الموضوع: نصائح لما بعد تشطيب الشقة

فعلا الكهرباء مهمه
هو عمل لي لوحه مفاتيح التكييف لوحده والسخان لوحده
ومفتاح 60 امبير اسفل بجوار عداد الكهرباء للسقه كلها
اللمبات 3ملي البرايز 3 ملي التكييف 4 ملي
سلك الدس مستقل لكل غرفه وللصاله
صراحه مش عاجبني الفيش الواطيه وكنت افضل انها كلها تكون مرتفعه وحاليا بعاني مع ابني الصغير اللي بيلعب في المفاتيح والفيش
لكن الكهربائي ركب الفيش واطيه علشان المنظر الجمالي
ده من الاخطاء بالنسبه لي
هو ركب لي مفاتيح سانشي اغلي من العاديه بس منطرها اجمل
اللمبات الليد اضائيتها مس كبيره حتي لو جبت قدره كبيره فيضل يزود عدد اللمبات وتطلب منه كل لمبه بمفتاح مستقل علشان تشغلهم كلهم لو الاولاد بيذاكروا او تخفف الاضاءه وقت ما تحب
بكرر زود الفيش علي قد ما تقدر في كل الاركان



المحاره ركب زوايا سلك عند كل عامود وكمان بتاع السيراميك ركب زوايا بلاستيك عندكل عامود وعند باب المطبخ من الاتجاهين صراحه جمال
كمان بتاع السيراميك عمل زي وزره في سقف الحمام و المطبخ وبرصه شكلهم حلو وحسب مترهم ب7 جنيه والوزره العاديه مترها 4 جنيه اللي في الارض ومتر البلاط ب15 جنيه شامل الارضيات والحوئط

الكهربائي النقطه 27 جنيه للمفتاح او البريزه ومفاتيح التابلوه تقريبا 25 و35 للتكييف والسخان والعمومي

المحاره 10 شامل التشوين يعني شامل رفع الرمال والاسمنت بمعرفته لكن الزوايا لوحدها 7 جنيه للمتر

السيراميك انا اللي جبت ناس ترفع الاسمنت والرمال عمال وونش الونش 700 جنيه وعامل ينظف ويسوي وعامل تاني ما لين الونش وبين رفع البقايا اخدوا 180 جنيه

بين مراحل الشغل كان بيجيي عمال نظافه 2بياخدوا 300 جنيه
العزال اتكلف عربيه و عمال حوالي 1100 جنيه

النقاشه مش فاكرها هبقي ارجع الارقام واكتبها
بس فاكر جبت سلر ماركه جوتن قبل البطانه والمعجون سسكيب والبطانه سكيب لكن الوش الاخير جبت سايبس 6000 وده الصفيحه ب260 جنيه

مهم جدا جدا تسال علي الاسعار و الانواع في كل مرحله قبل الاتفاق و الشراء
و احذر جيدا من اللي يقول لك ميهمكش الفلوس او اللي يقول لك مش هنختلف في الاسعار او اللي يقول لك في الاخر نتحاسب
اعرف ان النوعيه دي هتاخد اعلي من اعلي سعر متداول

الاسعاربتختلف شويه من منطقه لمنطقه





شيئ مهم عند شراء السيراميك
اشتري من تاجر كبير عنده مخزن ومشهور عنه الامانه في التسليم وابقي راضي عمال المخزن علشان يسلموا لك كرتين مش مكسره ولما بيكون في بلاطه او 2 او3 مكسرين في الاخر بيجيبوا لك بدلا منهم وبالزياده كمان
واحتفظ بفاتوره شراء السيراميك لان كل سيراميكه لها رقم لو احتجت كرتونه او 2 بتروح المخزن بالفاتوره بيطلعوا لك البلاطه علي طول بالرقم وبتاخدها بنفس سعر الشر

في العزال دايما في خسائر
لا تزعل
و قول الحمد لله