الموضوع: أستفتاء جديد عن ال byd l3 أتوماتيك 2016

نرجو من الاخوة اصحاب الخبرة والتجربة الرد على الموضوع


انا سمعت ان من عيوب السيارة l3 وجود عيب فى الاستارت مع عدم امكانية الاصلاح و ايضا وجود مشاكل بالفتيس بجانب عدم توافر الاكصدامات ولا اعلم مدى

دقة المعلومة

و جزاكم الله خيرا

أنا يا أخي فكرت فيها و بصراحة ربنا آثرت السلامة و ذي ما بيقول هربت بجلدي... سامع إن في مشاكل شديدة في الفتيس الاتوماتيك و الاهم إن تقريباً التوكيل زي قلته - يعني زي مافهمت مبيعملش الصيانة الناجزة أو بيغير الفتيس و بيسيب الناس تتصرف بعيد عنو و خلاص! عوز متكونش ظالم و إحتمال العربية كويسة؟ جيب من الآخر و روح أقرب مركز صيانة معتمد للعربية دي و أقعد مع الناس أصحاب السيارات أنفسهم... و دول بقى يا حبيبي مهيكونش عندهم هوى - يعني مش مندوب مبيعات و عاوز يجيب الترجت بتاع عشان يصرف حوافز! لو مفيهاش الهوى حتى هتعرف مدى توفر قطع الغيار و اسعارها... كمان إنزل سوق السيارات بتاع مدينة نصر و شوف أسعار المستعمل بتاعها رنجه كام؟ و لو متوغوش يبقى جيب من اللاخر و جيبلك كورلا مستعملة بال-100 أو 120 إلي معاك يا سيدي بس يكون مكشوف عليها في التوكيل ذاته عشان يجيبولك لو فيها حتى الهوى... و تكلفة إصلاح كام؟ و أما تيجي تبيع هتكون فلوسك في جيبك بإذن الله و يمكن تكسب كمان! تويوتا عربيات ذي الحديد :)) ده رأيي المتواضع و برد شوف الاخوة يفيدوك، الله يعملك الاصلح إن شاء الله.

طب و أية أخبار اللوجان أتوماتيك 2016؟؟

من غير كدب انا اشتريتها هيا عربية مش وحشة ومش حلوة يعنى انا قابلتنى مشكلة فيها النهاردة للمرة الثانية بتبطل فجأة ومتدرش تانى الا لما تبرد بعد فترة حتى ولو لسة ماشى بها مسافة مش كبيرة وربنا يسهل واروح التوكيل واعرف سبب الحرارة الزيادة اللى بتحصل وبعدها العربية بتبطل ويظهر علامة الانجين الحمراء ولا تدور الا بعد فترة لكن لم يظهر لى اى حاجة غير كدة حتى اللحظة واظن انا العربية لو مظهرش العيب دة كانت بقت كويسة جدا جدا مقارنة بالسيارت الصينى الاخرى

حضرتك جايبها أتوماتك ولا مانيوال و موديل كام و لو أتوماتك مقابلكش أى نوع من المشاكل مع الفتيس؟؟

العربية اوتوماتك موديل 2016 مظهرش غير موضوع الحرارة الى الان ولم اكمل الالف كيلو

ألف مبروك ربنا يباركلك فيها و يسترها معاك , خلى بالك أنا سامع شكاوى كتييير من الفتيس الأوتوماتيك و ناس كتير بتنصح بتغيير الزيت الأصلى من الأول كدة عشان ردئ جداا ... تابعنا بأحوال السيارة و خصوصا الفتيس أنا ناوى أجيبها بردة بس موضوع الفتيس دة قالقنى جدااا

http://www.nilemotors.net/Nile/483467-a.html