علبة البيئة دى فين وبعدين الصبابات دى مش ينفع معاها منظف بنزين
والكستبانات دى مين يكشف عليها
الميكانيكى بيقول مش لازم الزيت يبقى طحينه عشان يبقى وش سلندر ...الكلام ده صح
عرض للطباعة
علبة البيئة دى فين وبعدين الصبابات دى مش ينفع معاها منظف بنزين
والكستبانات دى مين يكشف عليها
الميكانيكى بيقول مش لازم الزيت يبقى طحينه عشان يبقى وش سلندر ...الكلام ده صح
حد يخلصنى من الهم ده ياأفاضل
علبة البيئة أول علبة في الشكمان.
الصبابات بتشتغل عن طريق الكستبانات اللي بتاخد حركتها من الكامات في وش السلندر فوق.... وخلي الميكانيكي يشوفهالك.
أيوه مش لازم تبقى المية طحينة.. وأنا قلتلك الكلام ده (قلتلك "المفروض تلاقي حاجة من اتنين")
حضرتك إحنا بنحاول نحل معاك بأقل الأضرار علشان ما تفتحش موتورك بدون داعي.. ثم احنا مش شايفين الوضع قدامنا علشان نقدملك الحل جاهز...
خليك مع الميكانيكي.. هو شايف أفضل مننا.
...
الف شكر يابشمهندس انا اضطريت اشيل ترموستات الكوعة وكل حاجة بقت تمام المروحه شغاله اوتو وبتفصل
خوفى كله انه يكون حصل حاجة فى وش السلندر
اكشف عليه ازاى ...انا كنت شوفت طرق على النت بس صعبه شويه ..
كان فيه موضوع واحد الحرارة ماتصلحتش الا لما غير راديتير مع ان الصنايعي قال له الردياتير تمام
هل مشكلة السحب انتهت؟؟
عموما.. إزالة الثرموستات مش هي الحل... دي مجرد مسكن للمشكلة..
المشكلة ما زالت موجودة وما اتحلتش... وهتفضل موجودة وممكن تبوظلك حاجة أكبر...
توقع دلوقتي برجلة في أداء الموتور.. غياب في فترة التسخين.. زيادة في استهلاك البنزين.. تآكل أكتر في الموتور وفقد في القدرة... ده غير نزول الحرارة أثناء السفر.
براحتك !!
...
انا عارف انها حل مؤقت وعارف عيوبه كويس انا مضطر لكده المروحة كانت شغالة على طول وبالتالى الترموستات مش فاتح عشان البلوك بارد بتاثير المروحة وفى نفس الوقت وش السلندر مولع ومخلى المروحة شغالة على طول وبالتالى دورة التبريد مقفولة ولو مافتحتش الترموستات العربيه هاتجيب وش سلندر
بس السحب اتحسن بعد تغيير حساس الكرانك والعربية ماعدتش بتفصل
انا عاوز مركز صيانة او ورشه تشخصلى مشكله العربية وتحلها وترجع كل حاجه لوضعها
ياريت يابشمهندس احمد نتواصل على الفيس انا حسابى على الفيس abdelaziz shaheen
مين اللي قال إن لما الثرموستات يقفل يبقى البلوك بارد ووش السلندر سخن؟؟؟
الكلام ده لا يمكن يحصل لإن المية ماشية جوه الموتور بالكامل.. من وش السلندر إلى البلوك والعكس...
الثرموستات يعتبر زي محبس خارج الموتور أو على طرفه...
لما بيقفل .. مش بيقفل السكة بين البلوك ووش السلندر... لأ ... بيقفل السكة بين "الرادياتير" و "الموتور" (وش سلندر وبلوك مع بعض) .
سؤالي دلوقتي.. حضرتك غيرت حساس الكرنك بعد ما شلت الثرموستات ولا قبله؟؟؟
...