المفروض أستلم العربية ماشية كام كيلو

**a7mednour** · 25-11-2008 04:45 AM

سؤال صغير..
بما أن السيارات تحمل من المصنع في بلد المنشأ (ماليزيا) الى السفن على سبيل المثال للشحن وهي على ناقلات...
معنى الكلام ده انها مش بتكون متجربة نهائي ...
يعني من التقفيل على الشحن مباشرة من غير تجربة...ممكن من هنا تكمن المشكلة في عيوب التقفيل نتيجة لعدم تجربتها في بلد المشأ..
من جهة أخرى...

مع احترامي لأراء الاخوة والأخ مزاجنجي بيؤيد الكلام ...
وهو..

طالما متؤكدين ان أصحاب المعرض بيفصلوا كابلات العدادات وبيمشوا بالسيارات مسافات تصل لألاف الكيلو مترات
مادام احنا متأكدين من تلك النقطة...
ايه الحكمة من موضوووع تليين الموتور وان المفروض يمشي ألف كيلو وبعدين ناخد راحتنا سواء بالتكييف او السرعة المطلقة

تقبلوا رأيي المتواضع...

**waleedseng** · 25-11-2008 09:20 AM

المشاركة الأصلية كتبت بواسطة a7mednour

طالما متؤكدين ان أصحاب المعرض بيفصلوا كابلات العدادات وبيمشوا بالسيارات مسافات تصل لألاف الكيلو مترات
مادام احنا متأكدين من تلك النقطة...
ايه الحكمة من موضوووع تليين الموتور وان المفروض يمشي ألف كيلو وبعدين ناخد راحتنا سواء بالتكييف او السرعة المطلقة

تقبلوا رأيي المتواضع...

Because we buy the Gen2 from "Tawkeel" (Ezz el2rab) not from "Aganse" a3taked keda

**mazagnge** · 25-11-2008 01:11 PM

صباح الورد يا بن حميدو :

- هو زي ما وليد قال كــدة احنا بنشتري من التوكيل اللي بيجيب العربية على ناقلات مخصوصة ( تريلات) يبقي معدل حركة العربية ضئيل .
- الاجنس / المعرض : بيجيب العربية هو وضمير السائق ، يعني فى محترم بيمشي على ال 100 ما بيكسرش لانة عارف ان العربية بتلين ، و في منعدم الضمير بيقولك هى بتاعه ابونا دى ناس معاها فلوس مش ها تفرق معاهم .... و القصة دي ما تقدرش تحكمها (ضمـــير + أخلاق السائق ) .

و طبعاً اى معرض مش عايز يدخل في جدال عقيم مع اى زبون حول العربية و الكيلو و التليين .... فبيفصل عداد الكيلو مترات في العربية و يريح دماغة ( دي بالبلاستيك يا بييييية ) .

---> أنا عرفت القصة دى منين :

كان واحد حبيبي بيشترى عربية موديل السنة ، و بعد ما فحص + أشتري + استلم = خرج بالعربية و سائقها بتاع 30 كيلو بيبص على العداد لقاه واقف عند 20 كيلو و مش بيتحرك ، لف و رجع للمعرض ... الولد اللى هناك ضحك و قال معلش تلاقي بس الكلبس بتاع الجاك مش متثبت كويس ... و فتح و ركب ... و مشي العداد زي الفل و من البحث و السؤال عرفنا اية اللى حصل و بيحصل .... بس خلاص .

**Rafraf** · 25-11-2008 01:27 PM

-----------------------------

ممنوع كتابه الحروف العربيه بحروف اجنبيه

يرجى مراجعة قواعد المنتدى

مشرف القسم

**aapaap855** · 25-11-2008 01:35 PM

اعتقد الضمير قليل شوية في مصر عموما
واعتقد ان الضمير اقل بالنسبة للناس بتوع البيع ( الاجنسات)
واعتقد ان الضمير اقل عند السواقين

يعني احتمال انك تستلم عربية وانتا مطمن 0.25

**AhmedGen2** · 25-11-2008 01:43 PM

انا استلمتها من عز العرب السابع عاملة 56 كيلو.

**ahmedsiyam** · 25-11-2008 03:00 PM

انا استلمت من الصحراوى عاملة 28 كلم

**gagareen** · 25-11-2008 03:40 PM

المشاركة الأصلية كتبت بواسطة ahmedsiyam

انا استلمت من الصحراوى عاملة 28 كلم

صح كده لو من الصحراوى

لان العربيه اول ما بتتجمع فى المصنع بتتجرب على التراك لاختبارات الجوده والاداء وانا شفت الموضوع ده بنفسى من كام سنه فى النصر للسيارات لما ابتدو يشتغلوا فى الشاهين

**hsorogy** · 05-06-2009 06:11 PM

لأ العربية بتتجرب قبل التسليم و بتدخل على جهاز ال pdi اللى بيكشف عليها بعد ما تمشى حوالى 30 كم

**dya2008** · 06-06-2009 12:41 AM

المشاركة الأصلية كتبت بواسطة gagareen

صح كده لو من الصحراوى

لان العربيه اول ما بتتجمع فى المصنع بتتجرب على التراك لاختبارات الجوده والاداء وانا شفت الموضوع ده بنفسى من كام سنه فى النصر للسيارات لما ابتدو يشتغلوا فى الشاهين

الكلام دا سليم و ممكن تحسب الكيلو متر من ما تنزل العربيه من الكساحة علي الدائري او اول الصحراوي لان القانون بيمنع الكساحات تدخل المدينه يبقي تحسب من الكساحة للوكيل الفرع الرئيسي و من الرئيسي للموزعين

الموضوع: المفروض أستلم العربية ماشية كام كيلو

LinkBack

أدوات الموضوع

عرض

-

-

-

-

-

المواضيع المتشابهه

موديل 2007 ماشية 168000 كيلو !!!!

محتاج رايكم ضرورى فى شراء اكس تريل ماشية 30 الف كيلو

عربيتك ماشية كام كيلو؟؟؟؟؟؟؟؟؟؟؟؟؟؟؟؟

حادثة تانية قبل ما أستلم العربية

هو زيت توتال 3000 المفروض يتغير بعد كام كيلو

الكلمات الدلالية لهذا الموضوع

المفضلات

المفضلات

ضوابط المشاركة