الموضوع: موضوع للنقاش ياترى احنا مع ولا ضد اوبر وكريم

انا مع اوبر قلبا وقالبا, بصراحه سواقين التاكسى لو هما بيراعوا اكل عيشهم مكنش الناس قرفت منهم
اول ما نزل التاكسى الابيض ابو عداد الناس فرحت بيه جدا, حتى لو كان حيبقى اغلى شويه من التاكسى العادى , بس كفايه ان العداد حيكون موجود و مقعدش احمل هم الخناقه مع سواق التاكسى, وكان بيقبل اى مشوار لانه مشغل العداد.
حاليا التاكسى الابيض زى اللى قبله, عداد مقفول , تقدير جزافى و تعسفى, تناكه فى المشوار , لا مروحش لا مدخلش, فطبيعى الناس قرفت منه.
على الاقل مع كريم واوبر , يوم ما يضيق بيا الحال حلاقى شركه اكلمها اخد منها حقى, انما السواق دا حتكلم معاه ازاى, وحاخد حقى منه ازاى.
للاسف سواقين التاكسى لا بيطبقوا قانون ولا بيحترموا عميل .

المشاركة الأصلية كتبت بواسطة Amr_MO

معاهم طبعا ومع استمرارهم توسعهم في كل الحافظات ولكن اذا ظلوا في نفس المستوى المتحضر ونفس جودة الخدمة من كل النواحي

وبالمناسبة اوبر شغالة في معظم دول العالم المتحضر من ضمنها أمريكا، ومحدش سمع ان السائقين هناك عاملين اضراب لأن جودة خدمة التاكسي العادي في امريكا ايضا محترمة وتقترب من الاحترافية وعشان كدة مش خايفين من الشركات الاخرى المنافسة زي اوبر

انما هنا سائقين التاكسي - الا من رحم ربك - بلطجة وقلة ذوق في التعامل وخصوصا موضوع اللعب في العدادات وقبوله قرش حرام يدخل جيبه بدون وجه حق ده اذا شغل العداد كمان، لدرجة انك قبل ما تركب التاكسي بقيت تقوله عدادك شغال ياسطى يقولك كل سنة وانت طيب اقوله وانت طيب طريقك اخضرـ تروح مكان زي المطار مثلا يقولك اصل انا هرجع فاضي، مانا ممكن اروح معاك مشوار لوسط البلد وتقعد تلف طول النهار ومحدش يرضى يشاورلك ويركب معاك لأن دي ارزاق وممكن تروح المطار وتلاقي حد تاني بيشاورلك من هناك، سواقين التاكسي مفكرين علشان الزبون هيدفع 20 ولا 30 جنيه في مشوار يبقى هو قاعد على تل فلوس، يبقى نحلبه على قد ما نقدر، ده غير السجاير وحالة العربيات المزري

يحسنوا من نفسهم الاول بعد كدة يتكلموا على الشركات المنافسة، مش بلطجة وسوء خدمة وعاوزين الناس تركب معاهم بالعافية!!

طبعا انا راى من رايك بس فى معلومه غلط فى كل دول العالم حصلت وقفات ضد اوبر من سائقى و شركات التاكسى و فى دول الحكومات فرضت عليهم يبقو شركه و عندها موطفين و تدفع ضرايب او تبطل تشتغل زى استراليا انجلترا فرضت عليهم يجمعو معلومات و ملف عمل زيهم زى بقيت الشركات عن اى موظف و يدفعو ليه ضمان اجتماعى و فى دوله تالته فرضت عليهم يعلو قيمه الركوب عشان المنافسه مبينهم و مبين التاكسى ف اصلا البيزنس موديل ده عامل مشاكل لانه لسه مش متاخد عليه بس برضه معاهم انهم يستمرو بس سدفعو ضرايب زيهم زى التاكسى و بس و التاكسى يحسن من نفسه و خدمته لو عايز يتشغل و ينافس

[youtube]https://www.youtube.com/watch?v=q2pqDph8Flk[/youtube]

سبجان الله فعلا شبه اجماع ان الناس عايزه الخدمه النظيفه حتى لو هدفع اكتر يعنى ادفع مقابل حاجه اخدها بس لازم تقنين وضع سواقين التاكسى وفعلا تقويمهم هو الحل مع تطبيق قانون عليهم

أنا ضد أوبر وكريم

ومع سواقين التاكسي البلطجية قلبا وقالبا

عشان احنا وطن مينفعش يبقى نضيف وتتقدم فيه خدمة محترمة

فاشمعنى دي يعني اللي هتمشي

لازم يتقتل جوانا أي حلم أو أمل أو ضوء أخضر

لازم تحطموناااااا