الموضوع: زيت محرك لانوس

المشاركة الأصلية كتبت بواسطة borio1704

بالنسبة للمعلومات حول مواصفات الزيت.. فغالبا بتكون في واحد من 3 أماكن:

1- صفحة الكشف عل الزيت وتغييره في قسم الصيانة في الكتالوج
2- قسم بيانات السيارة - عادة بيكون آخر قسم في الكتالوج ومكتوب فيه معلومات فنية عن السيارة... ومنها مواصفات السوائل الموصى بها.
3- (في السيارات الأوروبية اعتبارا من 2010 تقريبا) في كتالوج منفصل خاص بصيانة السيارة .. ويشمل جدول الصيانة ومواصفات السوائل وقيم الضبط للسيارة.

فغالبا حضرتك هتلاقي مواصفات الزيت في قسم بيانات السيارة.


أنا نزلت كتالوج الشيري A11 من على النت (أعتقد إن مفيش اختلاف كبير بينها وبين الـA15).. تقدر تشوفه من هنا:
Cowin_Manual

في الكتالوج ده كاتبين مواصفات الزيت كالآتي (صفحة 151 من الكتالوج):

اللزوجة:
10W-30
5W-30 (في الشتاء)

مستوى الأداء:
لايقل عن APJ SG (تقدر تستخدم مستويات أعلى زي SH أو SJ أو SL أو SM أو SN).

وكاتبين في صفحة 118 من الكتالوج إن الفلتر بيتغير مع كل غيار زيت:

مدة التغيير:
5000 كم أو 6 أشهر في الحالات العادية (اللي ما بتحصلش مع أي حد في منطقة الشرق الأوسط).
3000 كم أو 3 أشهر في الحالات الشاقة (اللي بتحصل معانا كلنا).

كمية الزيت (حسب الموتور المستخدم):
الموتور الـ2 كامة = 3.75 لتر
الموتور العادي = 4 لتر


ارجع تاني لكتالوج عربيتك واتأكد من المعلومات دي...



طيب... الكلام ده حلو.. بس واضح إنهم عاملين حساب إن العربية بتتباع في الصين.. وإن مستوى السوائل عموما متدني...

لدرجة إني اتفاجئت بمعدل تغيير زيت الفتيس المكتوب في الكتالوج .. بيقولوا تغير زيت الفتيس كل 3000 كيلومتر!!!




طيب .. بالنسبة لاستخدام زيوت تخليقية في الموتور...

طبعا الزيوت التخليقية مواصفاتها أعلى من طلبات الكتالوج بمراااااااااااااااااااحل.. . بس ما حدش قال إن الزيت التخليقي لازم يقعد سنة في الموتور... مين قال كده؟؟؟؟

مدة خدمة الزيت في الموتور هي نفسها المكتوبة في الكتالوج... سواء تخليقي أو معدني.... إلا في حالة واحدة....

إن بروشور الزيت نفسه يقول بوضوح إنه يشتغل في الموتور مدة تصل إلى سنة... والزيوت اللي بتقول الكلام ده قليلة على فكرة.

طبعا دي مشكلة .. لإن الزيوت التخليقية غالية.. ولو ما قعدتش في الموتور الفترة الكافية يبقى لازمتها إيه؟؟


قبل ما نكمل.. خلينا نعرف الأول حضرتك بتمشي كام كيلومتر في السنة تقريبا.


...

السلام عليكم ورحمة الله وبركاته جزيل الشكر لرد حضرتك بمشى حوالى 10 الاف فى السنه بدون زحمه لانى عايش فى مديته جديدة وفى التوكيل بيحطه موبيل وان مع انه مخالف للكتالوج وماكنشى بيكمل 10 الاف لانه بيتبخر ولما استعملت شيل 10w40 اداء السياره افضل خصوصا الدواره الصبح الصوت هادى عن الموبيل وان ولما غيرت زيت لشيل برده بس الاصفر لانى فشلت انى الاقى الازرق 5 الاف زى شيل ماقاله الاصفر 5 الاف المهم صوت الموتور مش كويس الصبح اول ثوانى من التشغيل والزيت ينتشر فى المحرك كل يبقى تمام طول اليوم المشكله الصبح بس صوت تكتكه بسيط ثوانى ويروح الصبح بس علشان كده لازم ارجع لنفس الدرجه 10w40 علشان الموتور يرجع لطبيعته انا اسف طولت عليك رد عليه براحتك انا متابع وشكرا

المشاركة الأصلية كتبت بواسطة borio1704

بالنسبة للمعلومات حول مواصفات الزيت.. فغالبا بتكون في واحد من 3 أماكن:

1- صفحة الكشف عل الزيت وتغييره في قسم الصيانة في الكتالوج
2- قسم بيانات السيارة - عادة بيكون آخر قسم في الكتالوج ومكتوب فيه معلومات فنية عن السيارة... ومنها مواصفات السوائل الموصى بها.
3- (في السيارات الأوروبية اعتبارا من 2010 تقريبا) في كتالوج منفصل خاص بصيانة السيارة .. ويشمل جدول الصيانة ومواصفات السوائل وقيم الضبط للسيارة.

فغالبا حضرتك هتلاقي مواصفات الزيت في قسم بيانات السيارة.


أنا نزلت كتالوج الشيري a11 من على النت (أعتقد إن مفيش اختلاف كبير بينها وبين الـa15).. تقدر تشوفه من هنا:
cowin_manual

في الكتالوج ده كاتبين مواصفات الزيت كالآتي (صفحة 151 من الكتالوج):

اللزوجة:
10w-30
5w-30 (في الشتاء)

مستوى الأداء:
لايقل عن apj sg (تقدر تستخدم مستويات أعلى زي sh أو sj أو sl أو sm أو sn).

وكاتبين في صفحة 118 من الكتالوج إن الفلتر بيتغير مع كل غيار زيت:

مدة التغيير:
5000 كم أو 6 أشهر في الحالات العادية (اللي ما بتحصلش مع أي حد في منطقة الشرق الأوسط).
3000 كم أو 3 أشهر في الحالات الشاقة (اللي بتحصل معانا كلنا).

كمية الزيت (حسب الموتور المستخدم):
الموتور الـ2 كامة = 3.75 لتر
الموتور العادي = 4 لتر


ارجع تاني لكتالوج عربيتك واتأكد من المعلومات دي...



طيب... الكلام ده حلو.. بس واضح إنهم عاملين حساب إن العربية بتتباع في الصين.. وإن مستوى السوائل عموما متدني...

لدرجة إني اتفاجئت بمعدل تغيير زيت الفتيس المكتوب في الكتالوج .. بيقولوا تغير زيت الفتيس كل 3000 كيلومتر!!!




طيب .. بالنسبة لاستخدام زيوت تخليقية في الموتور...

طبعا الزيوت التخليقية مواصفاتها أعلى من طلبات الكتالوج بمراااااااااااااااااااحل.. . بس ما حدش قال إن الزيت التخليقي لازم يقعد سنة في الموتور... مين قال كده؟؟؟؟

مدة خدمة الزيت في الموتور هي نفسها المكتوبة في الكتالوج... سواء تخليقي أو معدني.... إلا في حالة واحدة....

إن بروشور الزيت نفسه يقول بوضوح إنه يشتغل في الموتور مدة تصل إلى سنة... والزيوت اللي بتقول الكلام ده قليلة على فكرة.

طبعا دي مشكلة .. لإن الزيوت التخليقية غالية.. ولو ما قعدتش في الموتور الفترة الكافية يبقى لازمتها إيه؟؟


قبل ما نكمل.. خلينا نعرف الأول حضرتك بتمشي كام كيلومتر في السنة تقريبا.


...

باشمهندس بوريو بعد أزنك ممكن تقولي اعمل ايه

المشاركة الأصلية كتبت بواسطة borio1704

طيب ما أنا قلت لحضرتك تعمل إيه :)


ما تديش ودنك لحد... امشي مع كتالوج عربيتك وبس.



وزي ما قلت لحضرتك... لو حصل والزيت بدأ ينقص.. يبقى تدور على التسريب من الموتور.. ولو ما كانش فيه أي تسريب يبقى نروح على درجة زيت أتقل..


بس كده.

ولو حضرتك لسه متلخبط... تقدر تدخل على الموضوع ده

http://www.nilemotors.net/nile/481878-a.html

الموضوع ده مفيد جدا للحالات اللي فيها الكتالوجات زي كتالوج اللانوس.. درجات لزوجة كتير وبتلخبط صاحب العربية.


...

١_ شكرا جدا لحضرتك
٢_انا قريت موضوعك اللي رشحتوهولى وفعلا فرق كتير معايا وبلذات موضوع ال100000الف بلنسبه للكتالوج ما شاء الله تحس إن العربيه ممكن تمشي بزيت الاكل:-)
المهم انت رشحتلي لزوجه ٣٠_٥ تخليقي معلش للسؤال احنا درجه حرارة الجو في الصيف معديه ال٣٠ درجه فده ممكن ىأثر على الماتور

المشاركة الأصلية كتبت بواسطة borio1704

بص على الصورة دي كده...



شوف آخر سهم تحت في القسم c بتاع الزيوت التخليقية (اللي مكتوب فيه 5w-30 و 5w-40 و 5w-50)..

السهم ده أوله فين وآخره فين؟؟؟؟


قارن السهم ده بالسهم اللي في القسم b ومكتوب عليه 5w-30 بردو


بص.. ما دام عندك راس للسهم يبقى درجة الحرارة في الاتجاه ده مالهاش آخر.. يعني زود درجة الحرارة براحتك...

تقف إمتى؟؟ لما يكون مفيش راس للسهم.


باختصار .. معنى الكلام ده إن الزيت اللي في آخر سهم تحت يشتغل كويس في جميع درجات الحرارة بدون استثناء.

طبعا.. ده بالنسبة لعربيتك حسب الكتالوج بتاعها.



وإذا كنت قلقان.. أنا يا سيدي بستخدم في عربيتي لزوجة 5w-30 (حسب الكتالوج) وعايش في جدة في السعودية.. ودرجة الحرارة بتبقى دايما في حدود الـ35-40 (صبح وليل) ما بين أبريل وأكتوبر... (درجة الحرارة دلوقتي حالا وأنا بكتب أهه 34 مئوية والساعة 10:45 بالليل واحنا كده طول الصيف).


معلش تاني.. سيبك من كلام الناس.. وخليك مع كتالوج عربيتك.


...

كده تمام اوي شكراً لصبرك وسعه صدرك شرحك سلس ربنا يديم عليك نعمه المعرفه وكل عام وانت والامه الاسلاميه بخير

المشاركة الأصلية كتبت بواسطة borio1704

بص على الصورة دي كده...



شوف آخر سهم تحت في القسم c بتاع الزيوت التخليقية (اللي مكتوب فيه 5w-30 و 5w-40 و 5w-50)..

السهم ده أوله فين وآخره فين؟؟؟؟


قارن السهم ده بالسهم اللي في القسم b ومكتوب عليه 5w-30 بردو


بص.. ما دام عندك راس للسهم يبقى درجة الحرارة في الاتجاه ده مالهاش آخر.. يعني زود درجة الحرارة براحتك...

تقف إمتى؟؟ لما يكون مفيش راس للسهم.


باختصار .. معنى الكلام ده إن الزيت اللي في آخر سهم تحت يشتغل كويس في جميع درجات الحرارة بدون استثناء.

طبعا.. ده بالنسبة لعربيتك حسب الكتالوج بتاعها.



وإذا كنت قلقان.. أنا يا سيدي بستخدم في عربيتي لزوجة 5w-30 (حسب الكتالوج) وعايش في جدة في السعودية.. ودرجة الحرارة بتبقى دايما في حدود الـ35-40 (صبح وليل) ما بين أبريل وأكتوبر... (درجة الحرارة دلوقتي حالا وأنا بكتب أهه 34 مئوية والساعة 10:45 بالليل واحنا كده طول الصيف).


معلش تاني.. سيبك من كلام الناس.. وخليك مع كتالوج عربيتك.


...

الحمد لله ربنا كرمني وقدرت احوش 400جندي
وقولت اروح اغير الزيت المهم روحت جبت جركن شل الترا 5/40علشان ملقتش اللي قولتلي عليه المهم انا اسف مسمعتش كلامك وحطيت فالش العامل اغواني غيرنا الفلتر وحطينا الجركن إلا ربع بعد وصله معانده بيني وبينه سمع كلامي في الاخر وقالي دور العربيه بعد مدورت قولت اسمع بقى صوت المتور اشوف في فرق ولا لا مفيش آي فرق قولت اسيبه يسخن يمكن لما يتزيت صوته يفرق ولا آي فرق قولت مش مشكله المهم الأداء وفجأة لقيت دخان ابيض طالع من ناحيه المتور من تحت افتكرت موضوع الجوانات سالت العامل قلي متقلقش حتلاقي زيت وقع واحنا بنغير سبتها دايره ونفس النظام ازود بنزين الدخان يزيد مشيت بيها شويه نفس النظام قولت اركنها واتصل بلميكانيكي قالي لو حصل حاجه حتلاقي الشكمان بيهبب ايه رأيك امشي بيها ولا لا مع العلم علشان اوصل للميكانيكي مش اقل من 50 كيلو منتظر ردك