الموضوع: احذروا سرقة اللانسر بالذات

يا عم اكيد الحرامى اللى بيسرق العربية بيكون عارف الكلام دا ومش بعيد يكون ميكانيكى وفاهم واكيد عندة حل سريع

لا يا هيما مع تقديري ليك انا ححكيلك موقف بقي حصل معايا شخصيا عند الميكانيكي و علي فكره دا راجل قديم جدا و استاذ في مهنته كانت العربيه عنده و كنت عامل المفتاح دا في حته كلها مفاتيح كده جنب شداد الكبود المهم عيل و هو بيفتح الكبود ما تعرفش او بينضف اتك غلط عليه و قعدو يدورا في العربيه لا حيل الله راضيه تشتغل ابدا يجي حوالي ساعه و بعتو جابو كهربائي برضه مفيش فايده قال الموبينه بايظه و محد جه في باله خالص لحد ما جيت و انا برضه فضلت عشر دقايق تخيل م مستوعب الموقف!!!! لحد ما افتكرت و شغلتها
و علي فكره الحرامي عاوز يجي يدور العربيه دارت دارت ما دارتش في ثواني حيسبها و يهرب مش حيقعد يحاول معاها نص ساعه ولا ربع ساعه ولا حتي خمس دقايق علشان بيبقي خايف لا حد يمسكه ؟لاء بيبقي خايف لحد حتي يلمحه مش يشوفه و ما تعمله زياده امان حتخسر يه؟؟دا رايي عموما انما بقي ما نقعدش نفكر في حاجات مستحيل انها تحصل لو جيت سوري يعني تفكر بدماغ لحرامي و تحط نفسك مطرحه سوري تاني دا للتشبيه بس حتلاقي نفسك ما تعرفش تفكر نهائي في موقف زي دا و لا يجي تفكيرك انك تقعد تدور في العربيه و يا عالم حتلاقيه فين او يمكن ما تلاقيهوش و بعدين بقولك حطه في مكان مخفي عن العين عمر ما حد حبيوصله غيرك
طب الحل التاني انك تيل سلك الموبينه ؟دا صعب متهيالي لاء و بعدين فين الحرامي اللي حيجي يسرق و جايب طقم اسلاك بوجيهات معاه و لا عند وقت يفتح كبود و يوف العربيه مش بدور ليه؟؟؟!!!1

اصل الفكرة ان الواحد بيبقى صعبان عليه اى حد يعمل اى حاجة فى العربية وهيه جديدة كده . انا مركبتش انذار عشان كده وقولت استنى شوية
وهو ينفع موضوع الزرار ده فى العربيات الجديدة كمان

اصل الفكرة ان الواحد بيبقى صعبان عليه اى حد يعمل اى حاجة فى العربية وهيه جديدة كده . انا مركبتش انذار عشان كده وقولت استنى شوية
وهو ينفع موضوع الزرار ده فى العربيات الجديدة كمان

و الله دي فكره و انا شايف انها فكره كويسه و حقولها تاني عندك تعمل حاجه زي كده و تنسي الحراميه خالص ولا تبقي نايم قلقان و خايف و مرعوب ؟؟
القرار الاخير ليك طبعا

يا حازم انا كنت ناوى اعمل الموضوع دة فى العربية الى بعتها بس لما رحت للكهربائى قالى مش هتلاقى مفتاح يستحمل كهرباء العربية كلها وممكن يسيح منك فى الحر ويعملك مشاكل وطبعا دة مخلانيش اعمله فهل الموضوع دة حصل فى الكرولا ال 2004 ولا ايه الموضوع؟؟

متركب ليها مفتاح مقاومته كبيره شويه و بعدين هيا كل الحكايه السلك اللي داخل للمبينه بيقطع و يوصل المفتاح دا و بعدين خلاص تتحكم انت فيه من عندك و كان راكب كمان علي الكورولا ال 95 اللي كنت حاكيلك عليها
هو بيركب علي الموبينه بس مش العربيه كلها خلي بالك