انا قلتله كدة برضو ... بس الصنايعية دايما مقتنعين انهم اكثر خبرة و دراية منك ... انا جبت اخرى من كل الصنايعية :8954[1]:
عرض للطباعة
الكهربائي مركب فيوز القطع على السالب مش على الكهربا
ايا كان مركب البريكر فين . هتروح ع اللوحه وتفصل . لازم طرف ميجبش كهربا والا البريكر تالف
الكهربا اللى نورت مفك التست رجوع من شبكة الكهرباء مش علشان الفيوز متركب على الأرضى...و التست فى الحالة دى بيبقى نوره باهت و ضعيف....و الرجوع دا ذات نفسه دليل وجود تلامس او مشكلة فى الفازات
كهرباء التوزيع عند المنازل ثلاثية الأوجه 3phase كل شقة بتاخد وجه ..و ممكن اكتر من شقة يتحملو على نفس الوجه ...ممكن فازة وحيدة تسقط عن الشقة فيحدث انقطاع للتيار و الفازتين التانيين لسة موصلين و نقطة ال Neutral (الأرضى) بين الفازات فى هذه اللحظة هى دى اللى بتنور مفك التست
لو حصل فصل كامل عن الشارع مثلا او الحى فمفيش فى الحالة دى مفكات تست تنور
وميض اللمبات النيون هو بالفعل نتيجة وجود فرق جهد كهربى على طرفى اللمبة نتيجة عكس الاطراف على اللمبة مش علشان الغاز خامل و بينور... و إلا لما هشترى لمبة نيون جديدة الاقيها منورة فى ايدى فى الظلام قبل التثبيت...و مش بتنور بصورة كاملة علشان عايزة تغير جهد فائق من الترنس و دا بيحصل لما بشغل المفتاح ....مع ملاحظة ان عكس الاطراف على اللمبة لا يمثل خطورة...الخطورة فى عكس الوضع على لوحة التوزيع الام
لو كهربائى وضع المفاتيح على الأرضى يبقى بيخرب بيته...لان اى مشكلة بعد كدة فى الشقة هو عارف كويس جدا اللى هيجى بعده هيقول مين الحمار اللى عمل كدة و كمان بيعرض حياة الغير للخطر و دى من أبجديات العمل للكهربائى...بل الحرف ألف ذات نفسه.....المفاتيح تتحط على الفردة الحية ....و لو حصل ان الوضع اتعكس نور مفك التست بيبقى قوى وواضح
و علشان تتاكد وصل و لاحظ النور....و افصل و لاحظ النور بتاع المفك
لو لقيته هو هو و نوره قوى يبقى عندك مشكلة فى وضع الكهربا و معكوسين فعلا
لو لقيت النور باهت بعد القطع يبقى رجوع شبكة
و الاحسن تجيب آفو بعشين جنيه و تقيس و تريح دماغك و يبقى معاك للعربية :)
انا مش متعمق اوى فنيا فى الموضوع ده بس تقريبا ده بينتج من التصميم لان الموضوع ده شغلنى وعملت تجارب زمان لانى بحب افهم الحجات دى
تجربه المروحه موتور مايه خلاط طبعا اتجاه واحد الخ
نوع بيعكس اتجاهه بتحويله خاصه
موتور الشفاط موتور الشينيور(لاحظ انه لو شغال يمين يفضل يمين لو قلبت الفيشه لاكن لو ضغط زرار عكس الحركه بيعكس حركته)
نوع تانى بيغير اتجاهه مع الحمل موتور الشوايه الموتور الامامى للمروحه البوكس بمجرد ما بتحاول توقفه بايدك بيعكس اتجاهه وده عند بدء التشغيل ملوش اتجاه ثابت واستخدامه بيكون فى حجات اى اتجاه مياثرش
يعنى النوع الاول والتانى لا يعكس اتجاهه مع عكس القطبيه
نوع بيعكس قطبيته زى الdc بمجرد عكس طرفين وده 3 فيس 360 فولت ودى عملتها لواحد صحبى فى ورشه واكتشفنا ان كل المواتير فى الورشه بتعكس اتجاهها مع تغيير الاطراف
اما بخصوص ان التست يقيد مع اغلاق الفيوز دى لها سببين
عكس الطرف الحى
وجود حمل زى تلاجه او اى فيشه واصله بتعمل تسريب للطرف الاخر لايستطيع تشغيل حمل لاكن يقدر يضيء لمبه التيست
الافضل فيوز مزدوج 2 لقمه يفصل مع بعض
جميل ، معظم مواتير الاجهزه المنزليه حاليا فيها بورده.
فلازم التيار من مدخل واحد فقط.
بمناسبة قصة الراجع . النهارده جبت الافو وقست علي فيشه واحد فاز ب ٣ اطراف حي ونيوترال وارضي. لقيت بين الحي والارضي ٢٤٠ فولت وبين الحي والنيوترال ٢٤٠ بردك وبين النيوترال والارضي زيرو.
فصلت المفتاح وعدت القياس جميع القراءات زيرو. فيشه تانيه نفس القصه . والمكان فيه ٣ فاز بالمناسبه.
فكدا مفيش فولت راجع الا لو حاجه تالفه في الدايره.
وفولت راجع من الارضي يضعف فرق الجهد مع المصدر بالاضافه انه هالك في السيتستم. نفس القصه زي بطارية العربيه dc لو قريت بين الارضي يبا فيه خلل.
حاجه كمان في مفهومي . مفيش حاجه اسمها موجب وسالب . فيه كهربا او مفهوش كهربا
كمان في ac مفيش ان المصدر بيعكس قطبية الخرج بتاعو . هتلاقي ديما فرده واحده ثابته بس شايله فولت
والباقي مفيش.
تحياتي
مواتير التيار المتردد نوعان :
ثلاثية الأوجه ــــــــــ يتم عكس الحركة بتبديل اى فازتين حاجة زى كباسات التكييف ثلاثية الاوجه او المصاعد بس دلوقتى فى دوائر حماية للموضوع دا علشان لو حصل غلط من شركة الكهربا و غيرو ترتيب الفازات
أحادية الأوجه ـــــــــ يتم عكس الحركة بعكس قطبية ملفات التقويم بالنسبة لملفات التشغيل....... زى شفاط المطبخ....و دى لازم فيها ملفات تقويم لانها غير ذاتية بدأ الحركة ....و الملفات لازم يكون معاها (فى الغالبية الساحقة) مكثف
طيب ليه لما بعكس الفيشة - للمروحة مثلا - اتجاه الحركة مش بتغير..........لانك عكست قطبية ملفات التشغيل و التقويم على الاستيتور و عكست برضه القطبية على الروتور !!! ....كانك ما غيرتش حاجة !!!...يبقى علشان ابقى عملت عملية عكس فعليا لازم تنحصر فقط لملفات الاستيتور (اللى غالبا بيتحط عليها ملفات التشغيل و التقويم)
طريقة العكس مش نمطية و بتعتمد على نوع المكثف فى الدائرة...هل هو شغال على طول ؟ و لا شغال لحظة البدأ فقط ؟
لو شغال على طول بنقل فردة الكهربا من على طرف المكثف و اخليها على الطرف التانى
لو شغال بدأ فقط بعكس طرفى مجموعة التقويم بالكامل (ملفات التقويم - المكثف - مفتاح الفصل)
مواتير التيار المستمر :
تعكس الطرفين الموتور يلف عكس على طول.... و دى أحد طرق الفرامل الفورية فى المترو مثلا و بتبقى فى الطوارىء فقط