الموضوع: الصعايدة وصلوا !!!

كان بابا الله يرحمه لما بنسافر بيدينا صلاحيات لحاجات نعملها ممنوعه على البنات في البلد لانها عيب جدا وقلة ادب

:
:
:
:
:

كان بيخلينا نصطاد سمك
وكنا بنعمل الصنارة بنفسنا
نشتري خيط بلاستيك وسن الصنارة واي عصاية شجرة
وكل اطفال العيلة تترص جنب بعضها ونقعد نصطاد
حتى بنات العيلة اللي عايشين في البلد كانوا بينتهزوا الفرصة ويقعدوا يصطادوا معانا
وكنا نقعد نصطاد لحد ما نتعب
صحيح كان 99% منه سمك صغير اوي بس كان متعه حقيقية وسعادة كبيرة كل ما اصطاد سمكاية
وبعد كدة يجي دور ماما ربنا يخليها ويديها الصحة وهي قعدة متنرفزة ومش عاجبها الوضع لانها هاتتدبس في تنضيف السمك ده
بس والله كانت احلى اكله سمك الواحد بياكلها
الله يرحمك يا بابا وحشتني اوي ومفتقداك اوي

المشاركة الأصلية كتبت بواسطة hossameid

ودة اكبر دليل على انها ترعة مش بحر
1- البحر بيصتادو فبه بسنانير كبيرة او شبك مش عصيان شجر
2- مينفعش تصتادى وانتى عالرملة فلبحر لازم تكونى فوق لسان او بلوك اسمنت او فمركب
3- البحر فيه سمك غير البلطى :-]

حضرتك انا فاهمة الفرق بين البحر والترعه والنهر
البحر معروف للجميع مية مالحة مساحته واسعه جدا متشوفش نهايته
ومش بياخد الشكل الطولي المعروف زي النهر والترعه
وعمر ما هيكون في بحر بالمعنى المتعارف عليه ويكون فرع من النيل
اللي انا بتكلم عليه فرع من النيل اسمه مركب من كلمتين(بحر+يوسف)
مش معنى كدة انه مقصود منه بحر كبحر حقيقي
ممكن نوصل لحل وسط ونسميه ترعة بحر يوسف
مبسوط كدة