الموضوع: المكنه بتاكل زيت

الموضوع ده كان فيه استفسار لموقف مشابه لعربيتك .. وكانت سكودا أوكتافيا بردو على ما أعتقد..

http://www.nilemotors.net/Nile/476525-vm.html

إن شاء الله يفيدك.


...

المشاركة الأصلية كتبت بواسطة gbgeorge

طيب انا عندى المكنه بتاكل زيت ايه رأيك لو حطيت زيت شل الاحمر علشان تقيل شويه و هو 3000 كيلو ؟

السؤال دلوقتي... حضرتك حطيت زيت مطابق لطلبات الكتالوج ولا لأ؟؟؟

خلينا نتأكد الأول إن الزيت مش هو المشكلة.. وبعدين نبقى نشوف إيه الحل.


بس رجااااااااااء.. أوعى تقرب زيت مش عليه رقم المواصفة من موتورك..


ويا ريت تقوللنا بردو معدل نقص الزيت قد إيه... ولو شاكك إن الموتور فيه حاجة.. شيك على الموتور زي ما بقوللك:

هل بتشوف بقع زيت تحت العربية مثلا؟؟؟
هل عندك ترشيح زيت على الموتور؟؟؟
هل بتشوف دخان من الشكمان؟؟
لما تشغل العربية بعد مشوار.. افتح غطا الزيت.. هل بتشوف نفخ هوا طالع من الفتحة دي؟؟؟
في حد قاللك إن العربية ساعات بتطلع دخان بسيط وهي ماشية (غالبا بين النقلات).


لو لا قدر الله لقيت حاجة من الأعراض دي.. يبقى الأفضل تصلح المشكلة من جدرها بدل ما تحط زيت تقيل ولا زيت شنبر يبوظلك الموتور بالكامل.


...