هو سؤال كويس جدا !! :tumb:
أتوقع إن الموضوع للتسهيل على المستخدمين العاديين أساسا .
خليني أدور زيادة في الحتة دي وأرد عليك
...
عرض للطباعة
انا رأيي في النقطه دي ان زيت المحرك من العوامل اللي بتحافظ على درجة حرارته مش الردياتير بس
وبالتالي لما بيكون درجة حرارة الجو عاليه زي مابيكون فيه اجهاد لدورة التبريد والمراوح للحفاظ على درجة حرارة المحرك فبرضه فيه اجهاد للزيت وده بيتطلب لزوجه اعلى لتقليل الاحتكاك وزيادة التشتيت الحراري والا في الحاله دي الزيت بيحل ويفقد خواصه .. نفس الكلام بعض الكتالوجات بتقول ماتستخدمش الزيت ذو اللزوجه الخفيفه لو قيادتك معظم الوقت على سرعات عاليه او تحميل عالي على المحرك
والله اعلم
تسلم ايدك بجد..موضوع مفيد جداً وانا عن نفسي اول مرة اعرف المعلومات والفروق دي كلها بين الزيوت ودلالات الارقام المكتوبة عليها..ربنا يباركلك
ما هو افضل زيوت فى مصر كاسترول ولا موبيل
لو قارنت الزيوت المتشابهة في المواصفات .. مش هتلاقي إلا فروق بسيطة جدا تكاد ﻻ تذكر.
والمواصفات ما هياش لزوجة وبس.. فيه حاجة تانية إسمها مستوى الأداء وأحيانا بيسموها مستوى الجودة.. هي دي اللي بتفرق فعلا.
ادخل على الموضوع ده لمعلومات اكتر
http://www.nilemotors.net/Nile/341680-a.html
...
شكرا يا بشمهندس على مجهود حضرتك و شرحك الممتاز
انا بس محتاج استشارة من حضرتك
انا عربيتى لانوس 2002 ةو غيرت شورت بلوك من فترة قريبة و الميكانيكى قالى نجرب الموتور الاول بزيت تعاون كده اى كلام و نمشى بيه شوية و قد كان و مشيت حوالى 350 كم بالزيت التعاون
المفروض انى عايز اغير الزيت بقى و قعدت قريت كتير لغاية ما حسيت ان دماغى ساحت و لزوجتها قلت
يا ريت تنصحنى استخدم زيت ايه يكون افضل للحالة دى
و شكرا لتعبك جدا
موضوع اكتر من رائع
أرجو الإفادة بنوع الزيت للسيارة بعد العمرة
السيارة فيات١٣١ موتور ١٣٠٠cc كامة سفلية
الموتور بعد العمرة يعتبر زي الجديد.. وبالتالي يبقى أحسن زيت هو المكتوب في الكتالوج زي ما قلنا في الموضوع الأصلي فوق.
ده كتالوج الفيات 131 موديل 1974 (بالإيطالي)
http://www.iw1axr.eu/manuali_uso/Fia...0XI%201974.pdf
في صفحة 69 كاتبين مواصفات السوائل المطلوبة للعربية... والزيت المطلوب والمناسب لجو مصر هو كالتالي:
في درجات حرارة أقل من الصفر.. اللزوجة 10W-30 (مش هينفع تستخدمها)
من درجة حرارة صفر إلى 35 (أو أكتر) ... اللزوجة 20W-40
لزوجة 20W-40 مش موجودة حاليا.. فتقدر تستخدم 15W-40 وانت مطمن.
وفي صفحة 34 كاتبين مواعيد التغيير كل 10 آلاف كم أو 6 شهور أيهما أسبق... وفي حالة الاستخدام الشاق .. التغيير يبقى كل 5000 كم... وكاتبين ملحوظة كمان إن لو العربية جديدة (زي حالة الموتور المتعمر بتاع حضرتك) .. يبقى لازم الزيت يتغير أول مرة بعد 2000-3000 كم.
من ناحية مستوى الجودة .. فأي زيت موجود في السوق حاليا هيكون أحسن من طلبات الكتالوج.
...