخص ما كان يعبر الطريق وان عليهم ان يدلوا بأقوالهم ولكن فى مركز آخر للشرطة بعد حوالى 20 كيلو وتركهم الشرطى الهولندى
طبعا الفكاكة والفهلوه المصرية تقولك الراجل تركنا تقوم نروح تانى للبوليس برجلينا تانى
بس اللى حصل انهم توجهوا الى مركز الشرطة المذكور وتم اخذ اقوالهم وافرج عنهم فى وقتها وبعد عدة ايام تم استدعائهم من قبل المحكمة لأخذ اقولهم مرة اخرى
عارفين كان حكم القاضى ايه
البراءة
ليه ؟؟
لأنهم لم يرتكبوا خطأ وكانوا ملتزمين بالسرعة القصوى وان الخطأ من الشخص الذى كان يعبر الطريق السريع ( high way ) وان الذى يتحمل التعويض هى شركة التأمين الملزمة بتأمين الطريق
كده وبكل انسانية وبكل احترام ودون اية اهدار لكرامتهم وبدون حجز او حبس احتياطى
لسه الحكاية مخلصتش
الحكومة و القاضى الهولندى بعثوا باعتذار للاتنين المصريين بعد ما سافروا ووصلوا مصر بعد انتهاء البعثة (على انهم عطلوهم واخذوا من وقتهم وكمان تعويض لهم عن ضياع الوقت فى المحكمة للشهادة ب 300 جيلدر (العملة الهولندية انذاك) مع تأشيرة سياحية هدية لمدة اسبوعين لدخول هولندا)
شفتوا الاحترام

الموضوع: جثة فى وسط الشارع

LinkBack

أدوات الموضوع

عرض

جثة فى وسط الشارع - انشر الموضوع فى :

-

-

-

-

-

المواضيع المتشابهه

راكن فى وسط الشارع وقافل الشارع والحاج بيقولك راكن قدام بيتة

60 شخص في الشارع ....!!!!

رجل الشارع

الشارع المضئ

الكلمات الدلالية لهذا الموضوع

المفضلات

المفضلات

ضوابط المشاركة