الصعايدة وصلوا !!!

**نور القمر** · 03-12-2008 11:43 AM

المشاركة الأصلية كتبت بواسطة ahmed_su

أحب ان اضيف للصعايدة المنتدى كمان واحد

اكتشفت الموضوع ده النهاردة بس (موضوع نور - مش انى صعيدى .!!! )

انا كمان اهلى من المنيا وكل اخوالى واعمامى عيشين فى مدينة المنيا

وفعلا المنيا من اجمل المحافظات اللى شوفتها مش تحيز بس هى دى الحقيقة

كورنيش من اروع مايكون - ملوكى (كان بانيه الملك فاروق علشان زوجته ناريمان )

محطة قطار كانت من اروع مايكون بس للاسف اصابها مااصب مصر كلها من قبح بدعوى التطوير والتجديد بس للاسف للاسواء

وكمان بتشتهر بالحنطور بس خلاص التاكسى الابيض زحف عليه ومتبقاش منه غير اعداد قليلة بس - بس ميزة التاكسى اى مشوار ب 2 جنيه وتاكسيات نظيفة موديل السنة .

بس الزحام بها بقى شديد عكس الاول ولان المحافظة طولية وعرضها قليل فالتوسع محدود والناس تكدست فى شريط ضيق .

ومع ذالك تظل جميلة :k8:

لما اتجوزت اخذت زوجتى ورحنا الى المنيا عدة مرات واعجبت بها جدا وتلح علي للذهاب هناك مرات اخرى لانها اعجبت بها وباهلها جدا .

شكرا يانور ...طلعنا بلديات يابوى

مواضيعك مميزة وبقت تثير مشاعر كانت قربت تتنسى :k10:

اهلا بيك بشمهندس يا بلدياتي منور الموضوع :k10:
بكون سعيدة جدا كل ما الاقي حد بلدياتي
على فكرة المنيا دلوقت فيها مدينه جديدة اسمها المنيا الجديدة شرق النيل
في منتهى الجمال والبنايات هناك كلها لا تتعدى الخمس ادوار واستايل واحد تقريبا
وبينهم كل بناية والتانية مساحات واسعه وخضرة
وعاملين بطول المنيا الجديدة جزيرة في النص فيها خضرة وكراسي
وناس كتير بتنزل في الحر تروح المنيا الجديدة
والجو هناك في عز الصيف بيكون منتهى الجمال
منور الموضوع بشمهندس

**نور القمر** · 04-12-2008 01:19 PM

المشاركة الأصلية كتبت بواسطة ASKAFRAWY

لا بلاش فضايح بقى

اللبانه دي بتاعتي لو سمحت

**نور القمر** · 04-12-2008 01:33 PM

وانا صغيرة كنت بشوف العيال هناك معاهم حاجتين معنديش منهم كنت هتجنن ويبقه عندي زيهم
اول حاجة البنات بيلبسوا في رجلهم حاجة اسمها بنص دي عبارة عن جزمة بلاستيك بالوان خرافه هههههههههههههههه كلها طبعا فاقعه اوي اشي اصفر او اورنج او فوشيا .... الخ
كنت بقعد اتحايل على ماما بالايام والليالي تجيب لي واحد مش راضية
جات لي فكرة خطيرة قلت ابدل صندلي مع بنت واحد كان بيشتغل في الغيط بتاعنا هههههههههههه
وطبعا هي ما صدقت عمرها ما لبست صندل
وروحت لماما بالبنص وسعيدة وهموت من السعاده هههههههههههههههههه طبعا اتهزقت جامد والله اعلم اخدت علقة ولا لأ مش فاكرة بصراحة وخلتني روحت رجعت البنص وجبت صندلي .. منتهى القهر والظلم ولن انسى لها هذا الموقف طول عمري ههههههههههههه

تاني حاجة العيال اللي هم غلابة اوي اوي كانوا بيروحو المدرسة بشنط مصنوعه يدوي بواسطة امهاتهم
والشنط كمان كانت الوانها تجنن بصراحة
الشنط دي مصنوعه اكياس السماد البلاستيك الوانها بقه في شفاف وفي ابيض وفي اخضر وازرق واورنج
كنت هموت على وحده
المرة دي اتحايلت على تيته الله يرحمها كانت مدلعاني اوي بصراحة وافقت وعملت لي واحدة واخدتها معايا القاهرة وروحت بيها المدرسة وانا في سنه اولى مرة
المرة دي بابا اللي هزقني هههههههههههههههههه حرموني من شنطي العزيزة اللي كان لونها اورنج فاقع ههههههههههههههههههههههههه هه منتهى التسلط والظلم

**Terrible_DaRsH** · 04-12-2008 02:40 PM

من خلال زيارة قصيرة للدقهلية علمت السر الخفى بتاع كره البلد عندنا للدقهلية ...
ومحدش يوقعنى فى الكلام بقي ويسالنى ليه

..

**ahmed_su** · 04-12-2008 02:55 PM

المشاركة الأصلية كتبت بواسطة Terrible_DaRsH

من خلال زيارة قصيرة للدقهلية علمت السر الخفى بتاع كره البلد عندنا للدقهلية ...
ومحدش يوقعنى فى الكلام بقي ويسالنى ليه

..

ايوه صحيح !!....ليه؟؟؟!!!

**ASKAFRAWY** · 04-12-2008 04:15 PM

المشاركة الأصلية كتبت بواسطة Terrible_DaRsH

من خلال زيارة قصيرة للدقهلية علمت السر الخفى بتاع كره البلد عندنا للدقهلية ...
ومحدش يوقعنى فى الكلام بقي ويسالنى ليه

..

من غير متقول يافندم انا عارف

بس بقى اهلها بقوا زي الفل بصراحة

انا بحمل هم السفر فى الاعياد لان اهلى منهت
وبالنسبة بقى لخفة الدم

متزعلش منى انا برده والدتى من هناك وبقولها ايه ال..................زز

**ASKAFRAWY** · 04-12-2008 04:57 PM

المشاركة الأصلية كتبت بواسطة Terrible_DaRsH

لا يا عم مش بالسهولة دى .. هاهاهاها

اهنيك على شجاعتك والله العظيم وصراحتك ..
يا ريت كلهم يبقوا زيك كده ..

انا اسف لوكنت ضايقتك بس بجد دى حقيقة بشوفها كل اما اسافر!!

وشكرا لردك ياباشا بس بجد مش انا عندى حق!!انا قولت كل اللى كنت عاوز تقوله من غير مااوقعك فى الكلام!!
واسف لو كنت اضايقت من كلامى