معلومات مهمه وقيمه . شكرا لك
عرض للطباعة
معلومات مهمه وقيمه . شكرا لك
السلام علكيم
نحن في انتظار ردك يا باشمهندس على الاسئلة
وجزاكم الله خيرا
ارجو الد من فضلكم انا لسه جايب عربيه لادا 2107 موديل 2006 انجكشن بقالها شهرين اتعلم عليها و عايز اغير ليها زيت مع العلم انى مقيم فى فى شرم الشيخ و درجة الحراره هنا عاليه فرحت للراجل بتاع بنزينة موبيل ادانى جركن موبيل 1 لزوجه 20w50 ايه رأيكم تمام ولا لأ مع العلم انى معيش اى كتالوجات للعربيه و خبرتى ضعيفه فى العربيات عموما ارجو الرد:120146b:120146b:120146b
بالنسبة لأفضل زيت.. فهو دايما زي ما قلنا قبل كده .. الزيت المكتوب في الكتالوج..
ومواصفات الزيت في كتالوج اللادا كالتالي:
زيت معتمد من الـAPI بدرجة SE أو SF على الأقل..
واللزوجة: 5W-30 أو 10W-30 (للأجواء الباردة جدا فقط)
أو 10W-40 أو 15W-40 للأجواء العادية
الكمية : 3.75 لتر
موعد التغيير: كل 10 آلاف كيلومتر (5000 في الحالات الشاقة) أو 6 أشهر.. أيهما أقرب
علشان تعرف الزيت يمشي معاك ولا لأ.. كل اللي هتعمله التالي:
1- تشوف علبة الزيت اللي مكتوب عليها درجة اللزوجة المطلوبة
http://nileup.com/up/uploads/nilemotors_14707417491.jpghttp://nileup.com/up/uploads/nilemotors_14707417494.jpg
2- تمسك علبة الزيت في إيدك وتبص على ظهرها.. هتلاقي كلام كتير مكتوب بخط صغير... سيبك من كل المكتوب إلا منطقة معينة مكتوب فيها أرقام وأكواد معينة.. زي اللي في الصور دي...
http://nileup.com/up/uploads/nilemotors_14707417492.jpghttp://nileup.com/up/uploads/nilemotors_14707417493.jpg
دي أهم حاجة..
3- قارن بين المكتوب على علبة الزيت مع طلبات الكتالوج... لو لقيته زيه أو أحسن يبقى تشتريه... لو ما لقيتش المكتوب في الكتالوج أو لقيته أقل منه.. يبقى سيبك منه فورا... حتى لو كل الناس قالت عليه شعر وعملوا أغاني.
بالنسبالك... الكتالوج طالب إن كود الـAPI ما يقلش عن SE ... وده كود قديم قوي (ده في كتالوج اللادا القديم... ودلوقتي أتوقع إنه يكون طالب كود أعلى)
المهم.. معنى الكلام ده إنك تقدر تحط كمان أي زيت كوده SF أو SG أو SH أو SJ أو SL أو SM أو SN .. والترتيب ده من الأسوأ إلى الأحسن (SN أحسن حاجة).
لو عايز تعرف معلومات أكتر عن إزاي تعرف الزيت الأحسن.. ادخل على الموضوع ده...
http://www.nilemotors.net/Nile/341680-a.html
بناء على الكلام ده.. الزيت اللي ينفع معاك كالتالي:
لو نويت تحط زيت 10W-40:
تقدر تحط كاسترول ماجناتك 10W-40... وده زيت مستواه عالي شوية... ومناسب جدا لعربيتك.
http://arabia.castrol.com/sites/defa...tec_10W-40.jpg
مواصفته API SN
لو نويت تحط زيت 15W-40... عندك اختيارات كتير...
زيت توتال كوارتز 5000 بلزوجة 15W-40 (مش متأكد من وجوده في مصر)..
http://www.totalmarketingmiddleeast....&ssbinary=true
الزيت ده مواصفته أعلى من الكتالوج (API SL)
زيت مصر للبترول Misr1 SL بلزوجة 15W-40
https://encrypted-tbn2.gstatic.com/i...crqSVDk_I7Ht5U
الصورة لعبوة الـ20W-50
الزيت ده مواصفته أعلى من الكتالوج (API SL)
زيت مصر سوبر 10000 بلزوجة 15W-40
https://encrypted-tbn1.gstatic.com/i..._IA9FFOES6RaDw
الصورة لعبوة الـ20W-50
الزيت ده مواصفته أعلى من الكتالوج (API SJ)
في زيوت لاستخدامات مواتير الديزل (والبنزين بردو).. ومع إنها زيوت لمواتير الديزل أساسا بس تنفع مع مواتير البنزين كويس جدا..
زيت توتال RUBIA TIR 7400 بلزوجة 15W-40
http://www.total.dz/cs/Satellite?blo...&ssbinary=true
http://204.92.52.209/Egypte/pdf/rubi...7400_15w40.pdf
مستوى جودته أعلى من طلب الكتالوج API CI-4/CH-4/SL
زيت موبيل دلفاك MX بلزوجة 15W-40
Mobil Delvac MX™ 15W-40
http://otohanoi.com.vn/upload/sanpham1467602890.jpg
مستوى جودته أعلى من طلب الكتالوج API CI-4/CH-4/SL/SJ .. بس اتأكد من وجود "MX" على علبة الزيت.. وإن مواصفاته مكتوب فيها SL أو SJ... ولو ما لقيتهمش ما تشتريهوش.
وممكن تلاقي في ماركات تانية بس مش مشهورة أو منتشرة.. زي "زادو" مثلا..
المهم إن أي زيت من أي ماركة عليه نفس مواصفات الكتالوج أو أعلى زي ما شرحتلك هيمشي معاك زي الفل.
...
أنا تحت أمركم في أي أسئلة..
مشكور على المجهود الرائع يا باشا
مجهود جبار ومعلومات قيمة جدا
جزاك الله خيرا
مش فاهم
......يعني إيه اللي يمشي مع 504 موديل 1974 فتيس أرضي ؟
موتور gl
دي توصيات زيت الموتور من كتالوج بيجو 504
https://s3-eu-west-1.amazonaws.com/m...30376/bg32.png
مكتوب في الكتالوج..
كل 5000 كيلومتر... تحط 4 لتر زيت بلزوجة 20W-40 في الصيف... و 10W-30 في الشتا...
ولو كنت بتسوق في وسط البلد والزحمة... ابقى غير كل 2500 كم.. ده كلام الكتالوج.
خد بالك إن الصيف بتاعهم قريب من الشتا بتاعنا..
من الآخر.. أي زيت لزوجة 15W-40 هيمشي معاك زي الفل... صيف شتا.
...