الموضوع: الصعايدة وصلوا !!!

المشاركة الأصلية كتبت بواسطة نور القمر

اهلا بيكي Mystique نورتي الموضوع يا جميل
واتشرفت بوجودك معانا
ايه رايك اكيد انتي كمان عندك مغامرات زي اي طفل او حتى كبير
ايه رأيك تشاركينا بمغامراتك
اضم صوتي لصوتك وجربوا وسافروا مش خسرانين حاجة

ميرسي على زوقك يا نور..الموضوع والمنتدى كله منور بوجودك فيه بمواضيعك الرائعة
واتشرفت بكل الأعضاء الصعايدة..وبحيي الأعضاء بلدياتي..نور بيجو وإسلام بنا

ضحكتني كتييييير حكاية لجمة دي

وحتة الري دي..شكلك كنتي شقية موت وانتي صغيرة
مستنيين باقي حكاياتك الجميلة

أنا فعلا أكيد ليا مغامرات في البلد..يمكن من كترها مش قادرة أفتكر حاجات محددة..بس هحكيلكم واحدة من المواقف اللي كل ما افتكروا أمووت من الضحك والعجب من الجرأة اللي كانت عندنا ساعتها.

مرة زمان وانا عندي 8 سنين كدة..كنت ف طهطا ومعايا 3 من ولاد خالاتي..كانوا واحدة 9 سنين وواحد 8 سنين وواحد 6 سنين..كلنا مش عايشين ف طهطا..بننزل بس أيام تجمعات الأهل..فمنعرفش نمشي ف البلد..

المهم..طلع ف دماغنا اننا نطلع على الزراعية اللي قدام بيتنا اللي هناك..ومحدش ف البيت عارف احنا طلعنا ولا رحنا فين..وقعدنا نلعب ونهيص وسرحنا ف المشي لبعيييييييييييد خالص واحنا ولاااااااا دريانين..وف اخر الزراعية دي ف سكة القطر..رحنا قعدنا نلعب هناك ونحط زلط عشان القطر لما يعدي عليه يتقلب..تقولوا ايه..مواهب إجرامية من الصغر يعني..
فضلنا عايشين حياتنا:k52: لحد لما الدنيا ضلمت..واحنا مش عارفين نرجع ومش عارفين احنا فين وتعبانين وجعانين..والكلاب ظهرت :k20:واحنا من خوفنا بنجري فتجري ورانا..وكلنا بنعيط وخايفين :K14:ومستنيين عمو جوز خالتي ولا أي حد ييجي ياخدنا بعربيته..قعدنا كتير كدة..وواحنا بنجري وصلنا ف الاخر للعمران والبيوت والمحلات..فضلنا هناك لحد لما فعلا خالي جه بالعربية كان بيلف بيدور علينا ف الشوارع..لحد لما لقينا..طبعا سلمنا لأهلنا ف البيت:k20:..ومش هقول اخدنا علقة واحدة محترمة..تخيلوا بقى أمي وأخواتها وأجوازهم والعائلة والأهل والأحباب وكله كان مستنينا على أحر من الجمر:k22:..ومنجيلكمش ف حاجة وحشة


في مواقف تانية برضه..كل ما هفتكر حاجة..هاكتبها.

المشاركة الأصلية كتبت بواسطة aif

هو ايه حكاية الكشك ده .....
انا بأحبه جدا .... خصوصا لما يبقى علي شوربة فراخ بلدي .....يا سسسسسلام
لو فيه اي تفكير في كشك يبقى ح آكل معاكم ...

استاذ احمد باشا هنا يا مرحبا يا مرحبا
بس مقلتش ليك علاقة بالصعايدة من قريب ولا بعيد ولا داخل الموضوع مدسوس علينا من الاعداء هههههههههههههه
بس شكلك كدة مدام عارف الكشك بكسر الكاف تبقه ليك علاقة بالصعيد
اكله خرافة ميعرفهاش غير الصعايدة لكن هنا في القاهرة في اكله تانية اسمها كشك بردو بس غيرها خااااالص

بس على فكرة احنا كنا بنتكلم على كشك بضم الكاف
وده مشروع عمله واحد بلدياتنا في نكته من نكت الصعايدة
بيقولك واحد صعيدي لما خلص الجيش مش لاقي حاجة يشتغلها راح فتح كشك شرطة عسكرية

فقررنا انا وكام واحد بلدياتنا نفتح مشروع زيه
ايه رأيك اكب اسمك معانا ههههههههههههههههه

اما الكشك الاكل بقه هاطبخ لك حلة كشك على فرخة وشوية رز وابعتهم لك ب DHL هههههههههههههههههههههههه

ههههههههههههه Mystique بصراحة تستاهلي الضرب
عايزين تقلبو قطر يا مفترية
وبتقولي عليا انا شقية ههههههههههه ده انا كدة قمة البراءة جنبك
نورتي الموضوع يا جميل في انتظار المزيد

المشاركة الأصلية كتبت بواسطة دموع الثلج

ممــــــــــــكن انــــــــضم الى حـــــزب الصعـــايده

واشــــــوفهم وصلــــوا امتى ومحدش قالى ليه اروح انتظرهم

على المحطه


خدونى معاكى بــابا وماما بالجمله اهوه
من محافظه قــنا
بس من صغرهم عايشين فى القاهره
وانا مروحتش قنا دى غير مره واحده وانا فى ابتدائى ودمتم

يا بنتي احنا وصلنا امبارح
معرفناش نبعت تلغراف امبارح كانو قافيلن
وصيت ابن عمي يبعته في اي وقت
كلمني على الموبايل قالي ان جاي مصر بكرة يبعته من مصر احسن ههههههههههه
منورة دودو بس حاولي تشوفي كدة اكيد ليكي قرايب هناك وحاولي تزوريهم على الاقل تشتي ببلاش بدل ما تروحي الاقصر ولا اسوان

نسيت جزئية في حكاية لجمة مخلاص الكل عرف وسيرتي بقت على كل لسان
الولد اللي كان مستقصدني وبيلم عليا العيال
فوجئت بيه مرة هنا في القاهرة في شارعنا
مكنتش فاهمه ايه جابه
اتاريه قريب ناس جيرانا بلدياتنا
الولد على طول جهز نفسه وقعد يسقف ويقول لجمة معتقد انه هايلم عليا العيال هنا كمان
محدش عبره هههههههههههههههه بصيت له من فوق لتحت بمنتهى الاحتقار ومشيت
الولد ده لما كبر ودخل الجيش جه لبابا اللي يرحمه علشان يوصي عليه في الجيش
متعودين احنا على كدة اي حد يدخل الجيش يجي لبابا بيظبطه
الولد كان داخل ومكسوف مني وحاطط عينيه في الارض طول القعده
ومن محاسن الصدف ابن عمه يخطب اختي ويتجوزها
حكيت لجوز اختي على القصة كلها من البداية للنهاية مات على نفسه من الضحك وراح قاله
ههههههههههههههههههههههه وعرف اني لسه فاكراه وحاطاه في دماغي ومستنية الفرصه المناسبة للانتقام

المشاركة الأصلية كتبت بواسطة نور القمر

منور يا ولد العم
ايه رأيك نعمل انقلاب عسكري
ولا نفتح كشك شرطة عسكرية ده بيكسب اوي على فكرة
اي احد هربان من الجيش نغرمه 10 جنيه عن الليله
منور الموضوع يا نور من غير قمر

مواضيعك كلها حلوة قووووى يانور .... بجد

ودايما ليها مذاق خاص و بتشد قووووى

بس انتى كدة هتعملى غزو للنايل موتورز نحتلة و نسمية صعيدى موتورررز

انا بقى من اسيوط تحديدا من قرية النخيلة بمركز ابوتيج

وعشت فيها لغاية ما اخذت بكالوريوس الصيدلة من جامعة اسيوط

و الجيش بقى كان عندكم فى المنيا فى مطار تلا الحربى لانى كنت خدمات طبية

بالقوات الجوية قضيت سنتين لانى كنت ظابط فعلا المنيا جميلة قووووى

وحاليا انا اتعالجت(ههههههههههههههه) و عشت فى القاهرة

بس ياريت يا نورر يا حبوبة تغيرى العنوان ..... بجد

لحسن عنوان الصعايدة و صلوا دى تضحك ثم احنا واصليين من زمااااااان

مثلا خلية (مذكرات صعيدى)

وشكراااا على موضوعك الشيق