الموضوع: ثقافة الدراجات بين شعوب تستمتع بها و اخرى تجتنبها و تصنع لنفسها الازمات

انا شايف ان اكبر مشكلة تقابل دخول ثقافة الدراجات لمصر هي الشوارع نفسها

لأن كل الدول اللي ذكرتها في الموضوع شوارعها تحتوي على تراكات خاصة للعجل فقط يقدر راكب الدراجة يمشي عليها بمنتهى الأمان , ده غير توافر الجراجات الخاصة بيها في معظم الأماكن

لكن طبعا هنا في مصر مفيش الكلام ده و مش هاينفع يكون موجود لأن ده محتاج عقود عشان تقدر تعدل في الشوارع زي بره , اصلا المشاه مش لاقيين مكان يمشوا عليه في وسط الزحمة الرهيبة فما بالنا بالعجل

انا شايف ان ركوب العجل في مصر حاليا مخاطرة كبيرة نظرا لأنعدام النظام في شوارعنا و عدم توافر ابسط شروط الأمان وارتفاع معدل الحوادث ووفيات الطرق عندنا بدرجة كبيرة جداً بالمقارنة بالدول المتقدمة

... للأسف

1- فعلا اول مشكلة هى الطرق المناسبة ..... مش موجودة
(مشكلمة يمكن حلها)
2- ثقافة ان الدراجات هى وسيلة التنقل للفقراء فقط .... كم التريقة على الانسان اللى حيفكر يستخدم الدراجة فى الذهاب للعمل .
(مشكلة يصعب حلها )
3- ايجاد المكان المناسب لركن الدراجات ... و ازاى تحميها من السرقة

السلام عليكم ورحمة الله وبركاته على مااظن ان الصين اول دوله صنعت الدراجه عدد كبير من شعبها بيستخدمها وكمان كمواصلات زى التوك توك كده وبيسترزقه منه وفى دول اخرى الهند وتايلاند وغيره المهم اولا الشعب المصرى عدده مش كبير لكن غير منظم والدوله خلال 60 سنه فشلت فى توزيع السكان بشكل علمى مدروس وجمعت روس الاموال والشركات والشركات والاستثمارات بانواعها فى القاهره الكبرة وضواحيها وانشاء المصانع للاسف على الاراضى الزراعيه فى مسترد والخانكه وشبرا الخيمه مما جعل الهجره من الريف الى المدن وانشاء المناطق العشوائية حول المصانع يعنى اسكن قريب من شغلى ودى الكارثه الحقيقية على مصر العشوائيات اللتى خرج منها اطفال الشوارع 4 مليون واصبحت اسر الشوارع وفى عهد مبارك تركة الدوله التخطيط والبحث العلمى واصبحت القاهره تغرق فى الزحام فى الخمسنات كانت مصر 18 مليون والقاهره الكبرة 800 الف توزيع جغرافى جيد والان القاهرة الكبره 28 مليون ومصر 90 مليون ونعيش على 6 فى المئه من مليون كيلو متر مربع وفقدنا اكثر من 120 الف فدان من الاراضى الزراعيه خلال ثورة 25 يناير ومازلنا نخسر الاراضى الزراعية اما بلبناء عليها اولقلت الماء زملائى مصر تحتاج عهود طويله لتعود الى ركاب العصر الحديث فى النهايه كيف اركب دراجه فى القاهره مع كل الزحام والفوضى وهواء ملوث انا اعيش فى مدينه جديده وبعيد عن الزحام والتلوث واقدر اركب عجله براحتى يبقى الحل انشاء مدن جديده بمناطق صناعيه وتوفير كل الخدمات وتوطين الشعب فيها بكل مميزات المدينه ده الحل توزيع جغرافى للسكان وقتها بس تقدرتركب عجله يحينا ربنا وشكرا

المشاركة الأصلية كتبت بواسطة hugan

الشوارع المعفنه بتاعتنا لاتصلح للمشي او الدراجه
انا اشتريت موتوسيكل روحت بيه الشغل يوم
رجعت لقيت مراتي بتقولي انت كنت شغال في اي ورشه
من الهياب والدخان والتراب بتاع العربيات والميكروباصات
مابالك لو ركبت عجله
وفي الصيف
تخيل بقي

السلام عليكم ورحمة الله وبركاته تخيل انتى قلت فى كلمتين اللى انا عايز اقوله وعمال ارغى واكتب المهم الحل ايه نهد القاهره ونبنيها على نضافه وله انشاء مدن متكامله المصنع والسكن والمدرسه والمستشفى كله فى مدينه متكامله وكمان مركز شباب وحديقه عامه ومول ومطاعم على قد الحال مش 5 نجوم انا بقول فكره مدينه للغلابه الصبح فى المصنع واخراليوم يتمشى ويروح النادى يعيش حياه ادميه ده حلم انا عايش فى مدينة الشيخ زايد اجمل مدينه بس للاسف مش كامله ومش منسجمه مع بعضها اللى هقوله مش حقد لكن المدينه فيها مساكن شعبيه وفيها كامبون وفلل وقصور خياليه عربيه 128 وجنبيها c500 مرسيدس طبعا مفيش انسجام انا عايز مدينه لاغلبية الشعب المصرى الطبقه المتوسطه والفقيره كفايه خلل فى المجتمع المصرى غنا فاحش وفقر ظالم والطبقه المتوسطة ضاعة فى النص وشكرا

ما الفايدة التى ستعم على الدولة و على المجتمع و على البيئة و على المواطن
الفوائد لو دخلت الدراجات ثقافة الشعب المصري
فى الاستخدام اليومي:

1-وقف استنزاف الدولار من البنوك المصرية
طبعا الطلب حيقل على العربيات
و دا حيخلق توازن فى سوق السيارات و حتختفى حتة الاوفر برايس
زى الشركات المجرمة اللى بتعترف على الملىء بانها بتبيع اغلى من السعر الرسمي بلا اى حساب http://www.nilemotors.net/Nile/48418...post3876055296
و مازلت عند كلمتى (ان تجارة العربيات فى مصر اصبحت اقوى بكتير جدا من تجارة المخدرات )
2-مفيش ازمة بنزين و سولار (بس قطاع كبير من السواقين مش حيعرف يشتغل فى السواقة و لازم يغير المهنة .... هو سلبي من ناحية و ايجابي من ناحية تانية )
3- امراض كتير حتقل ... ناس كتير بتعيش سنين تحلم بانها تفقد قليل من الوزن او انهم يتخلصوا من بعض العادات الضارة زى التدخين و غيره .... و ربنا ادانا عقل و ممكن ببساطة يكون مصدر لحلول المشاكل او ممكن يكون سياج مكهرب يمنعك من الخروج من اى مشكلة

تخيل كل التلاميذ (مدارس ) (نفسي بدل ما يفكروا يدوا التلاميذ تابلت يدوهم عجل ... حيستفيدوا اكتر ... العقل السليم فى الجسم السليم و ليس العكس) و طلاب (الجامعات و المعاهد) بيستخدموا الدراجات فى الذهاب لمكان التعليم .... حيدخل فى منتهى الهمة و النشاط و فى اعلى حالات التركيز و الاستيعاب

تخيل ان ملايين بيستدخموا الدراجات كل يوم للذهاب الى العمل او لقضاء المشاوير او غيره من الانشطة
# حنخف كتير عن مرافق الدولة (طرق و وسائل النقل العام ... و المفروض ان الدولة فى المقابل تهتم باقامة طرق خاصة للدراجات و اقامة جراجات خاصة للعجل فى التجمعات و الميادين الكبيرة زى التحرير و الجيزة و غيرهم و يكون الجراج فى المرة او الساعة بسعر رمزى مثلا 10 قروش او اقل و الحساب بكروت مدفوعة مقدما .
https://www.youtube.com/watch?v=WBJ-8na9LUg

https://www.youtube.com/watch?v=ta7CYAjyHa4