احذروا سرقة اللانسر بالذات

**hegazy** · 14-05-2007 10:36 PM

طب كان اية موقف شركات التأمين من السرقة؟؟
هل تم التعويض؟ ولا التأمين مصاريف بدون عائد؟

**awny_douha** · 07-06-2007 10:38 AM

ياجماعه في حل بسيط جدا لسرقه اي عربيه هوه مكلف شويه بس امان
في السعوديه في شريحة موبيل تحطها في العربيه في مكان محدش يعرفو غيرك ورقمها بيكون معاك لو لاقدر الله العربيه اتسرقت تقدر في اي وقت تتصل علي الشريحه العربيه تتكلبش مكنها ومتتحركش
هوه تقريبا سعره 750 ريال
انا موجود في السعوديه وتحت امركو في اي استفسار

**اسامة عبد العزيز جابر** · 07-06-2007 11:57 AM

ياريت يا أستاذ عونى توضح أكتر كيفية عملها وهل تنفع تتركب فى مصر. والف شكر مقدما

**emadfk** · 07-06-2007 03:22 PM

ياريت يا أستاذ عونى توضح أكتر

**hegazy** · 07-06-2007 10:32 PM

طب لو حد طلب نمرتها غلط؟

**Dr Ahmed** · 08-06-2007 01:04 AM

المشاركة الأصلية كتبت بواسطة hegazy

طب لو حد طلب نمرتها غلط؟

تبقى مصيبة صحيح!!! بس لازم يبقى لها حل عند صاحبها.. يعنى زى ما فيه رقم يثبتها فيه رقم يفكها ، وأظن كده الشريحة تركب على كمبيوتر العربية ، ودا لا يمكن يحصل فى مصر....

باختصار انسو الحل ده

هو جهاز الانذار اللى بيقطع المارش أو كلبش الدركسيون أو كلاهما

**hegazy** · 08-06-2007 09:50 AM

انت تقصد الجهاز الي بيسنعملوه في تقجير القنابل عن بعد الي بنشوفه في الافلام الامريكاني؟

افتكر مفهوش مشكلة الجهاز دة... لان لازم يطلب رقم سري بعد ما يفتح الخط.. الي هيطلب الرقم غلط عمرة ما هيعرف يخمن البن كود.

لو كمان الجهاز ده يكون معاة وحدة جي بي اس.... دا يبقى فظيع.. بكدة ممكن الجهاز يقلك مكانة بخطوط الطول والعرض.
وعلى العموم ممكن نظريا بتعاون بسيط من شركة المحمول تقولنا احداثيات الشريحة فين بالضبط. داخل دائرة نص قطرها 1.5 كيلو.

**kimo_oo** · 25-07-2007 02:49 PM

المشاركة الأصلية كتبت بواسطة hero

يا جماعه العملية اسهل من كدة بكتير....

ايلي بيسرق سيارة بيكون زي ما قولتوا مستعجل جداا ومش عايز اي حد ياخد بالة انة متوتر او خايف او يحس انة بيسرق...
يعني بمنتهي البساطة كل ما تصعب علية عملية السرقة وتخليها محتاجة وقت اطول يكون احسن...

اولا :لو هاتركن العربية باليل...غطيها ..لان دة معناة علي الاقل 5 دقايق في رفع الغطاء
ثانيا :كلبش الدركسيون دة كويس قوي حتي لو هايتفك برضة فدة معناة كمان 5 او 10 دقائق
ثالثا: الانذار ودة مهم برضة لان حتي لو الحرامي عايز يفصلة دة معناة كمان 5 او 10 دقايق

وربنا يرحمنا ويعافينا من الحرامية ...ويهدي كل عاصي...

**sarhan** · 03-08-2007 09:49 PM

الله يعوض عليك

**sarhan** · 03-08-2007 09:51 PM

كان مرة واحد عندة عربية نوبيرا 2001 وواقف في البلكونة في الدور السادس وشاف العربية بتاعتة وهيا بتتسرق قلهم انتم بتعملوا ايه قالولو بنسرق عربيتك !!!!!!!!!!