نصائح لما بعد تشطيب الشقة

**abokoko** · 19-12-2015 06:16 PM

الف شكر لردود حضراتكم
و ارجو ان يستفاد منها المقبل علي تشطيب شقته

**abokoko** · 19-12-2015 10:19 PM

في جميع مراحل الشقه
بدأ من المشاهده وقرار الشراء
انتهاء بالعزال وفرش السقه

يجب اخذ راي الانثي في الاعتبار سواء اكانت ام او زوجه او اخت…

لاننا في قرراتنا يغلب علينا الطابع المادي
و هم يغلب عليهم الطابع الجمالي

و الجمع بين الرأيين سيكون للصالح

**ghost11** · 20-12-2015 07:00 AM

فيك الخير بتنصح الناس وانا شايف ان كلامك مظبوط ميه في الميه

**mkaram84** · 20-12-2015 08:18 AM

جزاك الله خيراً على الافادة

**abokoko** · 20-12-2015 11:07 AM

ربنا يكرمك حضراتكم جميعا بالخير كله

**swimmer25** · 20-12-2015 12:33 PM

الله ينور عليك
ياسلام بقى وإنت فاضي كدا تقولنا تجربتك كاملة في التشطيب من الألف للياء
بترتيب التشطيب والأسعار والخامات لأني هبدأ العملية دي في الشتاء على أول فبراير كدا إن شاء الله ومش عايز أبدأ زيرو خبرة..شقة نص تشطيب يعني عالمحارة فقط مفهاش مسمار ولا سلك ولا ماسورة
وهل الشتاء كويس للتشطيب؟

**swimmer25** · 20-12-2015 12:37 PM

المشاركة الأصلية كتبت بواسطة abokoko

السيراميك

الصنايعي ممكن يحببك في السيراميك بتاعك او يكرهك فيه

اطلب من الصنايعي انه يشبع البلاطه بالسيراميك بالذات في الحوايط. لاني بستخدم الشنيور بتفاجا بان البلاطه وراها فارغ من الاسمنت وليتكسر جزا من البلاطه

بلاش تشتري سيراميك العروص. لاني استريت فرز اول ارضيات فيردي وحوايط جلوريا وانطباعي وكنت فرحان باسعار العروض وحاليا بقول لنفسي لو كنت اشتريت فرز تاني او حتي ثالث من نوعيه محترمه زي كيلوباترا كان هيبقي احسن من الفرز الاول اللي اشتريته

استري سيراميك الوان فاتحه لانها هتدي المكان وسع واشراق

اطلب من الصنايعي يقلل المسافات بين البلاطات

اطلب منه يخلي فتحه علب الكهربا ضيقه مش واسعه

مهم قبل بدا العمل تطلب منه انه يقلل الردم ولو كان شغل السباك عالي قلي ماشي واتصل بالسباك يجيي ولو صح كلام بتاع السيراميك يبقي السباك يوطي سغله
لانه لو كتر الردم وعلاه اولا هياخد رمال ردم كتير وعماله كمان هيقلل مساحه ارتفاع السقف وكمان هيخلي النجار بعدل غي شغل الابواب ويعيد فكها وقص الارتفاع

أنا فعلا جبت فرز تاني كليوباترا
الشقة كاملة فيها حوالي 5 بلاطات فيها أخطاء ولكن المشكلة كانت في بتاع السيراميك لو كان عنده ذمة في الشغل مكنش ركبهم وركب السليم بس

**msobhy** · 20-12-2015 12:55 PM

تأسيس الكهرباء فى البيت تقريبا أهم خطوه
دايما اشترى مواسير واسعه ومشى كابلين او 3 بالكتير فى الماسوره
اياك توفر فى الاسلاك او مفاتيح الفصل او المفتاح العمومى للشقه وللبيت كله اذا امكن
مفيش حاجه اسمها مشترك دش - كل غرفه ليها كابل خاص بيه بدون وصلات من الغرفه لغاية السطح بزياده 10 متر

المحاره اهتم بيها جدا وحاول تركب سلك على الفواصل قبل التركيب علشان الشقوق الصغيره المزعجه

انواع الاسمنت المستخدمه مهمه جدا - اياك تستخدم القوميه فى اى حاجه ولو اضطريت لازم يكون 42 ويا سلام لو جبت اسمنت بنى سويف 52 بتاع التصدير

النصيحه الاخيره والاهم
عن فرض ان البيت اللى انت هاتسكن فيه ده بيت العمر او هاتقعد فيه اكتر من عشر سنوات - اى حاجه عايز تشتريها اشترى الاغلى وانت مغمض
دور على عروض الشركات الكبيره واياك والشركات الصغيره
السيراميك يفضل بلاش ال 60*60 لأنها بتقرف الصنايعيه وبتخليهم يكروتوا
اى حاجه مش محتاجها متجبهاش غير عند اللزوم بحيث انك تكون موفر السيوله المناسبه ليها

عوامل الامان فوق كل شئ - يعنى أمن بيتك كويس وسيبك من كلام المصريين

-

الموضوع: نصائح لما بعد تشطيب الشقة

LinkBack

أدوات الموضوع

عرض

-

-

-

-

-

-

-

المواضيع المتشابهه

تشطيب الشقة مشورة متجددة لحين الانتهاء

أسئلة فى تشطيب الشقة

مطلوب نصائح لتشطيب الشقة

سؤال في تشطيب الشقة .. سيراميك ولا hdf ؟؟

سؤالين هامين في تشطيب الشقة بخصوص العزل الحراري والباركيه

الكلمات الدلالية لهذا الموضوع

المفضلات

المفضلات

ضوابط المشاركة