انا مريض بمرض القلق

**4fun14** · 12-01-2016 03:05 PM

دكتور نفسي احسن من الف راى هنا

**أحمد كمال** · 12-01-2016 03:10 PM

المشاركة الأصلية كتبت بواسطة amr011111

طيب هى ادويه الاكتئاب ليها مخاطر

مش كلها + اي دوا حتى الاسبرين ليه مخاطر

علاج القلق مضادات القلق مش مضادات الاكتئاب ..... بعض مضادات الاكتئاب زي الافيكسور بتعالج القلق برضه ..... بس فيه نوع من الادوية خاص للقلق

anxiolytics

المشاركة الأصلية كتبت بواسطة Moustafa.yonis

الاخطر من ادوية الاكتئاب، الاكتئاب نفسه
فيه انواع تأُثيرها اقل علي الجسم
بس يفضل يكون عن طريق دكتور امين
لان الموضوع ده فيه سبوبة محترمه

متفق معاك تماما

المشاركة الأصلية كتبت بواسطة 4fun14

دكتور نفسي احسن من الف راى هنا

كنت داخل انصحه بكده

صدقني اتنين اصحابي كانوا كده و اما اتعالجوا من القلق

ال quality of life بتاعتهم زادت اضعاف اضعاف

**إنسانة** · 12-01-2016 03:28 PM

الشرق الاوسط مزبلة لشركات الادوية و توصيف الادوية وصرفها ينقصه الكثير

**samyyousef** · 12-01-2016 03:55 PM

يوجد ثلا ث تخصصات
الخلط بينهم شديد
1- الطبيب النفسي
2- الاخصائي النفسي ( و هو خريخ اداب قسم علم نفس و حاصل على دراسات عليا في مجال التخصص )
3- life coach

**msobhy** · 12-01-2016 04:30 PM

المشاركة الأصلية كتبت بواسطة Moustafa.yonis

الاخطر من ادوية الاكتئاب، الاكتئاب نفسه
فيه انواع تأُثيرها اقل علي الجسم
بس يفضل يكون عن طريق دكتور امين
لان الموضوع ده فيه سبوبة محترمه

للأسف عارف المعلومه ديه حتى النخاع
انا معنديش اى مشكله انى اروح لدكتور نفسى ماعدا مشكله واحده - انى ماديا متنيل بستين نيله وبالكاد عايش دلوقتى

المشاركة الأصلية كتبت بواسطة إنسانة

انا كنت بعاني من قلق مميت , مكنتش بقدر انام , قلق مصاحب لخوف حاد من كل شيء

في لحظة اخدت قرار اني اما اغير حياتي او اغير حياتي , ومكنتش بحاول حل مشكلة القلق لاني مكنتش اعرف مصدره

كنت بعاني من ضغط نفسي رهيب وعايزة اخرج منه

لما حليت مشاكلي المسببة للضغط النفسي انتهى القلق والخوف وابتديت انام 7 و 8 ساعات متواصلة وهادئة مش فاكرة امتى اخر مرة اتعصبت البكاء المتواصل كل ليلة انتهى تماما بحس بطعم الاكل وباخد نفسي براحة كبيرة

انا النهردة بصحى معنديش اي مشكلة في حياتي قلقاني , بحس راحة وطمئنينة لا يمكن وصفها

الرياضة كمان بعدها بحس ان فيه مهدئ ومخدر بيمشي في عروقي وبنام نوم عميق

لدرجة اني حاسة اني مكنتش عايشة

شوف مصدر اي ضغط نفسي وسخر كل شيء ممكن لحله

كلامك جميل جداااااااااااااااااا
نسبيا انا عارف اهم الاسباب اللى موصلانى للحاله ديه
اولا كل حاجه بتحصل فى مصر وابوس ايدكم بلاش نقلبها سياسه - امتداد طبيعى هو فشلى فى انى اسيب مصر خصوصا ان ده حلمى تقريبا من وانا عندى 16 سنه
ثانيا خوفى الشديد على اولادى وعلى مستقبلهم وده مرتبط بالنقطه الاولى

بالمناسبه كويس انك فكرتينى - انا اوقات كتير ببقى مش عايز اكل خالص ولما باكل - كل الاكل بيبقى ملوش طعم - الاوقات ديه ممكن تصل الى 4 أو 5 أيام متواصله

بخصوص الرياضه - ان شاء الله لازم ارجع

المشاركة الأصلية كتبت بواسطة 4fun14

دكتور نفسي احسن من الف راى هنا

صدقنى مش أوى - لكن هو مهم جدا

المشاركة الأصلية كتبت بواسطة أحمد كمال

مش كلها + اي دوا حتى الاسبرين ليه مخاطر

علاج القلق مضادات القلق مش مضادات الاكتئاب ..... بعض مضادات الاكتئاب زي الافيكسور بتعالج القلق برضه ..... بس فيه نوع من الادوية خاص للقلق

anxiolytics

عارف انى ممكن ابان عيل صغير لكن فعلا انا اخاف جدا انى اخد الادويه ديه حتى عن طريق وصفة طبيب - لكن على العموم الخطوه ديه هاتتأجل شويه

المشاركة الأصلية كتبت بواسطة إنسانة

الدكتور النفسي في الشرق الاوسط كمن يضرب الودع رحت لواحد من الدكاترة النفسيين راى ان مشكلتي ستحل بالرضاء بالقضاء والقدر واحالني لعيادة لقارئ "ايوه اسمها كدا "

لا اعرف ان كانو في مصر على نفس المستوى او افضل ولكن بصراحة انا شايفة ان حل مشكلته بسيط بالبعد عن مسببات القلق حتى لو بالسفر لدولة او مدينة التلوث فيها اقل بكل اشكاله

في الامور النفسية انت طبيب نفسك وافهم شخص بما تريده والدكتور اخر الحلول

تعبيرنا بافضل حال لن يصف للمعالج اكثر من 20% من مانريد ايصاله

كلام مقنع

المشاركة الأصلية كتبت بواسطة إنسانة

الشرق الاوسط مزبلة لشركات الادوية و توصيف الادوية وصرفها ينقصه الكثير

حقيقه وده بأعتراف ناس شغاله فى المجال

المشاركة الأصلية كتبت بواسطة samyyousef

يوجد ثلا ث تخصصات
الخلط بينهم شديد
1- الطبيب النفسي
2- الاخصائي النفسي ( و هو خريخ اداب قسم علم نفس و حاصل على دراسات عليا في مجال التخصص )
3- life coach

أعتقد انى عايز life coach

**إنسانة** · 13-01-2016 01:20 AM

المشاركة الأصلية كتبت بواسطة msobhy

كلامك جميل جداااااااااااااااااا
نسبيا انا عارف اهم الاسباب اللى موصلانى للحاله ديه
اولا كل حاجه بتحصل فى مصر وابوس ايدكم بلاش نقلبها سياسه - امتداد طبيعى هو فشلى فى انى اسيب مصر خصوصا ان ده حلمى تقريبا من وانا عندى 16 سنه
ثانيا خوفى الشديد على اولادى وعلى مستقبلهم وده مرتبط بالنقطه الاولى

بالمناسبه كويس انك فكرتينى - انا اوقات كتير ببقى مش عايز اكل خالص ولما باكل - كل الاكل بيبقى ملوش طعم - الاوقات ديه ممكن تصل الى 4 أو 5 أيام متواصله

بخصوص الرياضه - ان شاء الله لازم ارجع

صدقنى مش أوى - لكن هو مهم جدا

عارف انى ممكن ابان عيل صغير لكن فعلا انا اخاف جدا انى اخد الادويه ديه حتى عن طريق وصفة طبيب - لكن على العموم الخطوه ديه هاتتأجل شويه

كلام مقنع

حقيقه وده بأعتراف ناس شغاله فى المجال

أعتقد انى عايز life coach

"نسبيا انا عارف اهم الاسباب اللى موصلانى للحاله ديه"

هل الجملة دي لا تعني لك شيء ؟

لو فيه مسببات للقلق وانت عارفها يبقى حاول تشوف حل يبعدك عن الاسباب دي

لو مش قادر بنفسك حد متخصص ممكن يساعدك في التعامل مع مشاكلك

ولو بعد ما تجنبت الاسباب لسه حاسس بمخاوف "مش عارفلها سبب"هنا تبتدي رحلة العلاج النفسي والبحث عن حل مع دكتور ثقة

علاج المشكلة النفسية له مسار بالترتيب

السبب عضوي ؟ >>> نعم >> علاج للمسبب

السبب العضوي ؟ >> لا >>> "cbt" علاج سلوكي معرفي "بدون ادوية"

السبب مش عضوي ومفيش تقدم مع "cbt" <<< "cbt" + الادوية >> كاجراء اخير لمريض حقيقي لايرجى شفاءه بغيرها

لكن عالم الأدوية النفسية "مهازل" , تاثيرها على الجهاز العصبي و تاثيرها بدوام استخدامها ويكون تحت تاثيرها المريض"سلبا وايجابا" ولها اعراض انسحابية , لسبب دا انتكاساتها كتير

وطريق صعب الرجوع منه "دراجز"

نافع لناس و له مخاطر بس بيوصف لناس خطأ كتير > معظم المنتحرين بياخدوا ادوية اكتئاب

من جملتك يظهر انك حاسس ان القلق الي بتوصفه " انذار طبيعي" بوجود مشاكل تستحق القلق

حل المشاكل متطفيش الانذار

سلامتك

بالتوفيق

**Mecha** · 13-01-2016 02:25 AM

القلق والاكتءاب منتشر جدا في بلادنا. ناس كتير بتعاني وهما مش عارفين انهم مرضي بيهم . نمط الحياه الكءيب. الزحام الشديد . الصراع والحرق والتخلف والتشاوءم المتوارث في الوجدان الجمعي.ادوية الاكتءاب بتعالج لكن بجرعات مقننه وتجنب الناس المسمومه ناشرة الكابه والهموم.
ديما افتكر ، محدش ضامن مستقبله خالص لا في مال او صحه او سعاده او غيره. اعمل اللي تقدر عليه وربنا الرزاق. وارضي بالموجود واامل في الافضل وخليها علي الله.

**Karim Alaa** · 13-01-2016 03:53 AM

حبيبى تعالى جنب اخوك انا زيك كده بالظبط و مش عارف اخرتها ايه قلوق لدرجه مش طبيعيه و بقول اهو من جانب السلامه نفسى ابقى طراوه شويه و مش مهم ايه الى يحصل لكن للاسف مش عارف كل شىء مستقبلى شغلى جوازى بقلق على طول و بتوقع حاجه وحشه