الموضوع: المكنه بتاكل زيت

المشاركة الأصلية كتبت بواسطة sala7

بص انا هقولك حاجه ممكن تقول عليا مش فاهم حاجه لكن الكلام اللي بقولهولك ده عن خبرة

الالماني كله بياكل زيت .. العربية لو لسه خارجه من التوكيل هتاكل بس طبعا لا تذكر و مش هتحس بيه

من غير الخوض في تفاصيل علشان ا تفتحش على نفسك فاتحة و تقول اعمر ماكينة لان كلامك ده معناه low compression و لو عايز تتاكد .. العربية و هي دايرة افتح غطا الزيت لو الزيت بيطرطش من فتحة تعبة الزيت يبقا المكنه بتاكل

طبعا العربية لسه دايرة اقفل الغطا و شيد مقاس الزيت .. لو فيه ترتطشة بردوا يبقا انت كدا اتاكدت بنفسك ان المكنه بتعمل oil burning يعني بتاكل

حضرتك هتتبع التعليمات اللي هقولهالك دي بالحرف و تتعايش مع الموضوع عادي جدا و المكنه باذن الله هتعيش معاك .. و ده في حالة ان المكنة فعلا بتاكل زيت يعني ( المكنه ما بترشحش من تحت او من فوق) .. الكلام واضح طبعا

1- شيك على العربية كل 1500 - 2000 كم و اول ما الزيت يوصل للعلامة الادنى هتعبي زيت لغاية العلامة القسوى و ما تعلاش عن العلامة نهائياً

2- هتفضل تزود كدا باستمرار كل مرة الزيت هيوصل للعلامة الادنى فقط .. يعني مش هتزود غير في الحالة دي فقط

3-ياريت تحط ميه g13 و ده علشان تخلي الشميز ديما بارد و مايخليش الزيت يعدي رنج البستون الخاص بمنع الزيت
زي ما حضرتك عارف ان فبه رنجين عزم و قدره و 3 رنجات فوق بعض في rood واحد للزيت بيمنعه يعدي لغرفة الاحتراق


4 - لو هتقدر تغير زيت و فلتر كل شهر يبقا تمام جدا .. مش هتقدر يبقا كل 6 شهور هتغير زيت بالكامل و فلتر مع الوضع في الاعتبار ( تغير الفلتر كل شهر لوحده و طبعا انت بتزود طبيعي زي ما اتفقنا لما الزيت يوصل للعلامة الادنى ) علشان تضمن ان المكنة نضيفة من جوة

تحياتي

استاذى العزيز شكرا جدا لتعبك و توضيحك
انا فعلا لما بفتح غطا الزيت و العربيه دايره بلاقى زيت فى تحت الغطا يعنى فى العلبه ايلى بفضى فيها الزيت لكن لما بشد مقياس الزيت هو طبعا بيبقى عليه زيت لكن باقى الزيت بيبقى فى الدوره يعنى مش بيكون باين الزيت قوى على المقياس
الحاجه التانيه انا فعلا لما الزيت بيوصل لنصف المقياس بزوده خوفا على سلامه الموتور مش بستنى لما يوصل للحد الادنى
الحاجه الثالثه انه بلاقى ترشيح زيت من تحت الكبايه ايلى بفضى فيها الزيت لكن باقى الموتور مافيهوش ترشيح زيت خالص
رابعا و الاهم هل نقص الزيت ده معناه انى هاحتاج اغير موتور فى القريب

فيه حاجه غريبه برده حصلت
دلوقتى بعد الزيت مانقص و كان على الحد الادنى فى المقياس انا زودته و كنت طالع مشوار لحد اسكندريه وبعد مارجعت و تانى يوم رفعت مقياس الزيت لقيته زى ماهو يعنى مافيش نقص فى الزيت
يعنى بعد زياده الزيت مش بينقص تانى فهل ده ليه تفسير والا يمكن صدفه كده ؟

فيه واحد صاحبى نصحنى انى اغير لزيت التعاون xpl بيقولى كويس جدا

المشاركة الأصلية كتبت بواسطة borio1704

ما ينفعكش..

الزيت ده مش مناسب لأي عربية من إنتاج فولزفاجن.. وحضرتك عارف طبعا إن سكودا وسيات وأودي هي من شركات فولزفاجن.. وكلهم بيستخدموا نفس المواتير.


هوصاحبك معاه عربية إيه؟؟؟


...

طيب حضرتك تنصحنى بزيت ايه انا حاليا بحط زيت شيل 5000 و بينقص