تعمل ايه لو و انت في لجنه الضابط ضربك القلم

**MoToRiZeR** · 27-11-2008 10:36 PM

المشاركة الأصلية كتبت بواسطة meza

قانون الطوارىء فى طريقة للإلغاء ..... كمان متنساش يا صديقى إن تطبيق القانون ده بيبقاله شروط كتير ... يعنى اللى بيتضرب فى القسم ده بمجرد ما يثبت على الظابط التهمة بيتعاقب .. و ساعتها ولا قانون طوارىء و لا حاجة هتشفعله ....

المقصود يا موتو إننا لينا حقوق ... لازم نعرفها ... حتى لو حقوقنا قليلة و فى حدود ضيقة لكن لازم نستغلها و نعرف راسنا من رجلينا ... عشان ميجيش ظابط يضحك عليا و يستغل جهلى.

مثال قريته فى الكتاب بتاع عمر عفيفى: مش من حق الظابط إنه يفتش عربيتك ولا يمد إيده فيها إلا بإذن من النيابة لأنها ملكية خاصة .... لكن فى حالة لو صاحب العربية ميعرفش الحكاية دى هتلاقيه بيقوله إتفضل بدون ما يعترض ولا يستفسر حتى ... و فى الحالة دى القانون بيعتبر إن التفتيش ده قانونى لأن المالك تنازل عن حقه للظابط بالسماح له بالتفتيش .. و لو الظابط رمى حتة حشيش ولا بانجو هتبقى قضية مخدرات بتفتيش سليم محدش يقدر يعترض عليه.

يتلغي مين يا باشا ده بقالهم عشرات السنين بيقولوا كدة .. بس انا كنت هستشهد بنفس المثال من الكتاب .. قانون الطوارئ يسمح للضابط يفتش عربيتك و يلغي القانون الأولاني و يقولك السبب إشتباه إن السيارة كان فيها مخدرات أو حاجة .

علي أرض الواقع الوضع مختلف ..

**D . a .\ AYMAN** · 28-11-2008 03:19 AM

المشاركة الأصلية كتبت بواسطة meza

قانون الطوارىء فى طريقة للإلغاء

:K14::K14::K14::K14::K14::K14::K14:

المشاركة الأصلية كتبت بواسطة meza

مثال قريته فى الكتاب بتاع عمر عفيفى: مش من حق الظابط إنه يفتش عربيتك ولا يمد إيده فيها إلا بإذن من النيابة لأنها ملكية خاصة .... لكن فى حالة لو صاحب العربية ميعرفش الحكاية دى هتلاقيه بيقوله إتفضل بدون ما يعترض ولا يستفسر حتى ... و فى الحالة دى القانون بيعتبر إن التفتيش ده قانونى لأن المالك تنازل عن حقه للظابط بالسماح له بالتفتيش .. و لو الظابط رمى حتة حشيش ولا بانجو هتبقى قضية مخدرات بتفتيش سليم محدش يقدر يعترض عليه.

ياباشا في حاجة إسمها التفتيش الوقائي وهو أبسط تعريف ليه إن مثلا لو انت داخل لمكان ذو طبيعة خاصة وليه حراسة أمنية معينة طبيعي بتتفتش لو اتلاقى معاك أي حاجة مخالفة للقانون من جراء التفتيش ده بيكون الإجراء ده صحيح وبيتكون في حالة تلبس صحيحة 100%

والتفتيش الوقائي بيكون في بعض اللجان التي تقام في الطريق العام أو المصالح العامة المسموح لها بإجرائه زي مثلا قبل كوبري السلام فوق قناء السويس وانت جاي من سيناء بالذات كله بيتفتش كمان بوابات المطارات والفنادق .. الجهات الأمنية ... وما الى ذلك

كمان لو الضابط العادي اللى ماشي في الشارع في نطاق عمله شك في واحد معين والشك ده ليه ما يبرره بأن الشخص ده مثلا معاه سلاح فمن حقه انه يأمن نفسه ويفتشه وقائيا وكل ما يتكشف أثناء التفتيش وبمناسبته حالة تلبس صحيحة 100 % .. وكل ده من غير إذن نيابة ولا حاجة

لكن الضابط مايجيش مثلا يطلع حتة بانجو صغيرة مثلا من جيب صغير جدا في لبسه ويقول انه لاقاها أثناء تفتيشه وقائيا للبحث عن سلاح لأنه معروف أن السلاح حجمه كبير يبقى ماينفعش يخرج عن إطار انه بيدور على حاجة كبيرة من الخارج فقط وإذا تعدى حدود الفكرة يبقى الباقي كله غير سليم

المشاركة الأصلية كتبت بواسطة MoToRiZeR

قانون الطوارئ يسمح للضابط يفتش عربيتك و يلغي القانون الأولاني و يقولك السبب إشتباه إن السيارة كان فيها مخدرات أو حاجة .

علي أرض الواقع الوضع مختلف ..

قانون الطوارئ لا يسمح لأي ضابط ماشي في الشارع انه يفتشك مثلا ولا حاجة خصوصا لو كان من ضباط المرور فقط ولا حاجة زي كده ... لكنه أخطر من كده بكتير

من بعض أحكامه ... أنه يعطي الحق لوزير الداخلية (تقريبا مفوضا من رئيس مجلس الوزراء -لا أذكر تحديدا الآن-) في إعتقال أي شخص وفي أي زمن دون صدور أي أذن قبض على شخص المعتقل من النيابة العامة .. وكذلك إطلاق سلطة رئيس الجمهورية في إحالة أي قضية قد يراها هو ذات صله بالأمن القومي الى المحاكم العسكرية (وطبعا المحاكم العسكرية في الآخر لازم الحاكم العسكري يصدق على قرارها بالموافقة قبل شموله بالنفاذ .. يعني في الآخر بتاعته) أو محكمة أمن الدولة العليا طوارئ ولكن الأخيرة تم إلغائها قريبا بقانون إلغاء محاكم أمن الدولة ... وكذلك من آثار قانون الطوارئ تواجد أفراد الشرطة العسكرية في الطرقات العامة لأنه عند تطبيق قانون الطوارئ يتم الحفاظ على الأمن الداخلي أيضا عن طريق الجيش ويكون رئيس الجمهورية هو الحاكم العسكري للدولة (أو وزير الدفاع لا أذكر على وجه الدقة) ..... وبصراحة مش فاكر أكتر من كده لأني عايز أنام بشدة .. بس في بلاوي اللى أنا قلته ده أخفها ...

ولكن الذي يحدث عملا منذ بدء تطبيق قانون الطوارئ عام 1981 حتى الآن هو مزيج من تطبيق قانون الطوارئ والقانون المدني معا .... يعني بالبلدي بيطبق قانون الطوارئ على اللى يعجبه ويطبق القانون العادي على اللى يعجبة

**ouba2** · 28-11-2008 03:32 AM

هو سؤال مستفز بس لو حصل هاردلة القلم قلمين

**meza** · 28-11-2008 04:54 AM

كده الصورة وضحت حبتين ... إحساسى فعلاً إن قانون الطوارىء لا يطبق إلا على اللى يعجبهم يا أستاذ أيمن ... و أقرب مثال أعضاء الإخوان.

على العموم كل دى قوانين لا مبرر لها سوى ضعف من الحاكم ... لأننا ولا إحنا فى حالة حرب تستدعى كل التعدى على الحقوق ده .. و لا معندناش سياسيين أكفاء ينضفوا القانون من القاذورات دى.
لو عاوزين يشيلوا القانون ده فى يوم و ليلة هيعملوها زى ما حصل فى 76 ... لكن باين عليهم مش واخدين بالهم أو مستمتعين بالموضوع.

ربنا يهدى.

**ELBASHA** · 28-11-2008 06:29 AM

لو ضابط او امين شرطه او عسكري او اي رتبه عسكريه ايا كانت ضربتك او مدت ايديها عليك و هو لابس البدله الميري اوعي تقرب منه ولا تضربه حتي لو كان جوه بيتك!!!!!
لان هيبه الوزاره من هيبه رجالتها
و استحاله الوزاره حتديك حقك و انت غلطان في ضابط لابس ميري
الحل انك تروح تشتكي في مديريه الامن .

مثال قريته فى الكتاب بتاع عمر عفيفى: مش من حق الظابط إنه يفتش عربيتك ولا يمد إيده فيها إلا بإذن من النيابة لأنها ملكية خاصة

من حق الضابط انه يفتش عربيتك بحجه انه مشتبه فيك لكن يبقي ضابط مباحث مش ضابط مرور